بسم الله الرحمن الرحيم

السلام عليكم ورحمة الله وبركاته

اليوم بنزل لكم موضوع عن التسوق من النت فـ تحملوني شوي :oao:
الكثير منا قد سمع عن التسوق من النت سواء من متاجر امريكيه او متاجر صينيه
ولاكن يخاف من المجازفة بالشراء عن طريق الإنترنت
بالرغم من أن الأسعار في أمريكا والصين أرخص منها في البلدان العربية مجتمعه والكثير منا يتسائل عن كيفية الشراء من الإنترنت .
انا عن نفسي لي سنه تقريبا وانا اتصفح وابحث في المواقع ولاكن اتردد والسبب الخوف اخاف تروح فلوسي وانا ما استفدت شيء
وثاني شيء انتشار الوسطاء اللي يشترون لك من المواقع ذي
اكد لي ان المواقع ذي امنه لو ماكانت امنه محد راح يكون وسيط لك عشان يشتريها لك من الموقع

فقلت ليش اخلي بيني وبين المواقع ذي وسيط
فقلت بسم الله وخلني ابدأ اشتري بنفسي

المتطلبات عشان تشتري من النت

1_ فيزة تسوق
هنا تبدأ المعاناة مع حبيب القلب الراجحي
طبعأ نصيحة اخ مجرب الكل يبعد عن فيزة الراجحي التسوق ؟
اكيد بتقول ليش ؟ لأن قيمة الصرف في الراجحي للدولار هي (3.79)
وأغلب البنوك قيمة الصرف عندهم (3.75 أو 3.76) لا تتعدا هذا المبلغ
تقول مافيه فرق الفرق كله (0.04) اقلك ان الفرق في الـ(500)دولار(200) ريال
وأنصحكم بفيزة بنك الاستثمار


خلصنا من الفيزة نجي للخطوة التالية
بعض المواقع الامريكيه والصينيه ما توصل للشرق الاوسط يعني يبيلك بريد امريكي عندك خيارين
1- تفتح عنوان وطني مجانا في واصل ومجرد ما تفتح عنوان يجيك عنوانين
واحد في (أمريكا) و الاثاني في ( بريطانيا)
ولمن تشتري من المواقع تحط عنوانك الأمريكي وتجيك على السعوديه وقيمة الشحن للكيلو من امريكا (50) ريال

2- تفتح لك صندوق بريد عن طريق ارامكس أو فدكس ويكلفك 100 ريال مره وحده تندفع

وانت مخير نصحكم في البريد السعودي


كذا سار عندك فيزة وسار عندك عنوان امريكي
وتقدر تتسوق من المواقع المشهورة بكل اريحيه

مني مطول عليكم اذا تبون انزل لكم شروحات وتجاربي مع المواقع
الأمريكيه والصينيه بس اكتبولي تحت بالردود وانا بعطيكم افضل المواقع وارخصهن
واللي ما تحتاج عنوان امريكي ابد توصل لك لباب بيتك