|
اسئله الاعوام السابقه وش المشكله ؟!
سلاااام ....
مشرفتنا العزيزه منال اقدر تعبك معنا تحاولين قد ماتقدرين تخدمين هالقسم والف شكر لجهودك ... انا بحاله من الضياع تعودنا كل ترم يكون فيه موضوع مثبت يحتوي على اسئله الاعوام السابقه اقلها 3 اترام فاتو وكلها جاهزه بملفات سؤالي انا قاعده ادورترى هههههههههههههه مالقيت شي الا الموضوع المثبت حق اسئله الترم اللي فات على هيئه صور ومو واضحه مره واسئله التغير مو محلوله ...>>>>تقولون حليها والله مادري عن المواد هههههههههههه بجيب الملخصات قريب ،،،، المهم عشان نعرف ووش الوضع هل راح تنزل الاسئله مصححه بملفات حق الاترام الماضيه يعني هل فيه احد يشتغل عليها ولا لا عشان نتدارك الوضع ونتساعد الشي الثاني / ملخص المحاضرات المباشره هل واح ينزل ملف لها بعد ؟! نفس ماتعودنا !!! وسلامتكم ... منال ياعيوني انتي ترى كل كلمه كتبتها الكل قاعد يسولف مع نفسه فيها وحاس بضياع بنشوف وضعنا :bawling: والف شكر للكل من قاعد يتعاون ويساعد بهالقسم :love080: |
رد: اسئله الاعوام السابقه وش المشكله ؟!
اقتباس:
عزيزتي صبا اقدر حرصك وسؤالك , بالنسبه لخدمة القسم دور المشرف توفير الاحتياجات الاساسيه للقسم ومراقبته بشكل عام . وهذا دوري الحالي اللي أديته وماقصرت فيه . فيه امور ثانيه تعتمد على الطلاب والطالبات ومساعدتهم بالقسم وفيه نخبه بالقسم ماقصرو ساعدو واخذو اشيا فوق طاقتهم بسبب نقص العدد تبع تغطية المواد . وسبق اني مرتين طرحت موضوعين اطلب منكم المساعده بالكويزات تبع الاختبارات وما لقيت أي تجاوب منكم سوى ابو فاطمة الله يجزاه خير . + شمعة عطاء سوت موضوعين شاملين لمقررين الاحصاء الاجتماعي والمشكلات الاجتماعية وموجود بداخله الاسئلة . + كيف تحسين بضياع عشان اسئلة الاترام السابقه ماحصلتيها ؟ وهل المذاكره من وجهة نظرك بس عليها ؟ بالنهايه فيه جهود فرديه بالقسم كثير تحتاج الشكر للاعضاء المميزين . + موجوده اسئلة الاختبارات السابقه في اهم مواضيع القسم في فهرس الترم السابق , لذلك انا حبيت بس نشتغل على الجديد الترم اللي فات والترم الحالي فقط لاني احاول اراعي ان تكون الاسئله جديدة والدكاتره ماتغيرو من ترمين . اذا حابين نثبت الاسئله تبع الاترام السابقه ننتظر جهودكم بجمعها وتوفيرها وابشرو |
رد: اسئله الاعوام السابقه وش المشكله ؟!
كل شخص متعاون الف شكر له وجميعكم ماقصرتو وانا انا عن نفسي حاولت قد ماقدر مع الموضوع المثبت للاحصاء والي معاي ماقصرو بعد
بالنسبه للاسئله ووالمذاكره منها المذاكره الصحيحه (الملخص والاسئله السابقه والواجبات والمراجعه ) اوك انا لما سالت بتاكد احد قاعد يشتغل عليها نفس الترم الي فات او لا كذا تعودنا تكون جاهزه بملف وانا ماعندي مانع اساعد باللي اقدر عليه يعني لو نتفق كل اثنين بماده يجمعون اسالتها حق 3 اترام نفس ماسوينا الترم اللي فات عشان نعرف نرجع لها كمراجعه اخر شي والشي الاخير اتمنى من الجميع التعاون مستوى سابع دسم ماحبطكم بس هذا الواقع واي شي انا جاهزه ماعندي مانع والله يجزاكم خير جميعا تقبلو ودي واحترامي |
رد: اسئله الاعوام السابقه وش المشكله ؟!
اقتباس:
ماحد كلمني بخصوص الاسئله ياعزيزتي ماعندي علم لو احد يشتغل الان او لا . وانا ايضا بالخدمه شوفي اللي حابه تسوينه واساعدك فيه , ويجزاك بمثله ياروحي :icon1: |
رد: اسئله الاعوام السابقه وش المشكله ؟!
اقتباس:
وكأنهم سمعو صوتي ربي يسعدهم نزلوها فوق بالموضوعات بقى التثبيت فقط الف شكر لكم جميعا ماقصرتو ... |
| All times are GMT +3. الوقت الآن حسب توقيت السعودية: 11:13 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام