هموم البنات
 

السلام عليكم..مشكلة يعاني منها الكثير من الأخوات ألا وهي مشكلة التوصيل.. تلك الرسالة موجهة إلى أصحاب العقول النيرة أللي قالوا لا الحرمة ما تسوق.. ليش؟
طبعاً يدعون أنهم خايفين على المرأة ومايدرون كم من المشكلات أللي نعانيها مع هالسواويق طبعاً سواقي محترم بس مشكلته يتصل قبل ما تخلص المحاضرة وبعد يقول 3 دقايق إذا ما طلعتي ولا بمشي.. أظنكم تعرفون المسافة أللي نمشيها من مبنى الكلية (47) إلى غاية ما نوصل الباص مسافة طويلة نوعاً ما.. وحتى الأهل على كثرهم وقلت بركتهم.. يعني ظلم أن النظام يمنعنا من السواقة.. أنا ما أشوف في هذا نص شرعي يدل على تحريم سواقة المرأة بل على العكس المرأة وهي مع السواق قد يكون فيها نوع من الخلوة -أللي حرمها الشرع- وزيادة على كذه هي بتكون معرضة للخطر لو كان السواق مش محترم -الله يبعد الشر عنا وعنكم-.. وبعد على أيام الرسول الرسول ما حرم على النساء ركوب الأبل والبعير.. ويقابلها في وقتنا الحاضر السيارة أللي حرمها أولئك الرجعيين المدعين أنهم يطبقون شرع الله ويدعون أنهم يخافون على المرأة.. والله أللي قاعد يصير ظلم وأنا مقهورة مع بهدلتي مع هالسواويق.. لكن ما أقول غير حسبي الله ونعم الوكيل على كل من منع المرأة من السواقة بهدلتونا ولعوزتونا.. طيب ما أشوفكم حرمتو الجوال مثلاً ما أشوف حرمتو الخلوة مع سائق.. الجوال والكمبيوتر والسيارة ما هي إلا وسائل يستعين بها المرء لقضاء حاجته.. أو على الأقل يا أعضاؤنا الكرام نبي حلول مقترحة:
عندي اقتراح وهو
أن توفر الجامعة باصات عادية أو حتى باصات كبيرة مثل المدارس وعلى أوقات المحاضرات
يعني مش يكون الدخول بس 6 و9 والخروج بس1 و3 يعني من بيصبر هالوقت.. تعب والله
يعني لو وحده محاضرتها 1 تروح 9!!! يعني ما تحسونه ضياع للوقت وأحنا طالبات جامعيات محتاجين لوقتنا
يا ناس حسو هذي مش مشكلتي بلحالي هذي مشكلة نص السعودية..

رد: هموم البنات
 

مانبي نسوووق انتي كذا قاعده تحرضينهم يسوون اشياء غلط فرضنا انك سقتي السياره وبنص الطريق تعطلتي من بيساعدك ؟؟ مو رجال ؟

وبعدين مابعد سمعنا بنت انخطفت من الجامعه ولا تحرش فيها ولو سمعتي فبيكون نادرآ فمكانك مع السواق ومع مجموعة بنات اظمن لك من سواقتك لحالك وبالسياره