أرجو المساعدة بقدر المستطاع
 

السلام عليكم ورحمة الله وبركاتهكل عام وانتو بخير ان شاء الله


حابة أتحدث عن شي محيرني جداً


بالبداية /


لما تخرجت من ثانوي ولله الحمد . ما كنت مطلعة على أنواع الكليات والتخصصات , و كنت في ذاك الوقت مركزة ع الادارة خصوصا ادارة الاعمال و كنت بس اشوف هالكلمتين "ادارة الاعمال" أفرح واتخيل نفسي بزنس وومن حقيقة . و انا أميل للفنون و هذه طبيعتي و أحب الرسم والازياء والاكسسوارات وهالامور و كنت اقول ان شاء الله باخذ البكالوريوس وافتح لي مشروع كوافير او شي من هذا القبيل.


بعضاً من معارفي كانوا يبغوني أدخل طب , و لما دروا اني دخلت ادارة . بعضهم شجعوني وكثييير منهم قالوا "ايش ؟ ادارة ؟ مالها مستقبل "


المهم , دحلت كلية الادارة والحمدلله . واجتزت الترم الاول بتفوق + الترم الثاني كذلك والفضل لله
الآن أنا في السنة الثانية و لسة ما تخصصت ..
ادري الغلط من البداية اني ماعرفت وش الي ابيه بالضبط .
الشي الي محيرني :
هل أغير الكلية , و أدخل كلية التصاميم ؟ ولا أبقى ع الادارة ؟
صحيح ان الارزاق بيد الله , لكن لازم أعرف مستقبل االادارة
استفسرت وقريت كثييييير , و شفت ان في مستقبل
طبيعتي مزاجية .الآن احس اني ابغا تصاميم لان شفت ان الادارة غالبا الشخص يكون فيها جاد و ملتزم و حريص ع كل صغيرة وكبيرة , أحس ان هالشي زي القيد , اما التصاميم فالي قريته عنها ان الشخص يقدر يكون مبدع لان في فن و تشكيل وووووو


جد احترت , مادري هل اغير الكلية ؟ و مادري لو غيرتها راح اتناسب مع المواد والبيئة او لا ؟ هل في مجال للتغيير ؟


اعطوني ارائكم و مساعدتكم

رد: أرجو المساعدة بقدر المستطاع
 

ماشاء الله اجتزتي اول سنه بنجاح هذا يعني تقبلك لهذي الدراسه انتي اذا مقتنعه بداخلك باللي قاعده تسوينه لايهمك كلام الناس
ممكن تدرسين تصاميم وبعد التخرج تجلسين بالبيت بدون وظيفه

انتي انظري للأشياء على انها خير وشر ماتدرين يمكن الله صرفك عن التصاميم لأن رزقك ماهو فيها
وقبل أي عمل لازم تستخيرين
كل شي له مستقبل اذا كنتي واثقه ومحسنه الظن بالله


//

عموما ياختي نظام جامعه الدمام لايقبل التحويل من كليه إلى مسار هندسي
ولكن استخيري وقدمي تحويل حتى لو النظام لايسمح لو خير لك بتتيسر أمورك