|
تــنــبــيــه للجميع
السلام عليكم جميعاً بالنسبة للرياضيات
لازم نتساعد في تلخيص مادة الرياضيات لأن المحاضرات كثيرة تقريباً 22 محاضرة الاكيد 20 نحتاج مساعدة الأخ/ت اللي ماسك/ة المادة اللي يفهم بالرياضيات يشارك بالملخصات لأن راح نجيب درجة أقل في الاختبار الفصلي علشان كذا لازم نتساعد في الكويزات والواجبات والاختبار الفصلي يكون في أشخاص يجيبون الأسئلة ويسجلونه علشان يكتبون الحل الصحيح اللي جابوا فيه درجتهم نبي نضمن 10/10 للجميع بجمع الأسئلة وكتابتها بالمتلقى مع حلوله الصحيحه انتظر تعليقاتكم ... |
رد: تــنــبــيــه للجميع
يعطيك العافيه
المفروض الكل يساعد ماحد ياخذ وبس لازم أخذ وعطا في ناس كنت متوقعه انهم يساعدون بكل المواد بس خيبو ظني:139: أولا واخيرا هذي درجاتكم وانتو حُرين فيها .. الزبده انا بساعد بذي الماده ولو بشي بسيط :004: |
رد: تــنــبــيــه للجميع
لكن لازم ننزل نجمع متبرعين يدخلون يتبرعون بمحاولة من محاولاتهم علشان يجيبون الأسئلة بعد حلها
ينزل السؤال مع جوابه بالملتقى الاسئلة اللي محلوله |
رد: تــنــبــيــه للجميع
يعطيك العافيه نجيب ,, كل خطط المقررات تحتاج دعم ومسانده وأعداد أكثر من المشاركه حالياً ,, والمواد العلمية تحديداً مثل الرياضيات والإحصاء عشان تقدروا تجتازو الاختبارات الفصليه والواجبات بسهوله ويُسر وتضمنو 10 درجات فيهم بمشيئة الله تعالى ,, * اللي حابب يشارك في خطط المقررات من خلال مواضيع الخطط للمقررات التاليه ,, http://www.ckfu.org/vb/t701339.html http://www.ckfu.org/vb/t701277.html http://www.ckfu.org/vb/t701315.html http://www.ckfu.org/vb/t701312.html http://www.ckfu.org/vb/t701342.html http://www.ckfu.org/vb/t701349.html http://www.ckfu.org/vb/t701308.html لا زلنا نامل في مشاركة ودعم أعداد أكثر من الطلاب , قبل لا يجي وقت الإختبارات الفصليه ويدورون من يساعدهم ولا يلاقون .. الإختبارات الفصليه مو سهله أبداً , وراح تكون صعبه عليكم بدون تعاون وتكاتف ومساعده ,, :sm4: بالتوفيق لك ,, :rose: |
رد: تــنــبــيــه للجميع
صحيح كلامك لازم نتساعد يانجيب
ودي أسوي شي وأساعد بس لللأسف ماعرف رياضيات بالمولية أتعلم ياريت الي عندهم خبرة ولو بسيطة يساعدونا وليهم الأجر |
رد: تــنــبــيــه للجميع
اقتباس:
كل واحد يبدأ يحاول ويمد يده وما يكتفي بس بإنه وده يسوي شي وراح يتعلم كل شي ,, اللي فهمه ضعيف في الرياضيات مثلاً او الاحصاء يساهم في المقررات الباقيه , حتى يخفف الضغط على الباقي اللي قاعدين يساعدون في جميع المقررات ويعطوهم مجال يساهمو في المقررات الصعبه وهم أكثر راحه .. يعني مثل ما يقولو " شيل عن غيرك عشان يشيل عنك ",, |
رد: تــنــبــيــه للجميع
ان شاء الله الكل يتعاون وانا معكم باذن الله
|
رد: تــنــبــيــه للجميع
الله يوفق الجميع
|
رد: تــنــبــيــه للجميع
أنا من رأيي صح نحتاج مساعدة بالمواد وماإلخ لاكن ما أعتب على أحد
أولا تونا باديين و البعض للحين مو فاهم لنظام و البعض توه يجيه الرقم الجامعي وتنزل له المواد و البعض أكيد و هذا كثير متخوف يقول أنا أمسك وهو عارف نفسه انه مايقدر سواء لشغله وعدم وجود وقت أو غيره فما يبي يقول أنا بعدين مايسوي المطلوب منه وبعدها ينسحب لن أكيد بعدها راح يجيه نفس الكلام " البعض مسك و انسحب " " البعض عارف نفسه مايقدر و مسك و بالنهايه سحب علينا " ومن هالكلام يعني مثل مايقول المثل ( رضى الناس غايه لا تدرك ) و فئه أتوقع قليله اللي ماشاركوا لأنانيتهم يعني صبر شوي شوي و إن شاءالله مع الوقت راح تتغير الأمور وراح يتحمس الكثير و ااتوقع أكثر اللي يساعدون الحين بالمستويات المتقدمة كانوا بمثل موقفنا الحين ومع الوقت تعلموا �� ( البعض) و بالنهايه الله يسهل علينا جميعا ويوفقنا لكل خير و الله يكتب لنا التعاون و اليد الوحده ���✊ |
رد: تــنــبــيــه للجميع
هي الدعوة
مثل ماذكر الاخ صعب فيه مقررات سبع الاحصاء الاتصال الصحة التعلم ....الخ اللي يفهم لمادة معينه يلخص ويشارك لو محاضرة وحدة علشان يخف الضغط على الشخص اللي ماسكها بالنسبه للتوجيه الاخ صعب عنده خبره وخانة الاستفسار موجودة بالمواضيع المثبته نرد على الاستفسار بالشي الاكيد من واقع الخبرة والمعرفة خلال الدراسه |
| All times are GMT +3. الوقت الآن حسب توقيت السعودية: 07:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه