|
وش الي دخلكم ذا التخصص
مرحبا شسالفتكم مع التربيه
مو معقول كلكم تحبون التخصص هذا تيب وين أحلامكم ماكنتوا أيام الطفوله او بلأصح أيام الثانوي تحلمون بتخصصات معينه أنا ماأحب تخصصي وكان من سابع المستحيلات أدخل ذا التخصص بس القدر وما يسوي صدق المواد حلوه وسهله بس ما أتخيل مسقبلي بذا التخصص ولاني قادره أتقبله بعدي أغلبيتكم موظفين ومتزوجين يعني كبار شوي بسألكم بصراحه ليه دخلتوا التربيه الخاصه والي ماكان يحب ذا التخصص وحبه بسأله ليه حبيته تحياتي نونه |
رد: وش الي دخلكم ذا التخصص
أنت تريد وهو يرد والله يفعل ما يريد . أنا مثلك بس حطي في بالك أن الله ماكتبلك تدخلي التخصص هذا إلا فيه خيره لك بس خلي أملك بالله كبير وتوكلي عليه وراح تشوفين إن شاءالله إذا الله عطكي عمر وراح تشكريه و تحمديه كثيراً. أنا أول ماتخرجت من الثانوية كل صديقاتي دخلن الكلية إلا أنا لأني ماحصلت على نسبة عالية لأن وقتها كنت تعبانة وماحصلت على مجموع المهم دخلوني أهلي معهد حاسب وكنت رافضة جداً ولكن مايبوني أجلس في البيت عموماً دخلت معهد حاسب آلي وحصلت على دبلوم حاسب في البرمجة بتقدير (ممتاز) ثم توظفت في معهد خاص لمدة سنتين وبعدها حصلت على وظيفة حكومية بدون واسطة وصديقاتي أللي دخلوا الكلية وتخرجن لم يحصلن على وظيفة وإلى يومك هذا أحمد ربي كثير وأقتنعت كل شيء يحصل لي ويختارة ربي في حياتي هي خيرة لي . |
رد: وش الي دخلكم ذا التخصص
وش فييه هالتخصص ؟ والله حلمي من يومي بالمتوسط
وبالعكس انسااني مرررة وفيه اجر كبير الله يوفقني وياك وأشوفني أطبقه على هالمساكين اللي ربي حرمهم من هالنعم اللي ربي أكرمنا بها الحمد لله والشكر:praying: |
رد: وش الي دخلكم ذا التخصص
الحفراويه مشكوره ع المرور
الله يسمع منك وتكون خيره ودي ادرس مشكوره حبيبتي مافيه شي وانساني ماقلنا شي بس يبيله حد صبور والصبر ماهو بقاموسي |
رد: وش الي دخلكم ذا التخصص
اسأل الله ان يوفقك يالحفرواية وعقبال الوظيفة اللى احسن وارقى منها بعد:119: وانتي بعد ياودي ادرس
بنسبة لي يانونه انا موظف وكنت داخل بس عشان استفيد من الشهادة في عملي عشان الترقيات ... لان عندي ثانويه ودبلوم من معهد االادارة العامة برمجة حاسب وقلنا الشهادة بعد تنفعنا تدفنا شوي:cheese: اللى حصل اخترت دراسات اسلامية وذكرت هذا الكلام لزملاء وكان منهم واحد بس جامعي:hahahahahah: قالي ياثوووووور اختر تربية خاصة؟ قلت له كرم الثور طيب:cheese: قلت له ليش؟ قال مستقبلها حلوووو وممكن تحصل تدريس والتدريس كلن يسعى له ؟؟ ومن حسن الصدف كان وقتها من بداية الترم قالوا اللى يبي يحول يحول حولت والله اصلاً انا كنت احسب التربية الخاصة هي تبع الكوره اثاريهم يسمونها التربية البدنيه:hahahahahah: المهم اخترت التخصص ومتمحمس بصراحة لان خويي هذا كل يوم يعطيني حافز بس من داخلي انا مقدر اتحمل اشوف اي معاااق:bawling: قلت بختار تخصص صعوبات تعلم اشوي لان لو اخترت تخصص ثاني بتعب نفسياً لاني من الناس اللى اتأثر باللى قدامي:bawling: ولا اتحمل اشوف اي معاق اقصد الاعاقات اللى يكون فيها تشووه .... اذا ماصرفت نظري عنه احس ان بيجيني شي ...... والله مهوب شماته او شي زي كذا بس نفسيا مقدر.... عندي اخ جاه شلل اطفال بسبب جلطة وهو صغير شكلة طبيعي مافي شي انشلت يده ورجله .... بس طبيعي يمشي ويمارس حياته ولاكن تسببت له الجلطة بصرع ..... وهالايام بالذات له حوالي 13 يوم جاته نوبة صرع تسببت في فقدانه لذاكره ... يعني ينسي اللى سواه من شويه بس الذاكره القديمة لا طبيعيه ولافيها شي ....يعرفني ويسولف معي بس لو مثلا دخلت سولفت معه يعيد لي السالفه مية مره وكانه اول مره يقولها وانا اذا جلست معه احس ن بيجي حاله :000: لدرجة اني اخرج وارجع له مره ثانيه قال وينك من زمان ماشفتك:t1: اعتقد هو مايدخل كثير في الاحتياجات الخاصة ولاكن والله اتعب معه:011: فكيف لو بتعامل مع معاقين فعلاً؟ لدرجة اني افكر اسيب التخصص بس قلت على الاقل لو ماتوظف بالشهادة بس استفيد منها في العمل:011::011: ولو ننظر لها من ناحية الاجر فباذن الله يكون لنا اجر كبير .......... بس مشكلتنا وانا اتكلم عن نفسي ابحث عن المادة اكثر من اني ابحث عن اجر:011: ولا عندنا صبر بصراحة |
رد: وش الي دخلكم ذا التخصص
غلطة عمر مشكور
وانا مثلك ما أقدر أتحملهم مو شماته بس اشوف ولد عمي معاق عقلي يضرب الي قدامه ويشد شعره وشلون بنتحمل ياربي بس المتوظف زين يبي بس ترقيه المشكله الي مومتوظف |
رد: وش الي دخلكم ذا التخصص
انا موظف والبكلريوس لا اخذتها ابي اعلقها بالمجلس وبس لاني ما راح استفيد منهاااااا
|
رد: وش الي دخلكم ذا التخصص
عاشق الترحال
مشكور ع المرور الي يفقع المرار ياااااااااااااااااااااحظ الي زيك بس معقول مافي حد مثلي :017::017::017: داخل غصب عنه |
رد: وش الي دخلكم ذا التخصص
من ناحية داخلين غصب عني نفسي لا داخل وانا مرووووووووووووووووق للاخر ... وبعلكس منفتحه نفسي لدراسة بشكل حلوووووووووووووو
والحمد لله .... وبالاول والاخير جت كان بها ماجات .... عااااااااااااااادي بالنسبة لك ياعاااشق .... اذا وظيفتك حلووووة وامورك زينه فعلقها وزخرفها وغلفها بعد :cheese: بس اذا عندك طموح للافضل فشد حيلك .....لانها بصراحة فرصة .... اذا تبي تغير من مستواك الوظيفي حتى الرواتب بتقفز فووووووووووق افضل من الوضع الحالي خصوصا اللى مثلي موظف حكومي على المراتب ..... مت ياحمار حتى يجيك الربيع .... لاترقيات .... ولا حوافز ولا وراتب زينه .... الحمد لله على كل حال بس.... عن نفسي الحمد لله الترقيات ان شاء الله بتمشي لان الامور عندنا ميسره ... بس برض ماهيب قد الطموووووح .... على كل الاحوال اسأل الله انه يوفقك .......... ويزيدك من خيره والاعضاء جميعاً |
رد: وش الي دخلكم ذا التخصص
غلطة عمر
خمسه وخميسه هنيال ألبك بالاجر شكلك بتمشي لي راتب :mh19: :mh19: :mh19: |
| All times are GMT +3. الوقت الآن حسب توقيت السعودية: 08:27 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام