ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   في فرق بين شهادة الجامعة عن بعد والانتظام (https://vb.ckfu.org/showthread.php?t=701666)

سالم1 2015- 9- 8 04:54 PM
في فرق بين شهادة الجامعة عن بعد والانتظام
 
السلام عليكم بالنسبة للتقديم على العمل
هل شهادة البكالوريس عن بعد
نفس شهادة البكالوريس انتظام

عبدالله الاشهب 2015- 9- 8 05:06 PM
رد: في فرق بين شهادة الجامعة عن بعد والانتظام
 
للأسف لأ الإنتظام لهم الأولويه في كل شي بالتوفيق

Sitah.Alotaibi 2015- 9- 8 05:14 PM
رد: في فرق بين شهادة الجامعة عن بعد والانتظام
 
اقتباس:
المشاركة الأصلية كتبت بواسطة عبدالله الاشهب (المشاركة 12661385)
للأسف لأ الإنتظام لهم الأولويه في كل شي بالتوفيق
يحق لهم التميز عنا لانهم يتعبون في الدراسة اكثر مننا


الحقيقة لازم نعترف فيها


و حتى لو مناهجنا نفس مناهجم يكفيهم تعب الحضور اليومي و جهد الاعمال الفصلية و البحوث و ومشاكل الدكاترة معهم

عبدالله الاشهب 2015- 9- 8 05:48 PM
رد: في فرق بين شهادة الجامعة عن بعد والانتظام
 
اقتباس:
المشاركة الأصلية كتبت بواسطة sitah.alotaibi (المشاركة 12661403)
يحق لهم التميز عنا لانهم يتعبون في الدراسة اكثر مننا


الحقيقة لازم نعترف فيها


و حتى لو مناهجنا نفس مناهجم يكفيهم تعب الحضور اليومي و جهد الاعمال الفصلية و البحوث و ومشاكل الدكاترة معهم
ماعترضنا على هالشي بس يأكلون الأخضر واليابس هذي بعد فيها ظلم كبير لان فيه طلاب مميزين إنتساب افضل بمليون مره من الإنتظام بس لظروف خارجهم عن ارادتهم اضطروا يدخلون إنتساب فاليت يكون لو فيه شوي عدل لو ل80% إنتظام مقابل 20% للإنتساب بالتوفيق

فتاة الغد 2015- 9- 8 06:47 PM
رد: في فرق بين شهادة الجامعة عن بعد والانتظام
 
حاليا كلنا في ألهوا سوا. مافي وظايف للجميع فأسهل الانتساب دام مافي فرق

al_khaldiah 2015- 9- 8 06:55 PM
رد: في فرق بين شهادة الجامعة عن بعد والانتظام
 
اللي يقول هم يتعبون اكثر ع اساس احنا حاطين رجل ع رجل ونتقهوى مثل مايسوون نسوي بحوث هي نفسها المناقشات الا اذا كنت من جماعة انسخ والصق هذا شي يتعبون مع الدكاتره احنا زيهم واجبات عندهم بعد عندنا ماضيع حقوق الانتساب الا طلبة الانتساب كلنا طلبه وكلنا ندرس بجامعات معروفه ليه التفرقه يختبرون ونختبر واحنا غير عنهم ندفع رسوم ونطبع ملازم ونشتري كتب وغير الاختبارات المقاليه العشر اسئله بعشر اسطر وتعليق الموقع ف الاعوام السابقه لانو هالعام متفائله بخير انو ماراح نواجه مشكله..طلبة الانتظام بطلو تقليل بانفسكم

العامري1 2015- 9- 8 11:08 PM
رد: في فرق بين شهادة الجامعة عن بعد والانتظام
 
من قال والله الانتظام فالينها قهوه وسوالف ويحضرون بعض واحنا مقابلين الشاشه نتابع اخبار ذا الجامعه ونحمل محاضراتها الله يوفقنا ويكتب اجرنا

ام نانا 2015- 9- 8 11:48 PM
رد: في فرق بين شهادة الجامعة عن بعد والانتظام
 
للاسف فيه فرق لمن تقدم ع وظيفه يطلبون بعضهم انتظام مو البعض الا الاغلب يبون الانتظام مانقدر نقول الا رزقنا ع الله مع انه من جد مافيه فرق الا في التدريس انا معهم ولا غيره عادي ويكون فيه ناس تعلم عن بعد احسن بالف مليون مره من طالب انتظام
ونرجع نقول الرزق ع الله مو ع الناس

فتآت مسك 2015- 9- 9 01:18 AM
رد: في فرق بين شهادة الجامعة عن بعد والانتظام
 
الأنتظام نفس الأنتساب مافي وظائف الأ بعد الأقدمية

والي يقول فالينها يجي يداوم ويشوف الوضع

والمكافئة تروح على الملازم والكتب و المواصلات وماعندنا تلخيصات وأغلب الأسئلة مقالية

A s s i r i 2015- 9- 9 01:53 AM
رد: في فرق بين شهادة الجامعة عن بعد والانتظام
 
كل شخص يختلف عن الاخر اهم شي الرغبه والاجتهاد ويكون تخصصه مفيد له وفاهمه.. (انتساب/انتظام) الشركات ترغب الخبره والعقول ..




فيه فرق من ناحية التوظيف في المجال الحكومي و اكمال الدراسة
الانتظام افضل بكثير..


All times are GMT +3. الوقت الآن حسب توقيت السعودية: 07:45 AM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه