ملتقى طلاب وطالبات جامعة الملك فيصل,جامعة الدمام - شعر كنّ السّمآ تمطر همؤمي أبآبيل .. !

[align=center][table1="width:95%;background-color:black;border:7px inset silver;"][cell="filter:;"][align=center]

http://forums.imageslove.net/uploads/image/13969186851

تعب هذا العمر مني ,
وتعبت أتّنفس أشواقك , وأضل أنطر أمل ( باكر )
أذا فاكر ! , تعال ورتب أيامي :
أو انك تجي وتبعثر أيامي , أنا مو خايف أفراقك !
أنا خايف من أحلامي , ومن ( باكر ) !

.
'

'
'

تمشّط أهداب السهر جادل الليل
لاضاقت بصدري من الشوق الأنفاس

وأشعلت في ليل الحنين القناديل
واعتقت من سجن الجفن دمع ونعاس

على شبابيك الحزن والمواويل
أرتل الذكرى ويخشع لها إحساس

يملا فضا حلمي فراشات واكليل
وأتمتم آمالي على شفاه يبّاس

وأحضن بقايا أوراق واحتاج تأويل
للواقع اللي سلّم أحلامي الياس

وجمر العنا ترميه الأيام واشيل
لين أحترق وآلامس أطراف الأجراس

والدمع لا من طاح يحضنه منديل
لكن شعوري من له يقول لا باس

ياعمري اللي طاف حول التماثيل
وصلى على جنازة طموحه مع الناس

وان هبّ نسناس الهوى ودّي أميل
لكن شسوي كان ما هبّ نسناس

كل الفصول الأربعه تجتمع ويل
في ليلةٍ نام الأمل بين الاقواس

كنّ السما تمطر همومي أبابيل
والأرض تنبت حزن واثماره اتعاس

وصمت القمر يعزف حنينه على سهيل
وأدوّر شعوري تحت كل نبراس

أفراحنا في وجهها كذبة ابريل
ويغيضها لو ترسل الشمس عسّاس

ماكان دفن الذنب درسٍ لقابيل
شف كم حزينٍ تقتله لعنة الباس

ياحزني اللي تكفي بغلّك الجيل
ماني خصيمه ليه ترسم على الراس؟

وش يعني تحرم عين من نومها ميل
وتنسج لعمري من سنا نارك لباس

تراك مهما تحبس النور .. بي حيل
وبي قوةٍ تاقف على القبر حرّاس

ومهما رشيت افراح تبخس لي الكيل
مايرجف بإيد الأمل داخلي كاس

كيدي عظيم وقالها الرب تنزيل
وكيدك ضعيفٍ يشبه لكيد خنّاس

وادواك اسوي فيك ماسن ّقابيل
وارميك من عالي مراقيب الأحساس.!

.
'

( بارد الصمت ) وكلامي , يا وطن
لو أبدّفى به ترى الواقع ( مُخيف )

كان , صوتي لو أسولف لك : حزن
كان , جسمي من عنا الغربه نحيف

الدورب أطوال .. في هذا - الزمن
كيف , أمشيها - وأنا قلبي , كفيف

ماني , المخطي وليه أدفع , ثمن !
بس خطاهم , جرح ماوقّف , نزيف

دام مو , منّك أنا ! أرجع ( لـ من )
قلب , هذا الصمت ماضنّه / نظيف

كان صدري لـ أكبر أحلامي , سجن
كيف أحققها , وأنا منّهم ( ضعيف )

شوف , هذا البرد لـ ضلوعي كفن
ما كفاك الموت وش ناوي تضيف؟

( ضاميه ) , كل المدينه , يا مزن
يا جفاف العمّر حمّلك , مو خفيف

طاحت , أوراق الاماني / ياغصن
من متى يا وقت ما غاب الخريف

قلب ينبض للضياع ( وللحزن )
كان يبكي كثر ما حلمه / عفيف

جا / يدور داخل الدنيا ( وطن )
ما لقى غير الشوارع والرصيف

'
'

http://up.arabseyes.com/uploads/31_08_1213464360201.gif

م/ن

مودتي :love080:

[/align][/cell][/table1][/align]