|
وش الحل للموظف مع الدوام والوقت والجامعة ؟
السلام عليكم ورحمة الله وبركاتة
انا موظف ودوامي حوسه وقلق وكل انواع الهم ماعرفت كيف ارتب وانسق وقتي مع الدراسة دوام ونوم غير المشاوير والامور الخاصه واشوف عالم رايحه وعالم جايه ودخول كل يوم وقروشه ف حسيت ب ضغط وقلق من البداية ومالنا غير كم يوم وش الحل لوضعي ؟ هل فيه احد موظف وممكن يعلمنا كيف يسوي ؟ لازم ادخل كل يوم وانزل المحاضرات وش الطريقة لوضعي !! شكرا :rose::004: |
رد: وش الحل للموظف مع الدوام والوقت والجامعة ؟
وعليكم السلام ورحمة الله وبركاته ..
بالبداية أقول الله يعيينك .. ويعطيكم العافية نظام الدراسة عن بعد انا اشوفه مناسب جدآ للي ظروفهم نفسك .. يعني ماعندهم وقت كافي .. لو كنت مكانك , اقل من ساعه أدخل أشيك على الشيء الجديد أحسن لك عشان ماتضيع كلها ضغطة زر (تحميل ) نزل المحاضرات سواء المسجلة او المكتوبة .. ومايحتاج هي مرتبه بالأرقام .. متى ماصار عندك الوقت الكافي أرجع لها وأقراها أصلا راح تكون مترابطه مع بعض , وبالعكس انا اشوف هالشيء يسهل عليك .. وأكيد راح ينزل واجب مرتبط بالشيء اللي درست يعني حيكون لك زي المراجعه .. والاساتذة ماقصروا فيه وقت كافي ل حل الواجبات ..مثال من يوم 8 الى يوم 23 انا اشوف انه وقت كافي مره يعني مختصر كلامي .. لاتسمع للمثبطين من حولك شوي حماس وحب التجربة لانها شيء جديد عليك وشوي ترتيب تززبط امورك .. موفق ..:106: |
رد: وش الحل للموظف مع الدوام والوقت والجامعة ؟
انا اعمل في شركة ونظام شفتات اسبوعين مساء واسبوعين صباح واجازتي متفرقه ممكن يومين مع بعض وممكن لا وممكن توافق يوم جمعه وممكن لا انا مستجده عن بعد ولسه اول مستوى حاولت احط لي برنامج يوافق شغليو انظم وقتي بحيث لو دوامي مساء اصحى الصباح وادخل موقع الجامعه واتابع المستجدات والمحاضرات ولو دوامي صباح لما ارجع احمل المحاضرات واخلص واجباتي المنزليه وبعد ماينامو اهل بيتي اطلع على المحاضرات ولو تعبانه انام وارتاح واصحى قبل موعد دوامي بساعه واتابع المستجدات وبيوم اجازتي احاول استغل بعض الوقت اذا يسمح لي وقتي وادخل واتابع واخلص واجباتي ...الدنيا سهالات ان شاء الله انت بس قول يارب ووكل امرك لله ورتب امورك وجدولك على حسب طبيعة عملك ونظم وقتك هالشئ بيربكك وبيتعبك وانت لسه استهدي بالله وشد حيلك وحط ببالك ان شهادتك الجامعيه اول شئ تضيف لك فكريا وتطورك من هالناحيه ناهيك عن ترقيه ومنصب جيد توصل له في مجال عملك وكثير اشتغلو وكملو دراستهم واهم شئ لاتسمع للي يشتكون ويتذمرون لانهم طاقه سلبيه تحبطك دور اهل العلم الي يرفعون معنوياتك ويشجعونك والمنتدى هنا ماشاء الله متعاونين عندك مثلا احساس :صعب:بندر المحمدي وكثير ماشاء الله عليهم ولاتخلي عذر العمل ومشاغل الحياة تلهيك عن علمك طالما ابتديت اول المشوار ياسرعها وتخلص وعقبال ماناخذ وثائق تخرجنا بأعلى المراتب يارب تعوذ من بليس هذا هو الله يدحره يدور فيك منفذ حتى يحبطك ويربككززشد الهمه وخليك اقوى منه وابتسم وانت داخل لموقع الجامعه بث في نفسك طاقه ايجابيه حتى تلاقي كل جميل وبالاول والاخير فشلك ونجاحك بيد رب العالمين اولا واخيرا ثم بيدك
..كمان اشوف انك مرتبك وخايف وترى مو لحالك كلنا كذا لان لسه ماتعودنا على هالتجربه وتونا ببدايتها لسنا ماتمخضنا فيها واتقناها مع الوقت راح تكون اسهل من السهل وماشاء الله كل شئ متوفر والله يسهل امرنا |
رد: وش الحل للموظف مع الدوام والوقت والجامعة ؟
الله يعطيك العافية ي توت ازرق
معاك حق هيا سهله وحلوه لوضعنا بس يبيلها ترتيب امور خاصه البدايات لان شيء جديد واشياء كثيره وحوسه ف حبيت اشوف تجارب الاعضاء كيف مسوين ونستفيد منك ومنهم ، ودي بدل كل شخص يفكر بصوت منخفض ، نفكر بصوت عالي ونسمعه كلنا التجارب والتفكير يسهل علينا الوقت والجهد .. الله يوفقك ويعطيك العافية ع تجاوبك وكلامك شكرا :rose::004: |
رد: وش الحل للموظف مع الدوام والوقت والجامعة ؟
يعطيك العافية ي h.s.q999 ع كل حرف كتبتيه
بخصوص الدراسة والهمه عندي موضوع واستفسار عن التقديم من سنة وكنت ب ابارك لنفسي وارفع الموضوع لما انقبلت ، ف خفت تكون مخالفة علي .. الهمه موجودة وطلب العلم شيء كويس بغض النظر عن الفوائد اللي تجي من وراه الحياة تعب وكد وشقى وكل انواع هالاشياء ، ودوامي اخس منك واهلي ب ديرة وانا ب ديرة وضعي ودوامي ودراستي والهمه والعزيمة موجودين سوا بالطيب او الغصب لازم نفرق ويكون فيه كنترول على هالاشياء حتى لو تسبب لنا متاعب دام المصلحه والوضع النفسي والتعليمي والاجتماعي والمادي راح يتغير ف طعم الوثيقه راح يكون غيييييرر عجبني فيك حماسك ويعجبني الشخص المتفائل رغم كل شيء يعطي الناس الثانين باور للحياة ان شاء الله راح يتغير الوضع ويترتب يوم بعد يوم .. الله يوفقك ويعطيك العافية شكرا :rose: |
رد: وش الحل للموظف مع الدوام والوقت والجامعة ؟
انا مثلك موظف ودوامي شفتات ومكروف على عيني لاكن الحماس وحب التجربه وطموحي بالحصول على الشهادة الجامعية هو الحافز لي وجهزت نفسي من كل النواحي عندي اللابتوب جاهز واشتريت لي ايباد وحملت عليه برنامج البلاك بورد والبرنامج الثاني للمحاضرات المباشرة للمذاكرة بالدوام ان لزم الامر وركبت البرامج على الايفون بعد علشان لو جا وقت المحاضرة المباشرة وانا مشغول اشغلها من الجوال واروح اكمل شغلي سويت كل هذا علشان ما اوهق نفسي ولا اترك لنفسي عذر ونطلب من الله التوفيق للجميع يارب
|
رد: وش الحل للموظف مع الدوام والوقت والجامعة ؟
كلنا موظفين ونظام شفتات ستة ايام دوام صباح وستة عصر وستة ليل وبينهم اوفات اربعة ايام لكل شفت ولكن النوم يتلخبط معاك والمتابعة للمحاضرات ايضا فيها قلق بيكون وعدم ترتيب والمصيبة الاكبر هي الاختبارات كيف راح اوصل لعملي فكرة اجازة اختبار ثلاثة اسابيع :007:
لكن مدام اننا اخترنا المسير فلابد لنا من الصبر والمثابره والله يرزقنا التوفيق جميعا :119: |
رد: وش الحل للموظف مع الدوام والوقت والجامعة ؟
السلام عليكم
أنا أشتغل شفتات 12 ساعة ودوامي بعيد عن أهلي متغرب ومتزوج والدنيا حوسة لكن الحمد لله اللي ينظم وقته ويرتب أموره بتوفيق من الله كل شي يتسهل وأنا أخوك أهم شي خلي عندك عزيمة وإصرار والله يوفقك ويوفقنا ويوفق كل واحد يطلب العلم |
رد: وش الحل للموظف مع الدوام والوقت والجامعة ؟
أنا اجمل شي عندي دوامي صباحي من 8 الى 4 بسس وفي الدوام عندي وقت بسيط أدخل فيه على البلاك بورد والموقع وأعرف المستجدات علشان ارتبها واذا رحت البيت ابدا اشوف المحاضرات وكذا ومبسوط ومرتاح جدا على هذا الوضع ولو لي نيه أغير عملي أعتقد بتكون بعد الدراسه لأن صعب القى وظيفه تناسب وقت الدراسه والحمدلله أموري طيبه كثير ربي لك الحمد |
رد: وش الحل للموظف مع الدوام والوقت والجامعة ؟
الله يجزاكم خير ويعطيكم العافية
والله يوفقنا ويكتب لنا اللي فيه الخير للجميع انا وقت الدوام مقدر اسوي شيء اببدا لان ارامكو مسويه بلوك للبلاك بورد ماتحمل شيء ف عشان كذا احس فيه حوسه حبتين وقلت نشوف اراء الاعضاء كيف مسوين راح اشوف لي حل وانسق وقتي ودوامي شدوا الهمه وانا معاكم ، عقبال مانبارك لبعض بالتخرج الله يوفقكم شكرا للجميع :icon19: |
| All times are GMT +3. الوقت الآن حسب توقيت السعودية: 08:06 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه