|
لطلاب وطالبات اللغة الإنجليزية ٢
السلام عليكم ورحمة الله هالموضوع استكمالا لموضوع اختي mlak الله يبارك فيها وهو عبارة عن١- تذكير و٢-تحفيز لي ولجميع من هم معي في قسم الإنجليزي ونصائح ومواقف مرت علي قد يستفيد منها غيري بالنسبةلدعوة غير المسلمين . :106: واتمنى ان تكون هذه المساحه مفتوحه لتجاربكم وآرائكم جمييعا ..:106: بالبدايه كنت اتوقع ان الشغله صعبه ومحتاجه معرفه بكتابهم والادله منه ل اقناعهم- بالمختصر اكون احمد ديدات -الله يرحمه :cool: - لكن الغااااالب ماعندهم ماعند جدتي ولا يعرفون بالمسيحيه شي الا هالصليب اللي يعلقونه واذا جاتهم مصيبه واحتاجو مساعده قالو افزعلنا ياجيسس! فهم مسيحيين لان الغالب كذا او اذاكانو عرب فعشان هذا دين الطبقه الراقيه وبدون قناعه لذلك ماعليك الا قول ان الكتاب محرف عن مجاء به عيسى عليه السلام وبدون ماتدخلون في التفاصيل والتي يجهلونا هم اساسا :(204): وبالنسبه للدعوه يكفيك معرفه حاجتين فقط : معرفة ميزات ومحاسن الإسلام واهمها : خلو القرآن من التحريف وحفظ الله له على مدى الزمان- حقوق المرأة ومكانتها-حسن المعامله (مثل : البر،افشاء السلام،تقدير الكبير،العون-الابتسامه..الخ << مع التذكير اننا نؤجر عليها ومش مجرد طيبه من الشخص )-الإعجاز في الكتاب والسنه -كثرة انتشار الإسلام والإقبال عليه..الخ على المعاملة اذكرلكم موقف قريبه لي كانت تروح مع امها في المستشفى جلسات علاج طبيعي لان الممرضه ماتعرف من العربي شي وكانت امها الله يحفظها تنبه عليها لاتتكلم بالعربي قدامها عشان ماتفكرنا نتكلم فيها فقالت البنت هالكلام للمرضه ووضحت اننا نهينا عن التحدث بلغه لايفهمها الحاضرين وانه من النجوى التي نهانا عنها معلم البشريه صلى الله عليه وسلم، انصدمت من هالدين اللي يراعي مشاعر الاخرين حتى ب أبسط الأمور! وصارت تستجيب وتسأل عن الاسلام . ياترى مين فكر يستغل مثل هالمواقف وينسبها للإسلام ! ابتسم في وجهك،، اصدق معك،، لا أخونك ،، أحترمك،، لأني مسسسسسسسسلم/ـة وهذا مايدعو له ديني! ثاني حاجة معرفه ما يفتقدونه المسيحيين (نقاط الضعف)وتذكيرهم بها: السعااااادة << وهالشي حتى اغلب المسلمين يفتقدونه،مع الأسف:(177): قال سبحانه ( ومن أعرض عن ذكري فإن له معيشة ضنكا ) هم يضلون يطاردون بهالدنيا بدون راحه وان حصل فهي ليست دائمه فالمنصب قد يزول والزواج قد ينتهي والمال قد يفنى لذلك يكثر عندهم الانتحار والحالات النفسيه والإكتئاب لكن عندنا الرااااااحه بكل مافي الحياة لاننا ببساطه في المصيبه نصبر فنؤجر وعند النعمه نشكر فتزيد، ونؤجر فليه نتضايق اساسا :smile: والأهم موقنين ان هذه الحياة مجرد طريق للخلود في الدار الأبديه {الجنه } جعلني الله واياكم من أهلها بمنه وكرمه. الأدلة والبراهين بالمسيحيه مافي شي ملموس مجرد كلاااام وهياط ولايخش بعقل طفل حتى مثل ١+١+١= ١:Looking_anim: وجيسسهم له السلطه بما انه ابن الرب (تعالى الله عما يقولون) لكنه تعذب وانصلب! اما في الاسلام فيه غيبيات نؤمن بها لكن لايعارضها العقل السليم ووصلت لنا من المعروف بصدقه (صلى الله عليه وسلم) وفيه اشياء مرئية مثل القرآن ومافيه من إثبات ل احداث كونيه وعلميه من حولنا. الأمان كل غلط عندهم ماله رادع داخلي لانه ببساطه جيسسهم جاء مطهر ومخلص البشريه من العقاب فمهما افترو في الخلق وحسو بتأنيب الضمير (هذا اذا حصل ) راحو قرقرو بصندوق الخشب بالكنسيه وانتهى كل شي :hhheeeart4: أما العقاب القانوني فممكن يقتل مليون ويخرج منها عحسب شطارة محاميه وان حصل تعاقب فمجرد تغيير مكان من بيته ل سجن والمسمى (سجن مدى الحياة)!! على عكس ديننا فيه رادع وهو الخوف من الله ومن عقابه وفيه رادع خارجي فالقاتل يقتل والسارق تقطع يده و العين بالعين والسن بالسن ..الخ نقاط مهمه يجب الانتباه لها عند الدعوة : ١- معرفة الشبهات والردود عليها . مثلا المرأة عندكم مالها حقوق /الحجاب تعقيد /تعدد الزوجات/قتل الكفار. ٢- ذكر ان الإسلام الصحيح من الكتاب والسنه ثم أهل العلم وليس الأفعال الخاطئة من المسلمين. اخبر وحده بمشغل قالت اشوف بناتكم هنا مايفرقون عن مسيحيات امريكا !! شي يقهر من بنات ارض الطهارة لكن المستفز اننا نربط الدين ب افعال وهذا المهم وكثير بنلاقي من يصطادون بالماء العكر وكأنهم صادو علينا شي وفي لغه اخرى (حقطو) :33_asmilies-com: أخطاء يقع فيها اغلب من يتكلمون عن الاسلام : التنااااااقض ! يتكلم عن الاسلام وهو مايصلي في المسجد ويكذب ولايصدق في مواعيده ويسمع اغاني ! هالناس مثل ماقلت ملت من الكلام وتبي افعال فالدعوة بالفعل أبلغ من الكلام والنصايح وياما سمعنا عن ناس اهتدو بفضل الله من شوفة المصلين ومن حسن التعامل ومن الرفق .. مثل قصة العجوز اللي اسلمت لانها تشوف العربي المسلم اللي ساكن عندها يحافظ على الصلاة حتى في ايام شدة البرد ! على قولة المثل يا اما حبى والا برك ! يا اما انهم يكفرون الخلق وبس والا انهم يميعوووون الدين عشان يحببونهم فيه لدرجة انهم يلغون اغلب الاحكام مثل الردة والتعدد والقصاص !! مثل الأخت اللي تقول في الاسلام انتي حرة تتحجبين او لا !! :(90): السخريه والاستهزاء مع الاسف هالشي حتى بين السنه والروافض ، يبي ينصح فيصير يسب وينكت ويتتريق وبالمقابل الطبيعي عزة الشخص وكرامته ماا تسمح له يستجيب لك وحتى لو كان مقتنع مليون بالمية انك صح. :(206):محفزات لغير المسلمين: - الهدية ولو بسيطه ،حلاوه ، وردة ..و الكل لايخفى عليه آثرها في النفوس:71: - اسلوب التشويق في الدعوة وطرح التساؤلات عن الاسلام تبث فيهم الفضول والرغبه في البحث عن الاسلام. - انت/ انتي في نعمه عظيمه ان ساقك الله لبلد الاسلام لتعرف/ي عنه . او سمعت عنه قبل موتك فلا تفوت هذه الفرصة. - انت/انتي اخلاقك، تعاملك ،صدقك، رائع وكأنك مسلم/ـه . هذه عندنا من الإسلام وستؤجرون عليها ..الخ مهم جدا جدا جدا ان تستوعبون ان الهادي هو الله وحده وليس كلماتك ولا اسلوبك فلو تعرفون مجرد كلمات بسيطه من هاللغه بتوصلون لنتيجه بتوفيق الله اولا وأخيرا وشفت بعيني ناس مييييح بالانجليزي لكن يشهدالله اذا تكلمو عن الاسلام فتح الله عليهم .بكلمات مكسره لكن اقناع وحجه ويطلعون بنتيجة .سبحان الله وأخيرا اتمنى من الجميع من طلاب وطالبات اللغه الانجليزيه ان يكون هدفنا دنيا وآخرة وان تكون هالجملة (خير لك من حمر النعم) حافز لنا للإنطلاق بالدعوة ع قد مانقدر. وأكرر اللي عندهم مواقف او خبرات او تجارب لا يبخلو علينا بطرحها للإستفادة والتحفيز .. جعلنا الله جميعا من الهدااة المهتدين .. اللهم اميين:icon19: |
رد: لطلاب وطالبات اللغة الإنجليزية ٢
الله يجزاكم خيرموضوع جميل ورائع وأسئل الله لنا ولكم التوفيق في الدنيا والآخره .
|
رد: لطلاب وطالبات اللغة الإنجليزية ٢
اقتباس:
اللهم آآآمين ويااكم يارب |
رد: لطلاب وطالبات اللغة الإنجليزية ٢
.............................
مووضوع رآئع ..الله لآيحرررمك الأجر.:106:.:106::106: الشيخ أحمد ديدات مثال يحتذى به في دعوة غ المسلمين..الله يرحمه ويغفرله ..كذلك الشيخ د: ذاكر نايك تلميذ الشيخ ديدات ..الله يكتب أجوروهم ويجزاهم الجنه .وجميييع المسلمين والمسلمااات.. مشكككوره ع هذا الموضوووع الجميل.. ............................ |
رد: لطلاب وطالبات اللغة الإنجليزية ٢
اقتباس:
وياااك يارب :love080: الأجمل طلتك وكلماتك المحفزه الله يحفظك ويثبتنا واياك ع طاعته :106: |
رد: لطلاب وطالبات اللغة الإنجليزية ٢
انا ضد ان احد لا يفقه بالدين ينصب نفسه داعيه (رائي الشخصي) لان شفت بعيني مسلمين في المواقع يحاولون يقنعون غير المسلمين لكن للاسف اغلب الكلام اللي يقولونه يفتقد للدقه
وكلامهم اكثره عاطفي وبدون مايجيبون دليل يدعم كلامهم مجرد انتو بس اسمعونا وكل كلمة نقولها هي الصح لاننا مسلمين واحنا صح وهذا اسلوب مااحد عاقل وفاهم بيصدقهم. وسالفه انهم مايسألون اسئله دقيقه فهذا الكلام غير صحيح (على الاقل من خلال تجربتي والناس اللي قابلتهم) كلهم بدون استثناء يسألون اسئله دقيقه جدا والفرد العادي بدون دراسة عميقة للاحكام الشرعيه والفقه والتفسير مايقدر يجاوب بسهوله. شخصيا انا ماادعو اي احد للاسلام, في ناس متخصصين فهذا الامر ويفهمون اكثر مني. تعاملي واسلوبي مع غير المسلمين هذا اكبر دعوه للدين. واذا لابد اني اجاوب احد فاللي اسويه اعطيهم لنكات لمواقع اسلامية باللغة اللي يحبونها واخلي ضميري. |
رد: لطلاب وطالبات اللغة الإنجليزية ٢
اقتباس:
حيااك الله اخي الفاضل ومشكور ع مشاركتنا الرأي لكن الله يحفظك ماحد قال اي احد ينصب نفسه داعيه ولاحد قال انهم مايسألون! اخي اللي اقوله ومختصر كلامي انه مايحتاج تكون عالم بكتابهم ومافيه من تحريف وخزعبلات وكلام فارغ عشان يتيقنون انه غلط . الإسلام دين لايحتاج لمهاره واسلوب لينتشر ويقنع سامعيه لان الله وحده من يملك الهداية وماعليك وعلي وكل مسلم الا التبليغ. مثال عشان توضح الفكره الرصاصه تقتل ولو كان المسدس بيد كبير وماهر أو حتى طفل ولو انتبهت ذكرت بكلامي ان تكون قول وفعل لما تفكر تدعو للاسلام . المؤسف ان الغالب جو وراحو من بلاد الإسلام لكن ولاحد قد فتح لهم موضوع الاسلام ومنهم اللي جلس بدول الخليح اغلب عمره ولا حد فتح معاه موضوع الاسلام الا ببريطانيا هنا: https://www.youtube.com/watch?v=4kvmrc8lCa0 اغلب الغير مسلمين اللي نقابلهم بمحل او مشغل او بمحطه او مستشفى ...الخ تكون مجرد ثواني ولا تسدعي سؤال وجواب وتقلب الجلسه مناظرة وهذا اللي اقصده بالدعوه مش استقعد للخلق ع منبر . اللي علينا نبلغ واذا ماعرفت او ع قولك تخلي ضميرك توجههم ل اهل العلم . الداعيه الأمريكي يوسف استس اللي اسلم ع ايدة بفضل الله ملايين دعاه للاسلام شخص عادي . ولا نعرف عنه الا جنسيته واسمه . وأكرر كل ماذكرته من تجربه وليس استنتاجات :icon120: بارك الله فيك وفي الجميع |
| All times are GMT +3. الوقت الآن حسب توقيت السعودية: 05:47 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه