اللي ما انقبل إلكترونيا يروحلهم .
 

بسم الله الرحمن الرحيم

امس الصباح زي الوقت هذا مشيت من الرياض للاحساء وصلت الساعه 10 ونص . رحت عمادة التعليم الالكتروني عن بعد جامعة الملك فيصل مبنى رقم 35 مقابل المكتبه العامه مبنى 33 . جيت عند الموظف قلتله انا قدمت عن طريق الموقع وماقبلوني . ونسبتي 80 قالي تفضل استريح .


جلست دقيقتين قالي جيب ( شهادتك الاساس ) وصورة من بطاقة الاحوال ومعها ورقه فاضيه زي المعروض قالي اكتب فيها اني قدمت الكترونيا وما انقبلت وارغب بالتسجيل ودبسها وقالي الله يستر عليك . قلتله خلاص ؟ قالي خلاص .


بتجيك رساله ع جوالك بعد اسبوع او 10 ايام فيها تعليمات . وقالي انه القبول راح يكون ع الدور الثاني مو الحين .


قلتله طيب بسجل واحد من اصحابي رفض . قالي ما نستقبل اي احد ماقدم عن طريق الموقع . ومالهم حد معين في النسب . يعني واحد قدم ع الموقع نسبته 60 وما انقبل عادي يروحلهم يقدم يدوي .


يعني اللي قدموا عن طريق الموقع وما انقبلوا انصحهم يروحون الجامعه يقدمون يدوي .


هذا اللي صار معي امس .
ذكرت هالكلام في احد الردود . بس حبيت اخليه في موضوع جديد عشان الكل يستفيد منه .



تمنياتي لكم بالتوفيق والسداد :106:

رد: اللي ما انقبل إلكترونيا يروحلهم .
 

الله يوفقك ..الي يسعى يلقى

بس الي نسبته ٦٠ وينقبل ..مدري احسه قوية شوئ ..وليته تكون صحيحة !

رد: اللي ما انقبل إلكترونيا يروحلهم .
 

شكلها تصريفه؟؟؟

رد: اللي ما انقبل إلكترونيا يروحلهم .
 

الله ييسر لك ما سعيت له

رد: اللي ما انقبل إلكترونيا يروحلهم .
 

الله يجزاك خير

رد: اللي ما انقبل إلكترونيا يروحلهم .
 

لا مو قويه . اصلا من ضمن شروطهم تكون النسبه 60 وفوق .

رد: اللي ما انقبل إلكترونيا يروحلهم .
 

لو تصريفه ما اخذ الشهادة الاساس . صح ؟


وش يبغى في اساس الشهاده اذا كان هناك شك في القبول ؟


فدامه اخذ الاساس نقول ان شاء الله يقبلونا ع الدور الثاني .

رد: اللي ما انقبل إلكترونيا يروحلهم .
 

الله يسهلك وان شالله يبشروك بالقبول قريباً ..

رد: اللي ما انقبل إلكترونيا يروحلهم .
 

الله يسهلك وان شالله يبشروك بالقبول قريباً ..

رد: اللي ما انقبل إلكترونيا يروحلهم .
 

اللهم امين . وانتي انقبلتي ؟