بسألك كم سؤال...!!
 

بسألك كم سؤال

جاني واحد و قال : بسأل كم سؤال,,
وقبل يسأل قلت : أنا ماني خبير !

قال: جاوب بس , يا ولد الحلال
وكل كلمه حِطَّهَا .. فبيتٍ صغير

قال نبدي : شنهو تعريف المُحال..؟

قلت :
خَل هالكلمهـ
فـ البيت الأخيـر ..!

القهــر : إن شفت دمعـات الرجال..
والوطن : ( إنسان ) .. مِتغيِّر كثير,,

والطفل : لعبه على شاطـي الرمال..
والأمل : إحساس في عين الضرير,,

الوفا : [ قلبين ] .. يجمَعهُم حلال..
والرَجُل : اللـي علـى أهلـه يغير,,

والرجا : لا قلت : للواطـي تعال..
والفشل : مدري .. ولكنـه مرير,,

والشعر : في وقتنا .. بدر وطلال..
زين وأوَّل : حيـل يعجبنـي جرير ..!

والغلا : إحساس إلى حَـد الخيال,,
والعِشِق : لا شفت مَعشُوقِك تطير..

والجفا : إعكس مفاهيم / الوصال,,
والوَصِل : يعنـي تأكَّـد فيك خير..

والعقل : تِسْفَـه أقاويـل الجهال,,
والجهل : إن قلت عن نفسك كبير..

والخطر : لا صار ما عندك مجال,,
والبلا : إن صرت معدوم الضمير..

والعجب : لا صرت تسأل منهو قال,,
والتعب : إن كنت تِبْحَثْ عن مصير..

الغنى : بالنفس ما هو راس مال,,
والفقر : من كان .. بأعماله فقير..

يكفي يكفي .. أسئله إنهي الجدال,,
ويالله علمني عَن .. السِّر الخطير..

ما أبي تضرب لي في غيرك مثال,,
قول : عنِّك وإعتبر سِرِّك في بير..

جات طعنـه مِن جنوبك والشمال,,
يعني وضعِك بين مِن حُولك خطير..

صاحبـي وإن ضاقت بعينك ليال,,
لك فرشت القلب مفروش الحرير..

في [ بلاد الحلم ].. ممنوع العقال,,
والمصيبه الشعب ما أختار الأمير..

وما ألومك .. كان شدِّيت الرحال..
دام بيتك جرح / وفراشك حصير,,

و هذا تعريفي إلى كلمة : مُحَال..
شي ودِّك فيه ولا يمكن يصير ..!



--------------------------------------------------------------------------------

رد: بسألك كم سؤال...!!
 

صاحبـي وإن ضاقت بعينك ليال,,
لك فرشت القلب مفروش الحرير..


يعطيييييييييييييييــــــــــــــــــــــــك العافــــــــيه:d5: :d5:

رد: بسألك كم سؤال...!!
 

عاشق الترحال

ابداع

عبارات خطها قلم مبدع..

لك ودي واحترامي

رد: بسألك كم سؤال...!!
 

سلمت اناملك الذهبيه ياالحـــــــــ .....

لااجد كلمات تعبر عن اعجابي بطرحك الرائع

والغلا : إحساس إلى حَـد الخيال,,

والعِشِق : لا شفت مَعشُوقِك تطير..


اتمنالك مزيد من الابداع

تقبل مروريـــ المتواضع

تحياتـــــــــــي :119:

رد: بسألك كم سؤال...!!
 

القهــر : إن شفت دمعـات الرجال..
والوطن : ( إنسان ) .. مِتغيِّر كثير,,

يسلموووووووووووووو منورين متصفحي
لكم كل الود

رد: بسألك كم سؤال...!!
 

رد: بسألك كم سؤال...!!
 

اسعدني مروكم الكريم لكم مني أجمل باقه معطره سلمت اياديكم على الرد:d5:ود الجميله

رد: بسألك كم سؤال...!!
 

صح لسااااااااانكـ قصيده كلمه روعه قليله بحقها

رد: بسألك كم سؤال...!!
 

اسعدني مرورك صمت الجروح لكي مني أجمل تحية