ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 7 (https://vb.ckfu.org/forumdisplay.php?f=389)
-   -   [ استفسار ] كيف اوفق بين العمل والدراسه او المعهد والدراسه ؟ (https://vb.ckfu.org/showthread.php?t=698618)

سارون .. 2015- 8- 23 06:09 PM
كيف اوفق بين العمل والدراسه او المعهد والدراسه ؟
 
السلام عليكم ورحمة الله وبركاته ..


نفس ماهو موضح بالموضوع نبي اجابه من ذوي الخبره ..
كيف نوفق بين العمل والدراسه او المعهد والدراسه ؟؟
هالسنه اخر سنه لنا ونحتاج نرفع معدلاتنا فنبي نمشي من اولها صح ..




*اتمنى يجاوبون اصحاب المعدلات المرتفعه واللي يذاكرون اول بأول عشان نستفيد اكثر :love080:


وبالتوفيق للجميع

رفوع 2015- 8- 23 07:53 PM
رد: كيف اوفق بين العمل والدراسه او المعهد والدراسه ؟
 
سهل مايبي لها شي المذاكره اول بأول مفتاح نجاح اي شي التركيز عليه وعدم الاهمال
اول شي لازم يومين تخصصين وقت للمذاكره 4 ساعات تقريبآ او اقل على حسب قدرتك للاستيعاب
يعني مايمر الأسبوع كله على الدوام وتجين في الجمعه والسبت بس تذاكرين هنا رح تخسرين المعدل اكيد
اعتبري المذاكره جزء من الدوام لو كان دوامك صباحي المذاكره شفت مسائي
والجمعة والسبت اعتبريها مكافئة لك وأجازه من الدوام ومن المذاكره:lllolll:
وبتوفيق لك وللجميع :004:

يزن العجمي 2015- 8- 23 09:17 PM
رد: كيف اوفق بين العمل والدراسه او المعهد والدراسه ؟
 
استغلال الوقت اهم شي , حطي لك جدول يتماشى مع عملك واوقات فراغك .
اختاري لمذاكرتك الأوقات اللي يكون عندك رغبه ومرتاحه جسدياً وذهنياً .
لو تقرأين عشرين ساعه وانتي منهكه ما فيه فايده .
بالتوفيق لك وللجميع ..

Memo bnt nasser 2015- 8- 24 01:24 AM
رد: كيف اوفق بين العمل والدراسه او المعهد والدراسه ؟
 
اهم شي اذا فتحتي اي محاضرة وشفتيها خلي معك دفتر صغير ودوني زبدة كل محاضرة او سوي منها نقاط يعني كانك تاخذين منها الخلاصه
وكل ماصار عندك وقت راجعي المهم وركزي عالمواد الي تاخذ وقت ومجهود لان في بعض مواد نظرية ماتحتاج انك تضيعين وقتك




وقبل كل هذا التوكل على الله




بالتوفيق يارب

أداريه طموحه 2015- 8- 24 04:45 AM
رد: كيف اوفق بين العمل والدراسه او المعهد والدراسه ؟
 
ترجع من الدوام وتريح لك شويات وتبدأ بالماده إلا تحسها ممتعه بالنسبة لك ،،وتذكر مده بعدين تأخذ له بريك وبعدين ترجع تذاكر ،،واهم الشئ المذاكره اول بأول ،،انا عندي استفسار كيف ارفع المعدل التراكمي مع ان معدلي الفصلي مرتفع

Memo bnt nasser 2015- 8- 24 06:07 AM
رد: كيف اوفق بين العمل والدراسه او المعهد والدراسه ؟
 
اقتباس:
المشاركة الأصلية كتبت بواسطة أداريه طموحه (المشاركة 12626792)
ترجع من الدوام وتريح لك شويات وتبدأ بالماده إلا تحسها ممتعه بالنسبة لك ،،وتذكر مده بعدين تأخذ له بريك وبعدين ترجع تذاكر ،،واهم الشئ المذاكره اول بأول ،،انا عندي استفسار كيف ارفع المعدل التراكمي مع ان معدلي الفصلي مرتفع
التراكمي بالمستويات الاخيرة مايرتفع كثير :sm1: بس اهم شي لو حابة ترفعينه حافظي على a+ بالمواد


All times are GMT +3. الوقت الآن حسب توقيت السعودية: 11:28 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه