|
مبدعين القسم تعالوا هنا ..
السلام عليكم ورحمة الله وبركاته >> ترش موية باردة ياهووو أصحوا الاجازة خلصت والدراسة بدأت :16.jpg: والمحاضرات نزلت بالبلاك التمهيدية والأولى تدرون أحلى شئ انه عندنا وقت إلى بعد إجازة العيد نمخمخ فيه على مشروع التخرج :oao: فرحانة لأننا وصلنا لنهاية المشوار وحزينة لأنه آخر ترم يجمعنا :139: ماعلينا معنا وقت بعدين نفحط فيه لين نقول بس :bawling: دعوة بما أن المحاضرات نزلت نعمل بروح الفريق موادنا باستثناء مشروع التخرج والتدريب الميداني 3 6 مواد وين المبدعين كل واحد يمسك مادة يفرد لها موضوع بكل الي يتعلق فيها والاهم من كدا يطابق المحتوى الخاص بالمادة بالمحتوى الموجود بالبلاك ومعكم من هنا إلى أسبوع قدام الي حاب يتعاون يكتب اسم المادة الي راح يمسكها ونشوف ابداعاتكم فيها رعاية الفئات الخاصة النظريات الاجتماعية الثقافة والعولمة القيادة وتنمية المجتمع المحلي حقوق الانسان علم أجتماع التنظيم والتخطيط في انتظاركم :rose: |
رد: مبدعين القسم تعالوا هنا ..
هلا بالقمر :71:.. عساك طيبه .. واحنا نفس شعورك والله ع قد محنا مبسوطين ع قد مارح نفقد هالجمعه والتعاون , وماقول الا الله يجمعنا بالفردوس الاعلى ,,
ويعطيك العافيه ع المعلومه لو ماقلتي مادريت ..:16.jpg: وعن نفسي ان قدرت باذن الله حكون معكم , حاليا مااطلعت ع المواد وغير كذا اضفت مواد ماخذتها , والله يوفقنا جميعا :rose::rose: بس الحين كل ماابي ادخل ع البلاك يقول الرقم غير صحيح .. ولاجيت ادخل ع الخدمات او اللبانر يفتح معي عادي ليش؟؟:(107): |
رد: مبدعين القسم تعالوا هنا ..
امين الله يسمع منك ويجزاك كل خير
هلا بالطلة الحلوة والغالية ربي مايحرمنا منك سكر ايش موادك الي اضفتيها ؟ في البداية البلاك مافتح معي بس بعدين فتح بشكله الجديد والله احس اول احلى يبغالنا نتعود عليه :( |
رد: مبدعين القسم تعالوا هنا ..
ولا يحرمنا من طلتك مشرفتنا الامورهه ..:verycute:
ابد انقلش كتابه بس >>تحسها عن عشره :16.jpg: اصلا انا اغلب وقتي بالافتراضي , ماقد رحت البلاك الا بوقت المحاضرات المباشره , >> كان انتظرو لين نتخرج وغيروه :mh35: , دخلت اكثر من مره رافض يقول غلط عاد بكره بدخل وبشوف , شكل دفعتنا مسطله هالوقت:Looking_anim::24_asmilies-com: |
رد: مبدعين القسم تعالوا هنا ..
السلام ورحمه الله وبركاته ***يانجوم الملتقى رمز العطاء
كل الشكر والتقدير لصاحب الموضوع اتمنى للجميع التوفيق |
رد: مبدعين القسم تعالوا هنا ..
اهلين حواء كيفكم شباب وصبايا << ماكني ادري ان بعضهم (يالله حسن الخاتمة) ههههه
المهم انا هالترم جاي حسب دعوة منكم وعزومة يعني مو مطلوب مني شي ....ولا نسيتو عزيمتكم لي ؟ ولا عازميني مصلحة ؟ يالبا قلوبكم بس ابشروا باللي يسركم ..انا معكم على الخير والشر ومن بداية الترم ان شاء الله الى نهايته مو زي بعض الناس ما نشوفهم الا وقت الاختبارات:41jg: :mh35: طبعا امزح معكم وكل واحد له ظروفه والله يعين الجميع اما انا فان شاء الله اكون معكم بفوضويتي المعهودة :biggrin: |
رد: مبدعين القسم تعالوا هنا ..
أهلاً وسهلاً بالأخت حواء وبإذن الله تكون خير بداية وإنطلاقة في هذا السمستر بالنسبة للمواد من وجهة نظري انك انتي من يقوم بتقسيم المهام طبعاً بعد ما يكون هناك استعداد من الزملاء بالمشاركة وبالنسبة لي ماعندي مشكلة لو أمسك أكثر من مادة اذا كان عدد المشاركين ما يكفي |
رد: مبدعين القسم تعالوا هنا ..
ماشاء الله عليكم حماس من بداية الترم ... باين ان دفعتكم عاصفه الله لايضركم
مالفت نظري هنا اخوي الفيصل ومدى استعداده لتحمل ولو اكثر من ماده ما اقول الا هنيئاً لكم به يامستوى ثامن ... ولو بكيفي خليته يحذف الترم هذا على شان ينضم لنا المستوى القادم ونستفيد منه ... وندفع عنه الرسوم ونحل الواجبات والمناقشات وندلعه دلع هههههههههههههههههه << امزح امزح الله يوفقه ... وعقبال مانشوفكم كلكم هنا المستوى القادم تحتفلون بتخرجكم وترشدونا لكل خير ان شاء الله بكون متابع لكم بكل ماتجود به انفسم من معلومات والاحتفاظ بها الف مبروك مقدماً التخرج اخوكم / البعد الرابع |
رد: مبدعين القسم تعالوا هنا ..
اقتباس:
اقتباس:
ههههههههههه شدعوة أخي البعد الرابع إلى الآن لم أفعل شيء وأخاف أن يكون كلام يختفي بمرور الأيام وكثرة الأشغال << أمزح ما قلته شهادة أعتز فيها وأتشرف كوني معكم وبينكم وصدقني أخوي البعد الرابع لست وحدي هنا , هناك من هم أكثر مني جهد وهناك أيضاً من يود المساعدة ولكن لا تسعفه ظروفه فالمقصد أنه لله الحمد المسلم بطبعه يحب الإحسان ويحب مساعدة الآخرين كيف لا وقد بلغنا عن رسولنا صلى الله عليه وسلم هذا الحديث الذي رواه البخاري ومسلم في صحيحيهما: أن عبد الله بن عمر ـ رضي الله عنهما ـ قال: قال رسول الله صلى الله عليه وسلم: المسلم أخو المسلم لا يظلمه ولا يسلمه، ومن كان في حاجة أخيه كان الله في حاجته، ومن فرج عن مسلم كربة فرج الله عنه كربة من كربات يوم القيامة، ومن ستر مسلماً ستره الله يوم القيامة. لذلك أخي صدقني الجميع فيهم خير ويحبون الخير ولكن كلٌ حسب قدرته وظروفه لك تحياتي أخي الغالي |
رد: مبدعين القسم تعالوا هنا ..
مساء الخير
حواء ال المدينة .. يعطيك العافيه والحقيقه أنتي أساس ووجودك معنا شي كبير جدا . واللي أقوله تحملينا |
| All times are GMT +3. الوقت الآن حسب توقيت السعودية: 05:50 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام