|
اسئلة عن دراسة التخصص خارج المملكة
السلام عليكم
يااخوان الله يعافيكم ممكن تعطوني جامعة بالخارج فيها تخصص طب طوارئ اوبارمديك فيه جامعة فليندرز بااستراليا بمدينة ادليد لكن المشكله بلد غالي جدا وبرايكم هل الدراسه عندهم سهله أوصعبه لآني اخاف اروح وهناك واتفاجا ان الدراسه صعبه هل فيه جامعات فيه تخصص طب طوارئ وتكون معروفه ومعتمده ويقولون ان نيوزلندا رخيصه بس يعيبها انه تبطي ماتجيك المنحة هل هذا صحيح وهل بالنفس البلد فيه تخصص الي أنا ابيه لآن اهم شي عندي مايكون البلد الغالي ولوتعرفون مدينة باامريكا ياليت 3- هل فيه ماجستير طب طوارئ بحيث لتخرجت يكون مسماي أخصائي أول يقولون موجوده بمدينة بيرث |
رد: اسئلة عن دراسة التخصص خارج المملكة
- وعليكُم السلام .. يمدحون جامعة فلندرز مرره ولأنها قوية بالتخصص وجامعة إدث كاون وبأمريكا بعد فيه جامعات مثل جامعة لوما ليندا بكاليفورنيا ومستواها قووي جداً , واعتقد جامعة انديانا وجامعة كنتاكي بس كثير نصحوني شخصياً ماأدرس بأمرريكا لأن أمريكا تطلب رخصة بالقبول الجامعي وكثير قالوا تحصل لك مشاكل على آخر سنة ونص تقريباً وعطّلت طلاب كثير , فنصحوني هم بإسترراليا , وماأدري عن نيوزيلندا - إسأل وشوف وبإسترراليا فيه جامعات أذكر زمان فتحت على جامعات اعتقد جامعة نيو ساوث ويلز وكأنه فيه والله ناسي أي جامعة بخصوص الماستر إيه فيه أذكر واحد شمري أخذ ماستر من جامعة إدث كاون بغرب استرراليا بالتوفيق :106: |
رد: اسئلة عن دراسة التخصص خارج المملكة
اقتباس:
الاجوبه باقتباس أنا ودي أروح للاسترايا لكن زي ماانت شايف فوق فيه عنصريه حتى البلد غالي فمدحولي نيوزلندا بلد رخيص وحاليا جالس ادور هل هو موجود التخصص ولا لا وبالنسبه كاليفورنيا مايمدحون المبتعثيم بالحيل لآن بلد غالي(أحس كل كلامي بلد غالي:060::060:) ومدينة كنتاكي الي فيها جامعة كنتاكي مدينة كئيبه من كلام المبتعثين وصح الواحد جاي يدرس ويجيب الشهاده بس احس المدينة لها دور |
رد: اسئلة عن دراسة التخصص خارج المملكة
التخصص جديد فالخيارات أمامك محدودة و في دول المعيشة غالية و تكلفة الدراسة مرتفعة جدا
|
رد: اسئلة عن دراسة التخصص خارج المملكة
اقتباس:
وشكله بتصفى على جامعة فليندرز لكن هل الدراسه عندهم صعبه اوسهله خاصة أني بالدراسه نص ونص او فوق المتوسط بشوي |
رد: اسئلة عن دراسة التخصص خارج المملكة
فيه جامعة تدرس تخصص طب طوارئ بنيوزلندا
في جامعة aut و كذلك في اوتاقو لكن ماكد سمعت أحد يدرس فيهن الجامعتين نفس التخصص وش رايكم خصوصا نيوزيلندا رخيصة |
| All times are GMT +3. الوقت الآن حسب توقيت السعودية: 11:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه