|
بنات الدراسات الأسلامية أفيدوني بخبرتكم
السلام عليكم ورحمة الله وبركاته عندي اسئلة عن تخصص الدراسات الأسلامية أنا الحمد الله قبولني دارسات مع أني كنت أبي علم اجتماع بس سبحان الله كل شي خيره للأنسان :004::004::004::004: أسئلتي : كيف أذاكر المواد لان مواد التخصص تحتاج تركيز أكثر ؟ شنو المواد الصعبة والسهلة بالتخصص ؟ مين الدكاترة اللي أتجنبهم وماأسجل عندهم ؟ أبي كل وحدة فيكم تقولي طريقتها بالمذاكرة ؟ كيف أكون متميزة بتخصصي يعني متفوقة وكذا ؟ أتمنى ألقى ردود تحمسني ياررب :mh12: ويارريت أي وحدة عندها معلومة ماتبخل علي :(204): يعطيكم العافية :004::004::004::004::004::004: |
رد: بنات الدراسات الأسلامية أفيدوني بخبرتكم
وعليكم السلام ورحمة الله وبركاته
اولاً : مبروك قبولك في قسمنا الجمييل �� ولازم تحبين القسم وتقتنعين فيه لان اذا حبيتيه راح تبدعين فيه ❤️ شوفي حبيبتي مواد قسمنا اغلبها حفظ يعني لاازم تذاكرين اول باول عشان مايتراكم عليك وقت الاختبارات وعشان يكون عندك زيدة الكلام بدل دش الكلام في الكتب لازم تحرصين تمتبين مع الاستاذ او الاستاذه عشان ترتاحين اكثر وحاولي تبعدين كل البعد عن الغياب ترى والله الغياب يضيعك بالمقرر امشي مع الاستاذ او الاستاذه خطوه بخطوه اما المواد : تختلف حسب المقرر نفسه وحسب الاساتذ اللي بيمسك الماده وحسب اجتهادك انتي ما اقدر احدد لك مواد صعبه والا سهله لانه كله يعتمد عليك وعلى الاستاذ وحسب تقبلك انتي للماده احرصي على علاقتك مع الاساتذه لها دور كبير على مستواك ونفسيتك ومستقبلك احرصي على حضورك عالوقت ولا تغيبين كثير ولا تتكسلين عن شي واحرصي على واجباتك سلميها بوقتها وانجزيها بشكل مميز لان واجبك هو عنوان اجتهادك اذا كانت الواجبات جماعيه حاولي تكونين ضمن مجموعه مجتهده عشان لايضيع تعبك او يكون التعب كله عليك وموفقه ياااارب واي سؤال أنا حاضره بالخدمه ❤️ |
رد: بنات الدراسات الأسلامية أفيدوني بخبرتكم
مشكورة الصراحة أنا حابة القسم لاني بدرس الدين وبيصير عندي خلفية عن الأحكام وكذا :004::004::004: بغيت أسالك هل أقدر أخلص تخصص الدراسات في أربع سنوات؟؟ تقريبا لاني جلست سنتين بتحضيري للأسف كنت متعثرة بس مو زي باقي البنات اهمال ومو كل البنات يصيرون متعثرات من الاهمال ساعات ظروف زي حالتي لان المعروف أن كلية الآداب مسموح فيها بالدراسة ست سنوات وبغيت أعرف اذا ممكن طريقتك بالمذاكرة ؟؟:004: :004::004::004::004::004::004::(204): |
رد: بنات الدراسات الأسلامية أفيدوني بخبرتكم
عفواً عزيزتي ❤️
ايه طبعاً تقدرين ،، ومو باربع سنوات تقدرين بثلاث سنوات اذا سجلتي مواد كل مستوى كامله ونجحتي فيهم تقدرين باذن الله انتي وهمتك واجتهادك :) مافيه شي صعب او مستحيل ❤️ بس مثل ماقلتي يمكن للظروف احكاام قدراتك واهتمامك وحرصك تعدي حتى الظروف :) امممممم انا والله ماعندي طريقة مذاكره محدده يعني حسب الوضع والظروف بس والله اسأليني عن الندم اللي احسه اذا ماذاكرت كل يوم بيومه :( << احياناً تجيني حالة الكسل واطنش وبعدين ما اقدر اخلص المنهج للاختبار :( ولا تأجلين واجباتك حاولي كل واجب تخلصينه اول ما يطلبه الاستاذ وتسلمينه بوقته لان بعدين تتراكم عليك الواجبات وتحتاسين وبعض المواد مررررره طويله ماراح تقدرين بس تذاكرينها بيوم الاختبار سواء شهري او نهائي ف من البدايه ذاكري اول بأول والمشااركه احرصي عليهاا كثييير اولاً تثبتين نفسك للاستاذ وبعدين تجمعين درجات اكثر ادري كلامي محيوس بس ان شاء الله تكون وصلت لك الافكار اللي ابي اوصلها لك :) موفقه يااارب ❤️ |
رد: بنات الدراسات الأسلامية أفيدوني بخبرتكم
مشكورة حبيبيتي :004::106: ، كلامك شجعني أشد حيلي وأكون متفوقة بأذن الله وراح أخذ بنصايحك الجميلة .:(204): بسألك كيف أخلص ساعات المستوى وأنتقل للمستوى اللي بعده عشان أقدر بأذن الله أتخرج في تقريبا ثلاث أو أربع سنوات ؟؟ :004::004::004::004::004::004::004::004: |
رد: بنات الدراسات الأسلامية أفيدوني بخبرتكم
اذا سجلتي تقريباً كل مواد المستوى
لان في مواد لها متطلب مثلاً : حديث ٢ مستوى رابع ماراح تقدرين تسجلينه الا لما تنجحين بحديث ١ فلاازم تحرصين على مذاكرتك ومحاضراتك ربي يوفقك وييسر لك ❤️ |
رد: بنات الدراسات الأسلامية أفيدوني بخبرتكم
بنات وش رأيكم في صالحة الوادعي للعقيدة ؟؟؟؟
|
رد: بنات الدراسات الأسلامية أفيدوني بخبرتكم
اي صح صالحه الوادعي كويسه؟
|
رد: بنات الدراسات الأسلامية أفيدوني بخبرتكم
صالحه تجنن
|
رد: بنات الدراسات الأسلامية أفيدوني بخبرتكم
مرررره ززينه صالحه الوادعي ❤️❤️❤️❤️
|
| All times are GMT +3. الوقت الآن حسب توقيت السعودية: 02:24 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه