|
ياللي تحسب الوقت ذَّل الرجاجيل ... ما كل رجلٍ لا بكى ذله الوقت
.
. . السلام عليكم بعد غيابٍ دام طويلا .. و أنساب بين بُكرةٍ و أصيلا ها أنا أعود بعد الغياب .. و قبَل أن نوضع تحت التُراب .. تقبلوا هذه المتواضعة من بُنياتِ أفكاري . . الغرض / الفخر وقت إنهاء القصيدة / 02/10/1436 . . [poem=font="traditional arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] لو شف صكات الزمن و البهاذيل =ما ضقت من صد المقادير ما ضقت ياللي تحسب الوقت ذَّل الرجاجيل=ما كل رجلٍ لا بكى ذله الوقت ما ضرني .. وقتي و كثر الغرابيل=و الجادل اللي في غلاها تعلَّقت و همومي القشرا و هرج الدعابيل=و الهاجس اللي في بحوره تعمقت لا حل ليلي .. جبت صفر المعاميل=و اشعمت ناراً من لظاها تنشقت و ارهيت ضيقاتي بشقر الفناجيل=و ادهلت بيبان القصايد و وثقت قصايداً .. فيها رموز و تحاليل = فيها لمدات التجارب تطرقت في نظمها .. دوّنت كل التفاصيل=و اغربت في بحر الحقايق و شرقت من واقعٍ .. شوفه يجيب التهاويل=و اشوفني من جور وقعه تشققت يا ما انطحتني .. كايدات المحابيل=و ياما على حوض المنايا توايقت و يا ما لفتني ... طيبات الاقاويل=و يا ما من سقاط السوالف تحققت ويا ما .. شربنا من قراح الشهاليل=و ياما الضما عانق شفاهي و لا طقت و لولاي ادور مكرمات المداهيل=ان كان خارت بي عزومي و دنقت و لولا .. مشاريه الرجال المشاكيل=ان كان وضحت الحقايق و روقت الله رفعني .. في عيون الحلاحيل=و الله جعلني في حياتي توفقت و الله خلقني ... غصةٍ للمهابيل=و الفضل لله بالخبل ما توهقت ما نرتجي عند المهبل محاصيل=و عز الله اني بالمهبل ترفقت و اللي على فرقاي بل المناديل=حق الله اني ما نسيته و لا بقت ارقب و ادور شوفته بالمقابيل=لو اني من ظروف الليالي تعوقت و اللي على فرقاي جر المواويل=طلقت انا قربه و لقياه طلقت نفسي عزيزه ماخشيت العواذيل=و لاني من هروج العواذل تضايقت والمرجلة ماهي بصيحة و تطبيل=و هروجٍ انطقها و فيها تفوقت المرجلة ضلعن حدا دونه السيل=و الحمد لله فوق راسه تسلقت و يالله عليك العافيه و التساهيل =و رحماك يا ربي ليا قلك الوقت رحماك لا رحنا مراح المخاييل=و اقفيت عن جل الخلايق و فارقت[/poem] . . . شعر فهد بن ناوي بن دوجان الرشيدي |
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
غيابك يحزننا ،،، نفقد الشعر وجمال النثر ،،، وعند العوده تاسرنا بجمال حضورك وابداع افكارك
الله لايحرمنا من هالطله صح لسانك واعتلى شانك ولك طولة العمر يابو ناوي |
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
صح لسانك يابن دوجان
قصيدة وجدت فيها معاناة مع اعتزاز وألم مع كبرياء يابوعبدالله سقى الله ذيك الايام الي عرفتك فيها بالخير :004: تذكر أيام طلعة البيضة بالمدينة مع المغرم اليائس وابن الفهد وأيام مطعم بيت الشواية مع ياسر ابن مفلح :icon120: وتذكر مقهى الأبراج وتذكر القصيده الي سويتها على اني انا الي كتبتها :hahahahahah: سنين تركض عسى الله يختمها لنا ع خير خاف الله يارجل 5 سنين لا أشوفك ولا حتى اتصال نقلت للمدينة وتركتنا نحوس بالرياض تحية خاصة لك بحجم السماء من صديق قديم يعزك ويغليك سلام Nsay |
للعلم!
|
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
_
الله عليَك ياخوي نسمَع بصيتَك ولا نشوَفك , حياك الله من جديَد وجعلها عودَه خير يارب .. قصيدَة رآئعَة جداً , لايُمل من قرائتهَآ صح بوحك ودام نبض قلمَك تقيمي و 5 ستارز لَك :icon1: |
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
و يالله علـيـك العـافـيـه و التسـاهـيـل ... ورحمـاك يــا ربــي لـيـا قـلـك الـوقـت رحـمــاك لا رحـنــا مـــراح المـخـايـيـل.. واقفيـت عـن جـل الخلايـق و فارقـت ... صح لسانك يابن دوجان .. أبدعت |
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
والــمــرجــلـــة مــــاهـــــي بــصــيـــحـــة و تــطــبـــيـــل و هــــــــــــروجٍ انـــطـــقـــهـــا و فــــيــــهـــــا تــــفــــوقـــــت صح لسانك |
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
،،
قصيدة عانقت السحاب بمفردات جزلة قارعت بها عمالقة الشعر النبطي صح لسآآآنك وننتظر جديدك لآهنت ،،، . |
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
الـمـرجـلـة ضـلـعــن حــــدا دونـــــه الـســيــل و الــحــمــد لله فــــــوق راســــــه تـسـلــقــت الشاعر الداهيه فهد بن ناوي الرشيدي ليس بــ غريب علي ان اجد الابداع هنا فأنت متعود على الحبك والسبك وانا حضيض بملامسه الجزاله بعد ان ارهقتنا هاذه الخواطر وهاذه الاقتباااسات :106: |
رد: ياللي تحسب الوقت ذَّل الرجاجيل ... ما كل رجلٍ لا بكى ذله الوقت
اقتباس:
و لكن .. السكوت في حرم الجمال جمال .. و لعل ذلك يغني عن ألف خطابٍ و مقال .. لا أملك قول الكثير .. و قد أصبحتً أعجز عن نظم اليسير .. . . أشكر كرم مرورك و روعة حضورك . . ودي و وردي . . |
| All times are GMT +3. الوقت الآن حسب توقيت السعودية: 02:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام