ملتقى طلاب وطالبات جامعة الملك فيصل,جامعة الدمام - شعر الصبر مفتاح الفرج ... لبطي الاأكلبي

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : الصبر مفتاح الفرج ... لبطي الاأكلبي (https://vb.ckfu.org/showthread.php?t=693289)

الصبر مفتاح الفرج ... لبطي الاأكلبي

الصبـر مفتـاح الـفـرج مـثـل ماقـيـل=وانـا صبـرت وضامنـي كثـر صـبـري

تلعـبـي الايــام لـعــب المحـاحـيـل=ليـن اودعتنـي بيـن الازمــان عـبـري

ياليتهـا ترجـع علـى الجـيـش والخـيـل=ويبيـن قـدر الـلـي لـهـم زود قــدري

فـي ساعـةٍ تظهـر زحــول الرياجـيـل=ودي بهـا لجـل اظهـر اللـي بـصـدري

امــا نـمـوت بـعـزنـا يالحـلاحـيـل=والا نعـيـش بعـزنـا مـثـل خـبــري

ولاحيـاةٍ يومـهـا اســود مــن اللـيـل=لا وحدتـنـي عـلـى الشـيـن جـبـري

مشاكـلٍ عـيـت تـعـدل عــن المـيـل=وصبـري علـى ذا الحـال لاويـن مـدري

الله يفرجـهـا عـلـى كـــل حلـحـيـل=قبـل الركايـب مـن عنـا الوقـت تـزري

هــذا كــلام الـلـي جـرالـه بهـاذيـل=بيـن الرجـا واليـاس قضـيـت عـمـري

لا الوقـت ذا وقتـي ولا الجيـل لـي جيـل=مـالـي ونـيـس الا مـقـالات شـعـري

اجلـس مـع نفسـي واصــوغ التماثـيـل=ليـن امتـلا بـوكـي وبيـحـت حـبـري

نـوادرٍ تكـفـي عــن الـبـن والهـيـل=تشـفـي فــؤادٍ حـطـه الـهـم كـبـري