|
سوال يخص المعدل
السلام عليكم ورحمه الله وبركاته كيف حالكم ان شاءالله بخير ممكن اسئل عن نقطه مهمه يخص المعدل .. انا اول مادخلت الجامعه اول ترم لي كنت ماعرف نظام جامعه وجبت العيد ورسب بكل المواد:Cry111: والحمدالله بعد مستوى ثاني وثالث و و و شديت حيلي ومعدلي كويس سؤالي انا سمعت لو اتخرج معدل عالي راح ينزل سبب اني كنت راسبه بالترم الاول هو صحيح ولا لا انا خايفه انه ياثر على معدلي اذا تخرجت ياليت احد يطمني هو صحيح ولا لا:mh12:
|
رد: سوال يخص المعدل
لا تطمني ما راح ياثر على معدلك انتي بس اجتهدي والله يووووفقك
|
رد: سوال يخص المعدل
ما اكذب عليك واقول لك اول ترم ماراح يأثر .. طبيعي يأثر
لكن انتي لسه في بداية مشوارك وتقدرين ترفعين معدلك مع كل ترم .. أهم شي المواد اللي عدد الساعات فيها كثير 3 مثلاً شديي حيلك مره فيها وقططعي نفسك بالمذاكره فيها .. بدون اهمال لباقي المواد طبعاً لأنها هي اللي تسوي الفرق في معدلك .. حاولي ماتنزلي عن a فيها وراح تشوفين معدلك تحسن ترم بعد الثاني واللي فات مات لاتفكرين باللي صار اول ترم مافي نجاح الا من بعد فشل .. ربي يوفقك وتجيبين المعدل اللي يرضيك |
رد: سوال يخص المعدل
لا م ياثر شي اخر معدل انتي فيه هو تحصيلك الدراسي بانمكانك ي يرتفع معدلك ي ينقص حسب مذاكرتك وحسب اجتهادتك
|
رد: سوال يخص المعدل
بعد التجربة الجامعية تأكدت من شئ واحد ان المستويات الاربعة الاولى وخاصة الاول + الثاني هي من اهم المستويات الثمانية بل اهمها لأنها تُمثل اساس البناء الجامعي ولأنها باختصار تُشكل ( قواعد البناء ) الحقيقي للدراسة الجامعية وتكوين المعل الاكاديمي. عزيزتي شدي حيلك وانظري للمستويات القادمة بنظرة تفوق وأمل وتفاؤل وانسي الفصل الاول تماماً واعتبريه ماضي وانتهى وصفحة تم طيها. وان شاء الله المستويات القادمـــــة ( معدل a) لنا ولكم جميعاً :106: |
رد: سوال يخص المعدل
تقدرين تسوين لك حسبة من الأن الى التخرج وتشوفين وش بتحصلين عليه بناء ع جهدك ( يعني حسبه متوسطه ) |
رد: سوال يخص المعدل
فيه فرق بين المعدل الفصلي والمعدل التركمي كيف يتاثر المعدل ؟؟؟ هو تراكمي يعني كل ترم يختلف والمستويات الاخيره ارتفاعه او نزوله بسيط جدا ..
|
رد: سوال يخص المعدل
الحمدالله الله يجزاك خير
|
| All times are GMT +3. الوقت الآن حسب توقيت السعودية: 07:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام