![]() |
عندي استفسار تكفون ردوا :(
حابه استفسر السنه الجايه اول سنه لي بالجامعه علما انا في كليه الاداب ومستجده وببدا السنه التحضيريه بعد شهر تقريبا كم ماده بالترم وهل هم صعبين المواد ولا لا وش المواد اللي بالسنه التحضيريه ؟؟:mh12:
وهل اقدر ابتعث برا بعد ما اخلص السنه التحضيريه او بعد سنتين كذا ؟ :Cry111: علما اني بجامعه الدمام مسجله تكفون اللي يعرف لايبخل على بالرد وجعله بالجنه اللي يفدني يارب :verycute: |
رد: عندي استفسار تكفون ردوا :(
- بكلية الآداب ٩ موادّ بالتحضيري لكل ترم، هذه هي المواد، وقد يختلف ترتيبها أحيانًا يعني ممكن اللي أخذتهم بمستوى أول تاخذين بعضهم بالثاني والعكس المستوى الأول: فقه السّيرة – انجليزي عامّ – التّحرير العربي – الصّحة واللياقة – مبادئ الإدارة – النّظام الاجتماعي – مدخل إلى تقنية المعلومات – النّحو التطبيقي١ – مهارات التّعلم والتفكير. ، المستوى الثاني: انجليزي قراءة – انجليزي كتابة – مبادئ علم الاجتماع – مبادئ الإحصاء – التلاوة والتجويد – برامج الحاسب المكتبيّة – القراءة والمحادثة – التذوّق الأدبي – النّحو التطبيقي٢. ، المواد مش صعبة، بس تحتاج منّك تشدين حيلك؛ لأنّهم مثل ما أنتِ شايفة، كثير ، أما بخصوص الابتعاث فما عندي فكرة للأسف موفقة () |
رد: عندي استفسار تكفون ردوا :(
بالنسبه للإبتعاث عادي تبتعثي عندك فرصه لين سن 22
|
رد: عندي استفسار تكفون ردوا :(
اقتباس:
بس وش قصدك بالمستوى لاني انا ما اعرف شي والله وهاذي والسنه الجايه اول سنه لي بالجامعه ولا اعرف شي للاسف. وهل اقدر اخذ اقل من ذولي لان كثير صراحه ؟ وكيف تعامل الاساتذه بالجامعه ويساعدون ولا مشددين عليكم ؟ والاختبارات كم مره تختبرون بالترم او بالاسبوع وش عدد الصفحات اللي يعطوكم اياها يعني كثير ولا شوي ويخططون ولا كل شي معكم ؟:Cry111::Cry111: اسفه على كثر الاسىله بس ماعندي ادنى فكره عن ذي الاشياء :mh12::Cry111: |
رد: عندي استفسار تكفون ردوا :(
انا مثلك م عندي خلفيه عن الاشياء ذي ومتوترة مرررااا درست السنه التحضيري ف جده ونقلت هنا ومن كلام الي ردت عليك مرا الوضع غير عن جده وارتبكت زياده :36::4:
|
رد: عندي استفسار تكفون ردوا :(
اقتباس:
لا تشيلين همّ الجامعة حلوة بس تحتاج تشدين حيلك حبتين ، وبتمشين :p ، الترم بالجامعة يسمّونه مستوى، مثلًا السنة الأولى تتكون من ترمين صح؟ الترم الأول يسمونه مستوى أول، والثاني مستوى ثاني، وسنتك الثانية بالجامعة تصير مستوى ثالث ورابع فهمتِ كيف؟ ، بالنسبة للمواد تقدرين تاخذين أقل أكيد، بس بتتورطين بعدين، يعني فيه بنات أعرفهم أخذوا 5 ، فمضطرين يخلّصون التحضيري بسنتين مثلًا، وبالتالي بيتأخر تخرجهم.. لذلك نصيحتي حاولي تاخذينهم كاملين قدر الإمكان، غيرك قدر أنتِ مش أقل منهم :004: ، تعامل الأستاذات كلّ اللي مرّوا عليّ بالتحضيري لطيفين بشكل عام، بس مختلفين يعني فيه اللي يساعدون ويعطون درجات إضافية وبونص وكذا :004: ، وفيه اللي يعطونك حقّك بالضبط بالضبط :biggrin: ، بس للحين ما شفت أحد يخسف بالدرجات زي ما سمعت الحمدلله.. عمومًا أنصحك جرّبي، لا تسألين كثير عن الدكتورات ولا تسمعين البنات أحيانًا يسوون فلم عن الدكتورة وتطلع تجنن :004: ، وأحيانًا يمدحون دكتورة وتطلع لا تعليق :Looking_anim: ، ، الاختبارات عندنا ميدترم - زي امتحانات نص السّنة بالثانوي :p - وعندنا نهائي، وفيه مواد امتحانها عملي أو شفهي تجنن :004: وبعض الدكتورات يعطون امتحانات قصيرة، زي الانجليزي :biggrin: ، كانت تعطينا امتحان كل الأسبوع لين كرهناها وكرهنا نفسنا -.- ، بس بالنّهاية دعينـا لها بالنهائي :004: ، جدول الامتحانات النهائي ينزلونه حتى قبل لا تبدأ الدراسة، لأن فيه بنات ما يمشون حسب الخطط الدراسية فيتأكدون إن ما عندهم امتحانين بنفس اليوم وكذا < تجاهلي الكلام هذا مش مهم :biggrin: عمومًا الامتحانات بالتحضيري كانت يوميًا على مدى أسبوعين، سواءً شهري أو نهائي تختلف الامتحانات أحيانًا تكون موضوعية ( يعني اختياري وصحّ وخطأ ) وأحيانًا مقاليّة ( عرّفي مثلًا ).. وهذا الشيّ بتعرفينه من دكتورتكم لما تبدأ الدراسة بتعلمكم عن كل شيّ :004: ، عمومًا آخر شيّ.. احضري يوم التهيئة، بيكون بأول أسبوع للدراسة.. وبيشرحون لكم كلّ أنظمة الجامعة بالتفصيل () . وأنا موجودة لأي سؤال :$ كنت مكانك السنة اللي فاتت وتعبت نفسيًا ما لقيت أحد يجاوبني :p موفقة () |
All times are GMT +3. الوقت الآن حسب توقيت السعودية: 05:12 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه