|
محاولة مستمرة لدخول ايميلي من 12 يوم. كيف اتصرف؟
السلام عليكم و رحمة الله.
حسابي في الجيميل و من 12 تقريبا تجيني فيه تنبيهات بمحاولة دخول للايميل من جهاز ثاني في منطقة اخرى .. و لازالت المحاولات مستمرة انا غيرت الرقم السري و صار اصعب .. لكن هل فيه جهة حكومية لتبليغ عن محاولة اختراق بريد الكتروني. لاني كل اللي لقيته اختراق مواقع الكترونية مو بريد(جرائم معلوماتية) ؟ اذا فية رقم او رابط مباشر للتبليغ لجهة حكومية ياليت تضيفونه هنا .. لان الايميل فية بيانات و مراسلات لجهات وظيفية و مرتبط بالجوال و لا اقدر اغيره و لا الغيه. مشكورين مقدما |
رد: محاولة مستمرة لدخول ايميلي من 12 يوم. كيف اتصرف؟
ممكن جوالك اللي تستعمله يحاول يدخل على ايميلك تلقائيا وانتي مغيره الرقم السري او احد البرامج اللي مسويلها مشاركه على الايميل او ممكن اذا كنت بايعه جوال من فتره ايميلك معلق فيه عموما غيري الرقم السري وحط فيه ارقام وحروف واقوى هكر ماراح يقدر يفكه:biggrin: الا اذا الجهاز كان فيه برنامج تجسس |
رد: محاولة مستمرة لدخول ايميلي من 12 يوم. كيف اتصرف؟
وعليكم السلام ورحمة الله وبركاتة
هذا شكله جالس يخمن ارقامك السرية ، ومو هكر لو كان تهكر بدون ماتدري ولا اخذ 12 يوم يحاول فـ ما يحتاج تبلغي أو تقلقي نفسك في حركه تخرج حسابك من كل الاجهزة الي شغاله بايميلك و نسيتيها ادخلي ايميلك ، ابحثي فوق عن أيقونة حسابي ، بعدين تسجيل الدخول والامان ، بعدين نشاط الجهاز والاشعارات ، وتحصلي اش الاجهزه الي دخلتي فيها الايام الماضية وامديك تخرجي منها لو كانت شغاله بإيميلك واخر شي تحطي كلمة سر قوية وملخبطه ، والاهم حطي رقم جوالك اربطيه بالجيميل عشان لو صار شي تقدري تسترجعيه بالتوفيق ^_^ |
رد: محاولة مستمرة لدخول ايميلي من 12 يوم. كيف اتصرف؟
اقتباس:
هذا اللي سويته .. انا ما ادخل على الايميل الا من الجوال او اللاب و كلهم معرفتهم من اول على الجيميل. و لا عندي مشاكل فيهم .. و فعلا انا دخلت مثل ماقلت اخوي على (نشاط الجهاز و لاشعارات) و طلع جهاز غيرمعرف و دخلت على IP adress و طلع لي مكانة (مكان النشاط) خارج منطقتي اللي ساكنة انا فيها. الخلاصة يعني اذا الرقم السري اوكي .. وضعي اوكي؟ |
رد: محاولة مستمرة لدخول ايميلي من 12 يوم. كيف اتصرف؟
اقتباس:
انا فعلا ادخل من جوالي دائما و لا عندي مشاكل في الدخول من الجوال و لا اللاب حقي .. و جوالتي القديمة احتفظ فيها مابيعها. الله يجزاك خير طمنتي |
رد: محاولة مستمرة لدخول ايميلي من 12 يوم. كيف اتصرف؟
اتمنى تفعلين خاصية التحقق الثنائي باعدادات الايميل .. لما تبين تدخلين ايميلك وتحطين الرقم
السري راح يرسل لك كود على جوالك تدخلينه عشان يدخلك على الايميل ( مثل نظام البنوك ) وممكن تطلبين عدم طلب الكود اذا تدخلين من جهاز معين خاص فيك .. بهالطريقة الاختراق يعتبر شبه مستحيل |
رد: محاولة مستمرة لدخول ايميلي من 12 يوم. كيف اتصرف؟
اقتباس:
اذا الرقم السري اوكي وضعك الـ أوكي ، لكن برضه لازم تاخذي احتياطاتك ، شيكي على الايميل البديل ، حولي اشياءك المهمه على الايميل البديل او احفظيها بجهازك (مجرد احتياطات) إلخ.. وبأذن الله ما يجيك شي :biggrin: |
رد: محاولة مستمرة لدخول ايميلي من 12 يوم. كيف اتصرف؟
مشكورين جميعا .. الله يجزاك خيير ..
|
رد: محاولة مستمرة لدخول ايميلي من 12 يوم. كيف اتصرف؟
اقتباس:
مشكور اخوي على المعلومة بفعلها ان شاء الله .. |
رد: محاولة مستمرة لدخول ايميلي من 12 يوم. كيف اتصرف؟
مساء الخيرلاتبلشين نفسك
غيري كلمة المرور بحيث تكون أحرف إنجليزية صغيرة وكبيرة وأرقام ورموز لاتفتحي أي إيميل من جهة ماتعرفينها وإذا اشتبهتي بأنك تعرفين مرسل الإيميل افتحي الإيميل ولاتفتحين الرابط الموجود فيه إلا بعد التأكد. بهالطريقة صدقيني ماحد يقدر يخترق ايميلك لو ايش ماصار مثال للباسوورد giveBAD1990$# |
| All times are GMT +3. الوقت الآن حسب توقيت السعودية: 09:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه