|
استفسار عن التخصص
السلام عليكم ورحمة الله وبركاته .. حابة استفسر بخصصوص التخصص , ايش هي المواد اللي لها متطلب مافهمت ايش يقصدون البنات . اقصد اللي لازم اخلصها عشان اتخصص ..
وكم ساعه لازم اكون مخلصة اقدر عشان اتخصص ويعطيكم العافية:106::verycute: |
رد: استفسار عن التخصص
محد عنده علم :(؟
|
رد: استفسار عن التخصص
-
وعليكم السّلام ورحمة الله وبركاته، فيه تخصصات لها متطلّب، بمعنى إنّك لازم تكونين دارسة موادّ معيّنة ومجتازتها بتقدير معيّن علشان تتخصصين.. مثلًا علم الاجتماع لازم تكونين ناجحة بمقرر مبادئ علم الاجتماع، الإعلام لازم تكونين ناجحة بتقدير c أو فوق بـ 3 مقررات، اللي هي الانجليزي العامّ ومدخل إلى تقنية المعلومات والتحرير العربي، .. وفيه تخصصات مالها متطلب، مثل التّاريخ والجغرافيا.. وحسب الدّليل الإرشادي، تتخصصين لو أخذتي 50٪ فما فوق من موادّ السنة التحضيرية + نجحتي بمتطلب التخصص اللي تبينه لو كان له متطلب.. طبعًا الأفضَل تمشين على الخطّة، علشان ما تحوسين بعدين ويصير عندك موادّ عامة وموادّ تحضيري فوق مواد التخصص! موفقة () |
رد: استفسار عن التخصص
حبيبتي ماقصرتي مشكورة وشكلي بخلص كل مواد التحضيري بعدين اتخصص مثل ماقلتي
|
رد: استفسار عن التخصص
طيب لو معدلي 1.987 وخلصت كل المواد و واغلبها cو +c وd اقدر اتخصص من الجامعه لان النظام م فتح ؟؟ولا مقدر :(
|
رد: استفسار عن التخصص
^ صَح نسيت هذه النّقطة، لازم يكون معدّلك التّراكمي فوق الـ ٢ ، أو فوق الـ ٢.٥ مش متأكدة :$ |
| All times are GMT +3. الوقت الآن حسب توقيت السعودية: 11:01 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام