|
ملاحظة على البنات
مساء الخير
انا عندي ملاحظة صغيرة على البنات في منتدانا هذا انا كل ما افتح صفحة او موضوع في المنتدى و تكون اللي كاتبته بنت سواء في الملف الشخصي او في الموضوع نفسه الاحظ انها كرهانة حفر الباطن الاحظ البنات تتمنى انها تكون من بنات الرياض او الدمام او جدة يعني المناطق الكبيرة ليش ما ادري ؟ مع ان الحفر اللي مهي عاجبتكن هي اهدء و احسن وآمن من الرياض او المدن الثانية بكثير الحين تقولون ان هذا حفراوي وما طلع من الحفر وما يدري وش السالفة لا بلعكس انا كنت ساكن الرياض وكنت اذا بغيت اروح مشوار يعني للمستشفى او الكلية او السوق راح امشي 40 كيلو اقل شي يعني زحمة تعمل صداع وضغط نفسي لاجل كذا انا نقلت الى حفر الباطن ولا تنسوا انها كانت عاصمة الربيع في سنة من السنوات اللي ما هقوتي ترجع ههههه بس الحين صارت عاصمة الغبار هذي وجهت نظري ولكم جزيل الشكر |
رد: ملاحظة على البنات
هههههههههههه موضوع غريب نوعا ماا :hahahahahah::hahahahahah:
ياحليلكن يابنات الحفر>>>يقال مو منهم:hahahahahah::hahahahahah: بس لا شفيها الحفر والله انها تجنن خصوصا جوهاههههه الحــــــــين:bawling: احس نفسي وسط كتلة ضباب(غبار:064:) بس وش نقول الحمد لله على كل حال:s12: |
رد: ملاحظة على البنات
عن نفسي اول 9 سنوات من عمري كنا عايشين بالجبيل الصناعيه مدينه راااقيه بكل ماتعنيه هذه الكلمه
وفجأه لقيت ابوي قطنا بالحفر بحكم انو تقاعد ورجع لديرته الاساسيه والله مافي وجه مقارنه بين الحفر والجبيا الصناعيه واكيد اللي راحوا لها معي واحس ان الحفر هي السبب في حرماني من العيش في ذيك المدينه { لا تلوموني اذا كرهتها } والله مره رحنا لها وجابني اخوي قدام بيتنا اللي كنا ساكنين فيه بكيت لا ارادي وكنت ميته وادخله بس للاسف كان فيه ناس لانو ماكان ملك طبعا بس حتى بيوتهم رهيبه كانت تصميم امريكان اااااه ذكرتوني بذيك الايااام :bawling: ياليتها تنعاد اجمل طفوله عشتها هناك قسم بالله كنت مصدومه اول ماجيت هنا اتأمل البنات في المدرسه اشكال غريبه والمبنى بيت عادي عقب ماكانت مدرستي وش كبرها ومافي بحر >> كنت اول احسب كل مدينه فيها بحر . وحتى بيتنا مكنت متقبلته يالله هذي الدنيا يوم لك وعشره عليك سوري ع الاطاله لكني والله امووووووووت بالجبيل فديتها شبر شبر والرياض منو يكرهها يكفي فيها كل التخصاصات يعني البنات ضامنين مستقبلهم هذي وحده من مليون من مميزات الرياض عادي نتحمل الزحمه بس نعيش بالرياض >> طموحه الاخت |
رد: ملاحظة على البنات
انا عن نفسي ماحب الحفر بس الزمن جبرني:Cry111::Cry111:
|
رد: ملاحظة على البنات
بنت :hahahahahah::hahahahahah: الله يعيييييينتس عاد اللي يسمعك يقول صابره عليها:hahahahahah:
ماغير سري مري :hahahahahah: الله يعين فديتييييتك:love080: سي يو:064: |
رد: ملاحظة على البنات
أنا أحب الحفر مووووت
فديت ترابك يالحفر مع أنها مش موطني الأصلي بس حبيت كل شي فيها ماأتمنى أطلع منها |
رد: ملاحظة على البنات
طرح غريب :000: بس عجبني اناانتظر اي فرصه اعبر فيها عن كرهي لعاصمة الربيع :no2:
انااستغرب من الي يقول الحفر حلوه وهاديه ياهووووووووووه وش هاديه حوادث القتل شبه اسبوعآآ طبعآالقتل بكل مكان بس فلحفر اكثر ولاسباب تافهه >>> بلعربي ناس همجيه القتل عندهم مثل السلام عليكم:017: اسمع القصص ماصدق انه يقتله علشان الاسباب التافهه هذي آآه هذاغير الهنود والبنقلادشيين الي اشوفهم اكثر من السعوديين والمناظر الخلابه في الشوارع اناتجيني ضيقة صدر اذارحت لسوق وشفت الكاشخين هناك ابوطاقيه حمراء وثوب اصفر آآآآآآآآآآآآآآه اول مااشوف ذاالاشكال احس بكتمه تجيني قشعريره اكره السوق :017: :017: هذاغير الجو الي حير الارصاد الجويه حتي هذه اللحظه !!!!!!!!!!!!! بلعربي معجزه الاهيه اوووووووووو نسيت اهم شي الي يرفع الضغط واحد ماشي فسيارة الي غالبآ تكون ددسن المهم يعطيك اشاره يمين يروح يسار ليه : bnglo12: :bnglo12: >> حتي السواق يقول مخ خربان :017: :017: :017: هادية مييييييييييييين والناس نايمين >>> قاريتها على جدار بيت عمي طبعآ الكاتب مجهول صح الرياض زحمه بس حتي زحمة ... واخيرآآ ارق تحيه لك الساري تركت لي مجال اعبر عن مايلج بداخلي من احاسيس لعاصمة الربيع طبعآكل الي قلته مايجي ذره من مابداخلي عذرآآللاطاله عليكم >>:011: تحياتي .. انــــــــــ~~ـــــانه |
رد: ملاحظة على البنات
تكملة الجمله هع
صح الرياض زحمه بس حتي زحمته حلوه :cheese: :cheese:... |
رد: ملاحظة على البنات
اممممممممم مدري وش أقــوول بالضبط ..’
بس أنــآ أحيانا آوب داايم تجيني حآلــة كرهـ فضيعه للح ــفر حرمتني من غوآلينا ..’ أحب الأحســآء بقووووووهـ ولا تعلليييييييييييييق:love080: ..’والظهراان مآ تهووون بع ـد ..’ <يالبييييييييه يابعد رووح ـي بس حتى الحفر لها أكييد حيز بقليبي <يكفي تعرفت ع بنآت عسسسولآت فيها ..’ ولآّ كيف بتحمل ادرس 4 سنوااات هني .. موضووع حيرني أرد عليه كيف ..,؟ هع:119: |
رد: ملاحظة على البنات
من بعد رد أنسانه مابقى شي أقوله .. :D
بس اللي أحب اضيفه ان مهما كانت سلبيات الحفر .. مستحيل نكرهها .. :love080: و معاك حق الساري .. زحمه الرياض تجيب الضغط و السكر .. :119: |
| All times are GMT +3. الوقت الآن حسب توقيت السعودية: 10:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه