ملتقى طلاب وطالبات جامعة الملك فيصل,جامعة الدمام

- - [ استفسار] : وين الأفضل ؟ (https://vb.ckfu.org/showthread.php?t=688618)

وين الأفضل ؟

السلام عليكم

حابة أعرف وين الأفضل في الدراسة عن بعد انتساب هل في جامعة الدمام أو جامعة الملك فيصل ؟

طبعا لكل جامعة لها مميزات بس وين الأفضل والاسهل وطريقة الاسئلة والتواصل وخصوصا سمعت ان جامعة الدمام الحضور للاختبار النهائي بالجامعة اجباري فهل ايضا المحاضرات نحضرهم في الجامعة ولا شلون ؟

يعني شنو الفروق بين الجامعتين ؟

وبخصوص التخصص ادارة اعمال هل فقط لطالبات العلمي او عادي الادبي يدرسون ادارة اعمال ؟

ومتى موعد التسجيل عن بعد في جامعة الدمام انتساب ؟

ومشكوريين :004:

رد: وين الأفضل ؟

جامعة الدمام ادارة اعمال /التسجيل بيكون برمضان

و تعليم عن بعد عندهم حساب رسمي بتويتر

تقدرين تتابعينة و يعطونك المعلومات اول باول ومن المسؤلين

.............

جامعة الدمام في 4 و اجبات خﻻل الفصل الدراسي الواحد و بيكون محدد موعد اخر تسليم
في اختبار اعمال سنة اون ﻻين من 4 حتى 12 مساء بس مدة اﻻختبار نصف ساعه من بدء اﻻختبار

حضور المحاضرات المباشره 3 مرات بالفصل الدراسي يفضل الدخول فيها لاحتساب درجة الحضور

بالنسبة لجامعة فيصل ما عندي فكره عن طريقتهم

رد: وين الأفضل ؟

اقتباس:

المشاركة الأصلية كتبت بواسطة د. جمان (المشاركة 12476549)

ببدأ بالرسوم
فيصل : الساعه بـ 165
الدمام : الساعه بـ 150

التخصصات
فيصل : ادارة اعمال - لغة انجليزية (باقي التخصصات اغلق التسجيل فيها)
الدمام : ادارة اعمال (باقي التخصصات اغلق التسجيل فيها)

نظام الدراسة
فيصل : 14 مناقشه + واجبات + تحميل محاضرات او مشاهدتها (30 درجة) اختبار نهائي موضوعي ومقالي حسب التخصص والماده (70 درجة)
الدمام : 3 او 4 واجبات + اختبار فصلي + تحميل محاضرات او مشاهدتها (30 درجة) اختبار نهائي موضوعي فقط (70 درجة)

عدد اسئلة الاختبار النهائي
فيصل : 50 سؤال بـ 70 درجة
الدمام : 70 سؤال بـ 70 درجة عدا المواد الحسابية 50 سؤال بـ 70 درجة

مراكز الاختبار
فيصل : متوفرة بكل مناطق المملكة ودول الخليج
الدمام : محدود بخمس مراكز بالمنطقة الشرقية فقط

مدى صعوبة او سهولة الاختبار النهائي تعتمد على الطالب نفسه
لكن بفيصل : اسئلة النهائي مكررة للاترام الماضية غالبا
الدمام : غير قابله للتكرار او نادرا تكرارها

مدى صعوبة وسهولة الدراسة ايضا تعتمد على الطالب نفسه
لكن غالبا في فيصل اسهل من الدمام

الدعم الفني والمشاكل التقنية
في جامعة الدمام افضل ومشاكل اقل وتجاوب اكبر من فيصل بحكم قل عدد الطلاب

الشهادة : مافيه شهادة افضل من الثانية حتى الان
نبقى كلنا انتساب مطور و تعليم عن بعد

^
هذي أهم الفروقات بين الجامعتين ، ويضل إختيار الأفضل هذا شي إنتي تحددينه حسب رغبتك أولاً وأخيراً ..

- التقديم فقط لتخصص إدارة أعمال ولجميع حاملي شهادة الثانويه ( العلمي والادبي وحتى التجاري والصناعي وغيرها )
- التقديم راح يكون متاح بمشيئة الله تعالى في تاريخ 1436/9/6 عن طريق بوابة التعليم عند بعد > القبول الالكتروني > التسجيل

https://admit.uod.edu.sa/Subpage.aspx?prnt=65

بالتوفيق لك ,, :rose:

رد: وين الأفضل ؟

اقتباس:

المشاركة الأصلية كتبت بواسطة rana.a (المشاركة 12505072)

شكرا لج اختي طيب شنو اسم الحساب الرسمي بتويتر ؟

رد: وين الأفضل ؟

اقتباس:

المشاركة الأصلية كتبت بواسطة صَعب (المشاركة 12505147)

^
هذي أهم الفروقات بين الجامعتين ، ويضل إختيار الأفضل هذا شي إنتي تحددينه حسب رغبتك أولاً وأخيراً ..

- التقديم فقط لتخصص إدارة أعمال ولجميع حاملي شهادة الثانويه ( العلمي والادبي وحتى التجاري والصناعي وغيرها )
- التقديم راح يكون متاح بمشيئة الله تعالى في تاريخ 1436/9/6 عن طريق بوابة التعليم عند بعد > القبول الالكتروني > التسجيل

https://admit.uod.edu.sa/subpage.aspx?prnt=65

بالتوفيق لك ,, :rose:

شكرا لك اخوي ماقصرت كفيت و وفيت

بخصوص مراكز الاختبار وين الاقيهم سواء جامعة الدمام والفيصل ؟

رد: وين الأفضل ؟

اقتباس:

المشاركة الأصلية كتبت بواسطة على جناح الأمل (المشاركة 12508979)

شكرا لك اخوي ماقصرت كفيت و وفيت

بخصوص مراكز الاختبار وين الاقيهم سواء جامعة الدمام والفيصل ؟

مراكز الإختبارات محدودة في جامعة الدمام ومحصوره حسب الجدول التالي ..

http://i.imgur.com/ImqZoZL.png

أما فيصل ما شاء الله في جميع مناطق ومدن المملكه ..

رد: وين الأفضل ؟

الخيره عند الله فهو خير من يختار سبحانه