|
بخصوص القبول
السلام عليكم كيف حالكم
انا عندي كم استفسار الاول الحين لو كنت حاط 5 رغبات وانقبلت في الدفعه الاولى في الرغبه الثالثه لكني ابي الرغبه الاولى يمديني اسحب على الرغبه الثالثه لمين تجي رغبتي الاولى في الدفعات الي بعدها ولا اذا انقبلت في اي رغبه خلاص ما اقدر اغير ؟ الاستفسار الثاني كم اقل نسبه ممكنه اني اخش كليه الهندسه للطلاب (عارف ما نزلت النسب لكن في السنين الماضيه والمتوقع كم؟) مع العلم ان نسبتي الموزونه لك عليها والسبب درجتي في التحصيلي جبت 69 لكن عندي فرصه ثانيه مادري كم ممكن ارفعها لكن خلني في اسوء الحالات مع نسبتي الاولى لو اختبار التحصيلي الثاني ما جبت اعلى من 69 بتكون موزونتي تقريباً 77 تزيد او تقل شيئ بسيط لكن غالباً بتزيد فواصل هل هي كافيه للدخول كليه الهندسه او وين بتدخلني بالضبط (افضل كليه) ؟ الاستفسار الثالث كيف كليه الهندسه والحاسب ؟ هل الدكاتره شرحهم ممتاز ولا سيئ ؟ و هل هم وسيعين صدر ولا مره متشددين ومالهم خلق احد :mad: وكيف قوه الشهاده ؟ لان سمعت ان شهاده الهندسه في الجامعه لك عليها والسبب ان الكليه جديده اظاهر ما صار لها الا 5 سنين شيئ زي كذا الاستفسار الاخير انا من سكان الخبر ونادر اروح الحساء فـ كيف السكن فيه طالب معاك ولا كل واحد بالحاله ؟ وكيف المنطقه الجامعيه هل متوفر كل شيئ ؟ (اقصد ملاعب و الامور الترفيهيه للطلاب) معليش كثرت اسئله بس تحملوني :rose: |
رد: بخصوص القبول
وعليكم السلام ... الحمد لله بخير
بالنسبة لاستفسارك الأول لو انقبلت في الدفعة الأولى مثلا في الرغبة الثالثة لازم تسلم أوراقك ,, لو سلمتها بتدخل في المنافسة للدفعات الي بعدها .. لو في الدفعة الي بعدها كانت نسبتك الموزونة تطابق رغبتك الأولى يتم ترقيتك تلقائيا في النظام من رغبتك الثالثة الى رغبتك الأولى .. وبتدخل على صفحة النتائج وبتشوف انه تمت ترقيتك ومايحتاج تسلم اوراقك مرة ثانية لأنك سلمتها في الدفعة الأولى .. ** لو من البداية ماسلمت اوراقك اقصد في الدفعة الأولى بينلغي قبولك وبتخرج من المنافسة وماتقدر تسجل الا السنة الجاية بالنسبة لأستفسارك الثاني : هذا جدول النسب الموزونة جمعتها لك لكلية الهندسة والحاسب ل 3 سنوات الأخيرة http://im50.gulfup.com/IX7zWb.png |
رد: بخصوص القبول
:icon9: مادري ليه الصورة صار حجمها كبر النملة اضغط مرتين عليها عشان تشوفها اكبر بالنسبة للأستفسارات الثانية ان شاء الله الأعضاء يجاوبونك . موفق أخوي |
رد: بخصوص القبول
اقتباس:
اها كذا كويس بس لو سلمت اوراقي ودخلت بالمنافسه واخر دفعه نزلت في كليه ما ابغاها اقدر اسحب اوراقي ؟ بالنسبه للجدول بال 77 شبه مستحيل اخش يبغى لي ارفعها على الاقل الى 80 عشان يكون فيه شويه امل يعطيك العافيه وننتظر باقي الاجابات |
رد: بخصوص القبول
ايه تقدر تسحب أوراقك لو ماتبي .. لما يفتحون بوابة القبول اقرأ كل الي مكتوب فيها وبتفهم ان شاء الله ..
حاليا ذاكر زين لأختبار التحصيلي ولاتشيل هم التسجيل من الحين وتضيع وقتك عشانه :) |
رد: بخصوص القبول
اقتباس:
كويس اذاكر ايش واخلي ايش بكره الخميس اخر يوم اختبارات نهائيه الاحد اختبار التحصيلي :icon9: يعني لو بذاكر اشياء بسيطه اتوقع اني بجيب درجه على بدايه السبعينات مثلاً 73 حولها بتكون موزونتي يمكن 79 كذا |
رد: بخصوص القبول
الجمعه والسبت اقرى عن التحصيلي ولاتحط ببالك انك تفشل وماتجيب درجة كويسة بالعكس تفائل وخل عندك اراده وانت ماينقصك شي تقدر تجيب أعلى درجه
بس شد حيلك ركز على معلومات السنه الاولى والثانية من الثانوي يمكن تكون ناسيها و إذا معك وقت راجع معلومات ثالث ثانوي |
رد: بخصوص القبول
اقتباس:
بجاوبك على آخر استفسارين لك بخصوص الدكاترة ،، بالمجمل العام الدكاترة كويسين و حليوين تختلف معاملتهم من شعبة الى شعبة و من سنة الى سنة و ممكن من طالب الى طالب انت تجتهد و نصيبك يوصل لك و محد مظلوم عند رب العالمين و لو بعد حين اما بالنسبة للطلاب و السكن و هالحركات ،، بمجرد ما توصل الجامعة بتلقي كثير من منطقتك و ممكن ابعد بتتعرف على ناس كثير و ممكن تسكنون مع بعض في أماكن مخصصة لسكن الطلاب طبعاً على حسابكم الخاص الأفضل انك بعد قبولك تستكشف الجامعة و الأماكن الترفيهية الشبابية فيها:biggrin: اسأل كل اللي في خاطرك و كل أعضاء الملتقى حاضرين بإذن الله و الله يوفقك و يجعل لك الخيرة وين ما يكون قبولك |
رد: بخصوص القبول
اقتباس:
ان شاء الله بحاول اخذ لي كم معلومه بالي اقدر عليه اقتباس:
السكن الخاص بالجامعه -المجاني- لازم يكون معاك واحد ولا انت بالحالك ؟ انا جيتها مره للقدرات شفت ملعب وحركات استانست صراحه :biggrin: امين |
رد: بخصوص القبول
اقتباس:
بس انو لازم مجموعة مو فردي الله يكتب القبول و تستانس عدل:16.jpg: |
| All times are GMT +3. الوقت الآن حسب توقيت السعودية: 05:36 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام