|
درجتي في الاستماع نازلة مرره
السلام عليكم
الحقيقة انا متفاجئة مرة من درجتي في الاستماع الاختبار كان اكثر من رائع بالنسبة لي ومتاكدة وواثقة من الاختبار اذكر عندي بالكثير 3 غلطات فقط :000: ونازلة تسع درجات معقول كل سؤال عليه ثلاث درجات اتوقع النموذج كان فيه خطأ في الاسئلة وانحسبت علي غلط او فيه شيء مو طبيعي احد مثلي والا بس انا الحمد لله على كل حال اهم شي عدينا بس مستغربة فضفضة فقط :icon120: |
رد: درجتي في الاستماع نازلة مرره
ما هقيتها منك يا ابن بروست
|
رد: درجتي في الاستماع نازلة مرره
وعليكم السلام والرحمه ..
اولا .. مبروك النجااااح لين ... والله يعدينا شر هالدرجااات ... انا للحين درجاتي موش نازله باللوكيشن ماعرف ليه ... ونماذج الاسئله كان فيها اخطاء كثيره هالترم ... لكن ارسلي ملاحظاتك بعد ماتفتح الايقونه ... وباذن الله خير |
رد: درجتي في الاستماع نازلة مرره
اقتباس:
الله يبارك فيك يارب وعقبى لك فيرزاتشي طيب اي ايقونة ؟ وراح ينفع لو ارسلت ملاحظاتي والا خلاص الدرجات نزلت وما بيعدلون عليها صحيح انا اذكر فيه طلاب قالوا فيه خطأ في نموذج وانا كان نموذجي من ضمنهم بس ناسية اي نموذج مرت الايام ونسيت لكن لما استفسرت من الطلاب اذا لازم كل واحد يرفع شكوى عن نفسه ما تجاوبوا معي وانا انشغلت بالمادة اللي بعدها ياليت اللي عنده خلفية عن الموضوع يفيدني الله يوفقكم |
رد: درجتي في الاستماع نازلة مرره
اقتباس:
أتوقع دفعتنا أكثر دفعة متعاونة "باستثناء نفسي" وفتحنا مواضيع طالبنا فيها بأن الكل يرفع لأن العمادة ماتنظر لتظلم شخص أو شخصين، مع إني متأكد إنها تنظر بإذن الله أنا مثلا كتبت التالي بأيقونة ملاحظات الطلبة حول الإختبار تحية طيبة نشكر لكم تعاونكم الدائم ونرجو منكم التكرم برفع الظلم الذي وقع علينا نحن طلاب وطالبات مقرر استماع وتحدث حيث اتضح أنه توجد عدة أخطاء بالنموذج d تتلخص بالنقاط التالية: السؤال الثالث (3) الإجابة الصحيحة لم تتضح حسب النص المسموع! وعليه تمت الإجابة عليها بأقرب إجابة محتملة والتي نتجت عن قراءتنا للكتاب المقرر علينا، لا على النص المسموع كما هو مفترض. وبما أن المادة استماع وتحدث فلم يتطرق الدكتور للإجابة الصحيحة من خلال قرائته للقطعة. السؤال الرابع (4) الإجابة الصحيحة ليست من ضمن الخيارات أبدًا. السؤال الخامس والثلاثون (35) الإجابة الصحيحة ليست من ضمن الخيارات أبدًا. السؤال السادس والثلاثون (36) الإجابة الصحيحة تكررت مرتين. بما أن الأخطاء أعلاه لايتحملها الطالب فنرجو منكم بحث الموضوع والتحقق من جميع النماذج -حيث توجد أخطاء بنماذج أخرى مع اختلاف التفاصيل- والتحري منها ورصد الدرجات لصالح الطلاب. وأذكر بأنه النقاط أعلاه تخص النموذج d مع التحية والتقدير ودرجتي بالاستماع والتحدث 100 والحمد والشكر لله مبروك النجاح |
رد: درجتي في الاستماع نازلة مرره
اقتباس:
الله يبارك فيك game ومبروك لك بعد طيب النتايج طلعت خلاص تتوقع يعدلون على نتيجتي ؟ وبرايك انسخ الكلام اللي كتبته فوق ؟ ووين انزل التظلم بأي ايقونة ؟ شاكرة لك تفاعلك ودعوتك الطيبة |
رد: درجتي في الاستماع نازلة مرره
المراقبات شغلوا لنا التسجيل تبع الاختبار مرتين استمعت لكل جزئية اربع مرات والصوت كان واضح جدا وانا متاكدة اني غلطت في 2 من الفوكابلري وسؤال في القطعة كانوا الطلاب مستغربين منه اللي هو سبب صرف المدير المكافأة للعاملة في المطعم وكانت الاجابات كلها غلط وانا اخترت اقرب جواب اللي هو بسبب اتقانها لعملها
اما غيره مافي اي غلط متاكدة باذن الله يعني عندي 3 غلطات ليه ناقصة 9 انا ماني ضعيفة في المادة في المستوى الثالث جبت 98 الحمد لله تسع درجات نقصتني في الاستماع والتحدث افا مو قليلة :icon9: كيف اقدر ارفع تظلم على اي ايقونة ومتى تفتح الايقونة هذي الله اعلم في مجال يردون لي درجاتي والا اقفل وانسى الموضوع :verycute: |
رد: درجتي في الاستماع نازلة مرره
اقتباس:
http://del.kfu.edu.sa/entisab_app/systems.asp فيه أيقونة تظلم بشؤون الإختبار لسا مافتحت وما أدري متى تفتح بس قريب أكيد انسخي والصقي الكلام أعلاه وبينظرون لتظلمك والله يوفقك :icon19: |
رد: درجتي في الاستماع نازلة مرره
اقتباس:
تسلم لا هنت الله يوفقك ويرحم والديك |
رد: درجتي في الاستماع نازلة مرره
والله انا نفس الشي وتفاجئت جدا بهالدرجة مومصدقه مع انه اكثر مادة حليتها كويس
|
| All times are GMT +3. الوقت الآن حسب توقيت السعودية: 11:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه