كم استفسار , ضرووري
 

سلام عليكم ورحمة الله وبركاته..
يا أخوان ويا أخوات عندي كم استفسار وأرجو منكم الرد , لإني مرا محتاسة وبحثت كثير وما طلعت بأجوبة شافية لأسئلتي ..
1- الحين بالتحضيرية وش ندرس ! وهل القبول فالتخصصات بعد سمستر أو سنه ؟؟
2- القبول فالتخصصات راح يكون حسب النسب ولا وش !!
3- أنا طالبة علمي لكن خاطري حيل في تخصص الانقلش , بس سمعت انو م يصلح لبنات علمي يدرسون انقلش !! هل فعلا م يصلح أدرسه ولا عادي !
4- برضو سمعت ان ع الانقلش ضغط مرا وانو صاروا م يقبلون احد فيه , صحيح هالكلام ؟
تقفون جاوبوا تفكون أزمة والله ..
وجزيل الشكر والدعاء لكم .

رد: كم استفسار , ضرووري
 

١- التحضيري سنه وكل سمستر تدرسين فيه ٩ مواد وعلى حسب اذا كثير عليك ٩ مواد يمديك تخففين المواد بس الافضل تاخذين كل ترم ٩ ولا تغيرين شي ، القبول بالتخصص يكون بعد السنه التحضيري يعني بالصيف تختارين تخصصك .
٢- القبول بالتخصص يكون على حسب كل تخصص وايش يتطلب من مادة انك تجتازينها مثلا لو بتخصصين انجليزي لازم تجيبين بانجليزي عام وكتابه وقراءه اقل شي c ومعدلك يكون ٣ اقل شي .
٣ و ٤ ماعندي علم فيهم لاني لسا تحضيري ، وعلى فكره مافي شي سهل بكل التخصصات انتي اهم شي خليك منضبطه بالمحاضرات وذاكري اول بأول وصدقيني بتضمنين نفسك ودامك حابة الانجليزي استخيري وتوكلي على الله وتذكري دايم انه مابيمشيك بالوظايف الا الانجليزي.. وان شالله ربي يكتبلك اللي فيه الخير

رد: كم استفسار , ضرووري
 

ايوا يمديك تسجلين بالاداب بس حطيها رغبتك الاولى .
والانجليزي عادي اهم شي تكوني جايبه معدل مرتفع وناجحه بمواده ، لان الاولويه للي درجاته بالمتطلبات مرتفعه ومعدله عالي ،وموفقه يارب

رد: كم استفسار , ضرووري
 

تخصص الانجليزي اهم شي تكونين جايبه بالانجليزي العام و مادة القراءة ومادة الكتابة اعلى من c
والمعدل يقبلون من 2.5 وفوق

بالتوفييق

رد: كم استفسار , ضرووري
 

مشككورين جمميعا ع الرد ..
الله يعطيكم الف عافية ويجزاكم كل خير ويوفقكم وييسر أموركم ...

رد: كم استفسار , ضرووري
 

مايفرق علمي ولا ادبي انا دارسة علمي والحين متخصصه انقلش هو ممتع لكن تحتاجين تشدين على نفسك بالمذاكرة وان يكون عندك حصيلة لغوية تمشيك وزي ماقالوا البنات مافي شي سهل والمذاكرة اول بأول هي افضل حل واضمن حل لنجاح وربي يوفقك