ملتقى طلاب وطالبات جامعة الملك فيصل,جامعة الدمام - توجيهات للمنتقلين إلى المستوى الخامس Senpai's Guide to E5

السلام عليكم ورحمة الله وبركاته

https://lh3.googleusercontent.com/-9...282%252529.png

https://lh3.googleusercontent.com/-p...OHB1qip80b.gif

ألف مبرووك العطلة الصيفيه / النجاح مقدما ً :verycute: :icon1:

كتبت هالموضوع الحين علشان فيه ناس بيهربون من الحين ولا يدخلون المنتدى إلا وقت الاختبارات الجايه.
فقلت ألحق عليكم ، احفظوا هالموضوع بالمفضله واقروه بداية الترم :16.jpg:
ولأني باقي أتذكر وش المواد، بعد اسبوع بنسى كل شيء ..

قبل لا أبدأ بقول لكم شيئين مهمة:
• تخصص الانجليزي مفروض الحين في هالمستوى ما تستخدمون ملازم مترجمه.
بس إن كان ولابد فحطوا ببالكم ان هالوضع لازم يتغير وشدوا حيلكم ترسخون الكلمات في بالكم وتطورون مستواكم.
• بالنسبه للمذاكره لازم تبدأون من بدري. لما أقول بدري ترى عادي قبل الاختبارات بـ3 أسابيع بس!
تبدأون تمسكون مواد تشوفون وش سالفتها وتختمونها..

والي يقدرون يحضرون عزايم ومواجيب معناها يقدرون يذاكرون
هذا لأن وحده كانت تقول انا مشغوله ومتزوجه وعندي عيال بس كنت ألاقيها بوجهي دايم في كل عزيمه :hahahahahah:
يعني الي تقدر تقابل أقاربها كل نهايه اسبوع تقدر تذاكر، مب عذر.

https://lh3.googleusercontent.com/-p...OHB1qip80b.gif

فكرة خاطئة عند بعض الطلاب والطالبات:
دارسين عن بعد ودافعين بفلوسنا يعني لازم يكررون لنا الأسئله ويساعدونا.
انتوا الي تخلون شهادتكم غير معترف فيها لأن الكل صار ينظر لها أنها لعب وان أي أحد يقدر يمشي فيها..
وحتى نظرة الناس لكم، متخرجين عن بعد، يعني شهاده أبو كلب شريتوها بفلوس..
لا ترضون هالكلام على أنفسكم، مب انتم دارسين تبغون وظائف أو ترقيات وكذا؟
اذا انتوا مب معترفين فيها لا تتوقعون العالم يعترف فيها :Looking_anim:

https://lh3.googleusercontent.com/-p...OHB1qip80b.gif

هالموضوع راح يكون مفيد في حالتين:
- للي بيركز في النبذه الي أكتبها لكل ماده والطريقه الصحيحه لمذاكره كل ماده.
- للي ناوي يختم المواد قبل الاختبارات مره على الأقل. حتى لو بتنسى المعلومات بعد هالمذاكره
لا تستهين بمذاكره المواد قبل الاختبار. ( خاااصه الي مستواه باللغه مب ممتاز والي يحتاج ملازم مترجمه)

https://lh3.googleusercontent.com/-m...Wog1qip80b.gif

المواد في هالمستوى :

- English Though and culture
- Translation Theory
- Essay
- Phonetics and Phonology
- The Rise of Novel
- English Literature of the 17th century
- Speaking Skills
- قضايا ثقافية معاصرة
- الحضارة الاسلامية

https://lh3.googleusercontent.com/-m...Wog1qip80b.gif

الفكر والثقافه الانجليزية / English Though and Culture
د. جاك اورجن

الماده تتكلم عن تطور انجلترا و مجموعه من الأدباء والمفكرين الي أضافوا لثقافتها وعلومها أمور مفيده.
كل محاضره عن شخصيه ومعلومات عن هالشخصية، وصورة كل واحد مع معلوماته
وبالتالي تحفظونهم بشكل أسهل. بعض الشخصيات لهم اقتباسات من رواياتهم أو كتبهم..

الماده فيها تواريخ بشكل كبير.. لكن الدكتور جاك ما يحب يجيب في أجوبته تواريخ متقاربه
فلو عرفت القرن لكل حادثه راح تسهل عليك الاجابه.
وعلشان تسهل عليك القرون رتبتها في خط زمني (الرابط هنا)
وقت المذاكره من الملزمه يكون الخط الزمني مفتوح قدامكم وتشوفونه وبترسخ لكم المعلومات
وكمان تضيفون لو تواريخ أخرى لقيتوها مهمه..

احنا ما جاب لنا تواريخ. وقال لنا لا تحفظون تواريخ الميلاد والوفاة، فقط اعرفوا هالشخص اشتهر بأي قرن.
اسألوه في المحاضرات المباشره علشان تتأكدون لأن ممكن يغير.

( أسئلة اختبارنا هنا )

الماده راح تكون بسهوله 1+1 إذا سبق و ختمتوا مذاكرتها قبل الاختبارات..
في المرفقات نبذه عن كل عالم مع صورهم الجميله ، تقرونها بس لا تغنيكم عن الملزمة..

--------------

نظرية الترجمة / Translation Theory
د.أحمد حليمه

يسمونه العيد ومسبب فوبيا لكل الدفعات السابقه، انسان دقيييق ومرعب ويعض <-- بتنفرش
لا جد هو سمعته في صعوبة أسئلته ومعدل الرسوب حقيقي..
والدفعه الي قبلنا قالوا لنا أنهم ذاكروا واحنا عارفينهم دوافير ماشاء الله ومع ذلك بالقوه نجحوا.
ولما شفنا أسئلتهم طلع جايب لهم من برا المنهج ومصعب أسئلته بجد..
بس قرينا أسئلة الي قبلهم (الي قبل الدفعه الي قبلنا ) لقيناها معقوله للي يذاكر..
المهم ان الدفعه الي قبلنا اشتكوا عليه، فلما جاء دورنا لقينا أسئلته "قابله للحل"
بس قلنا ممكن لأننا كنا خايفين من صعوبة الماده فختمناها قبل الاختبارات وكمان في الاختبارات ذاكرناها
كتحدي اننا نجيب فيها A+ ..
ولما شفنا الأسئله لقيناها مويه.. فيه ناس قالوا صعبه بس بصراحه الي خاف وذاكر حلها..
بينما الي ذاكر بدون ما يخاف ما حلها :smile: الي خايف يذاكر من صميم قلبه ويعيد ويزيد ويبحث بين السطور.

فيه ناس بيجون يقولون ليش تخوفينا ويبدأون دراما المرهفين :41jg:
ترى في دفعتنا ناس قالوا انتوا سلبيين وتخوفونا ، في الأخير حلينا لأننا خوفنا أنفسنا :41jg:
مب سلبيين بس من خاف سلم .. بدل ما نذاكر مذاكره عاديه بعدين نفتح موضوع الانطباع ونبدأ نتحسب ونبكي..

ايه تخصصكم انجليزي وموادكم تبدأ تصعب وش متوقعين؟ مفكرين تخصص انجليزي بيكون a b c d e f ؟
والمستويات الي بعدها a = Apple؟
طبيعي الواحد يتعب وينهار شويات، كذا الواحد يتلذذ بنجاحه..

فكرة المادة.. مفهوم الترجمة ومفهوم النظرية .. تعريفات كثيره في المحاضرتين الأولى .
بعدها تعدادات ..
مثلا ً عملية الترجمة لها عناصر أساسيه (اللغة المصدر - النص المصدر-المترجم-النص المترجم-لغة الترجمة-اللغة الهدف)
تحت كل عنصر تعدادات ومعلومات اوكي؟
مثلا ً المترجم مذكور تحته أنه ( أهم عنصر بعملية الترجمة ) <-- موضع سؤال..
و النص المصدر هو (الخطوة الأولى في عملية الترجمة ) <--- موضع سؤال..
وهكذا.. في النهايه من محاضره 7 و وراها تصير دروس منطقيه مفهومه.. الترجمه في الاسلام وهكذا.
بس دققوا في تعاريف ومصطلحات syntax - morpheme و أبعاد الجرامرز وهكذا..
الي يذاكر بيعرف فين يلاقيها إن شاء الله..
هالماده لاااااااااااااااااازم لااااااااااااااازم تذاكرونها قببلللللللللللللل الاختبارات ؟
والله العظيم تندمون لو ما ذاكرتوها قبل..
لو ذاكرتوها قبل تصير أسهل وما راح يضيع تعبكم في المذاكرة، وتجيبون A+ إن شاء الله

أسئلة دفعتنا + الانطباع عن الاختبار

شيء ممكن يفيدكم في المذاكره، بعد كل درس تذاكرونه صم صم صم ، تفتحون الكويز الخاص بالدرس
وتختبرون أنفسكم ، هالشيء يرسخ المعلومات.. وممكن تخلونها بعد كل درسين ..

الكويزات ( هنا )

وهذا موضوع تجمعنا ، الصفحه الأولى مفيده لكم ( هنا )

https://lh3.googleusercontent.com/-m...Wog1qip80b.gif

Essay / المقال
د. أحمد السقوفي

دفعتنا كانت أول دفعه يمسكها..
أسئلته كانت سهله بس ما عرفنا اسلوبه وكان رافض يعطينا أمثله أو أسئلة مراجعه علشان نعرف.
فلو هو الي بيمسككم احشروه في زاويه وخذوا منه أسئلة مراجعه على الأقل.

الماده عن كتابة المقال ، أجزاءه وشروطه والأمور الي تساعد في كتابة مقال ناجح.
ماده جميله وممتعه..

( انطباعنا عن الاختبار وتلخيص عن بعض الأسئله الي تذكروها "حماااده" والأعضاء بعد الاختبار )

https://lh3.googleusercontent.com/-m...Wog1qip80b.gif

Phonetics and Phonology / الصوتيات والنظام الصوتي
د. محمود السلمان

الماده اخذتوا عنها نبذه بالمستوى السابق..
طريقه مذاكرة الماده وكم قسم فيها : هنا

مشاركات أفادتنا في المذاكرة ( هنا )
هالماده ما فيها الصعوبه الي تتوقعونها.. تفهمها تحل، التعاريف موجوده في البارت الأخير من الماده بالذات.

https://lh3.googleusercontent.com/-m...Wog1qip80b.gif

The Rise of Novel / ظهور الرواية
د. محمود الأخرس

ماده أدبيه حلوه.. الي عارفين قصه روبنسون كروزو والي لغتهم الانجليزيه تساعدهم يذاكرون بدون
ملخصات مترجمه راح ينبسطون على هالمادة.
الجزء الأول منها يتكلم عن الأدب الانجليزي في ق18-19، عوامل نشأة أدب الرواية وعناصرها وأنواعها.
بعدها الجزء الثاني من المنهج يسرد لك قصه روبنسون كروزو .

https://lh3.googleusercontent.com/-m...Wog1qip80b.gif

English Literature of the 17th century / الأدب الانجليزي في القرن 17
د. الشناوي .. المفضل عندنا :16.jpg: دكتور زي العسل

ماده أدبيه كمان.. المحاضرتين 1-2 اختصرتها بشرح يسهل حفظها ( هنا )
بعدها تدخلون في محاضرات 3-4-5-6 الكاتب ميلتون وملحمته "الفردوس المفقود" تتعمقون في بعض تفاصيل القصه.
بعدها 7-8-9 عن قصيدتين وشرحها ..
لما تخلصونها تدخلون لآخر جزء في المنهج 10-11-12-13 دراما "All for love"
قصه طويله الي يقرأها بفهم يحل أي سؤال يجيه إن شاء الله. وكذا تنتهي المادة.
شرح كارزما لهالقصه ( هنا ) وبعدها ( هنا )

https://lh3.googleusercontent.com/-m...Wog1qip80b.gif

Speaking Skills / مهارات التحدث

للأسف ما أخذت هالماده بس حسب كلام الأعضاء أنها تعتمد على القواعد.
ولأنها سهله أجلتها ، ما يكفي عدد الساعات لهالمستوى أنك تاخذ كل المواد..

https://lh3.googleusercontent.com/-m...Wog1qip80b.gif

قضايا ثقافيه معاصرة
د. محمود صالح

هالماده دينيه ثقافيه، الدكتور دقيق في أسئلته ومادته معلوماتها كثير يعني تتذاكر مرتين علشان ترسخ.
تقدرون تذاكرونها مره إذا بتعطونها أيام تكفي بما أنها أول ماده، بس لازم مراجعه بعدها ، المهم مذاكره دقيقه

https://lh3.googleusercontent.com/-m...Wog1qip80b.gif

الحضارة الاسلامية
د. محمد جودة

مادة تتكلم عن انجازات المسلمين في العلوم.
ممتعه وحلوه بس فيها علماء كثير و أسماء كتب.
بس عن نفسي تركتها ليومها.. ذاكرت الملزمه كلها وبعدها فتحت أسئلته السابقه والحمد لله مشى الحال.

https://lh3.googleusercontent.com/-p...OHB1qip80b.gif

موفقين يارب، المستوى هذا كان أمتع مستوى بالنسبه لي، حبيت المواد سواء أدبيه أو غيرها

لا تحسبن المجد تمراً أنت آكله.............لن تبلغ المجد حتى تلعق الصبرا

.................................................. .................................................. ....................الصبر:الدواء المر وقيل نبات طعمه يجيب القلب