|
قصتي مع نموذج الانترشب
السلام عليكم
يا جماعه هذي قصتي للتسجيل في كورس الانترشب للصيفي الجاي بدايه يوم سمعت عن بدأ تسجيل للانترشب على طول رحت لمكتب التسجيل علشان أعبي النموذج وبعدين قالولي لازم تاخذ توقيع من الدكتور هشام أبو المجد وكل عاده ماحصلته في المكتب وجيت اليوم الثاني لمكتب الدكتور هشام أبو المجد وقالي لا زم تروح أول للدكتور نهاد ساق الله علشان تاخذ توقيع منه وبعد كل هذا جيت له وقالي مايصير تسجل في الانترشب لأنك مخلص 78 ساعه بس وهو لازم تكون مخلص 86 ساعه مع العلم أني مع هذا الفصل راح اكون مخلص 96 ساعه وبعدين قالي الدكتور هشام أبو المجد روح لمكتب أمين علشان يحل لك الموضوع وبعدين تعال لي ولحد الحين ما خلص موضوعي شنو رايكم في مشوار صار له يومين وللحين ما خلص علشان تسجيل كورس واحد؟ |
رد: قصتي مع نموذج الانترشب
انشالله موضوعك بسيط
روح عند أمين يعطيك الموافقة لأنو بيتأكد انك تخلص 96 ساعة السيمستر الجاي و بعدها على مكتب نهاد تراه حبيب جدا و بيعطيك الموافقة على طول و يبقالك هشام مو لازم حتى تقابله, عطها السكرتير حقه يخلص لك امورك معاه و بيرسل لك مسج اذا كل شئ خالص و بعدها ترجعله و معاك الــcv حقك و تعبي ورقتين زيادة عنده تكتب فيهم الشركة الي تبي تروح لها, يعطونك 3 خيارات تعبيها بالترتيب و كذا انشالله الباقي على الجامعة الا اذا انت مضبط مع شركة تبي تدخلها,كذا لازم تنسق مع الدوسري الي مكتبه جمب أمين على انه يكلم الشخص الي انت مضبطه في الشركة الي بتشتغل فيها و هم بيسوون الباقي و وضعك في السليم :) |
| All times are GMT +3. الوقت الآن حسب توقيت السعودية: 10:55 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام