|
محتاج مساعدتكم.
اولاً : السلام عليكم ورحمة الله وبركاته.
ثانيًا واللي هو زُبدة الكلام: أنا طالب ثانوي خريج هالسنه وأفكر بهالكلية وحاط ببالي تخصص طب طوارئ.. وتنطبق علي الشروط لكن عندي كم سؤال مالي غيركم بيفيدني! كيف الكلية؟ من ناحية الدراسه والدكاترة؟ واللغه؟ صعبه ام سهله. والقبول فيها صعب او واسطات؟ وهل لها مستقبل من ناحية الوظيفه سمعت بعد التخرج فيه شرط اشتغل اربع سنوات بالمكان اللي يحطوني فيه صح؟ وكم رواتبها؟ وتنصحوني فيها او لا؟ ومشكورين.. كثرّت بالاسئله المعذره. الله يسعد كل من يجاوبنّي ويساعدني❤️. |
رد: محتاج مساعدتكم.
17 شخص شاف الموضوع ولا فيه رد!!! مب ناقصكم شيء ترا.
|
رد: محتاج مساعدتكم.
والله ياخوك فيصل انا مثلك وخريج هالسنه وحاط عيني على هالكليه من زمان لاكن اسمع وانا اخوك
الكليه لو انقبلت فيها بططططططططططططططله يكفيك ضمان وظيفي بعد م تتخرج وغير كذا مو بااي مستشفى بمستشفيات القوات المسلحه عاد خذلك رواتب وبدلات وحاجات زينه دكاتره ولغه وكل شي فيها بطل غير كذا فيها سكن للي مو بالظهران ومكافئة شهريه 1000ريال ونظام الكليه مره تمام والكليه مكانها بمستشفى الملك فهد ع مااظن مجمع يضم ميتشفى وكليه وكذا يعني م راح تطفش.. وعسانا ياخوك ننقبل ونسكن سوا هههههههههههههههه |
رد: محتاج مساعدتكم.
عشان كذا انا افكر ادخلها والله!
افضل من الجامعات.. اللي ماتدري وين مستقبلك رايح وهل مضمونه الوظيفه ولا. اللهم آمين:d |
رد: محتاج مساعدتكم.
انا طالبه من نفس الكليه ولمن نقول عسكريه عسكريه بمعنى متشددين مره وقويه
انصحكم فيها صراحة والحمدلله لازم نتعب ونجتهد ما يجي شيء بالساهل واي اسئله انا حاضره �� |
رد: محتاج مساعدتكم.
السلام عليكم . كلنا بالهواء سوا ي خي . انا ان شاء الله بكون من خريجي الثنويه هالسنه . وان شاء الله يتم قبولنا فيها . وافكر فيها من ثلاث سنين . وصراحه الكليه عاجبتني . وان شاء الله للمره الثانيه ننقبل فيها . الزبده لو انقبلتو خلونا نتقابل :d
|
رد: محتاج مساعدتكم.
الله يوفقكم ي شباب لكن اذا انقبلتو بإذن الله حطو في بالكم ان عدد الطلاب راح يكون كبير جدا والمنافسة على التخصصات بتكون كبيرة واذا ما شديتو حيلكم من بداية السنة بتروح عليكم التخصاات . وفالكم التوفيق يارب |
رد: محتاج مساعدتكم.
حتى انا خريجة هالسنه والجامعه في بالي :16.jpg:
من ناحية الجامعه احسها ممتازه لكن للآمانه ماسآلت يعني مع اني لما اقرا عنها اشوف كثير ينتقدون وحالتهم حاله :icon9: عموماً مافي شي كامل كل مكان فيه الشين والزين لذلك ان شاءالله انها سهالات الله ييسر لنا ولكم القبول :16.jpg: |
رد: محتاج مساعدتكم.
وعليكم السلام .. مراحب اخوي
إذا معدلك حلو وملم بالدراسه اكثر وقتك إن شاء الله يكون لك نصيب بالقبول .. وبرضوا الواسطة لها دور في حال معدلك نازل .. والامور جدآ ممتازة بالكليةة .. بس تحتاج الى جهد ومتابعه بشكل شبه يومي والله يوفق الجميع .. إن شاء الله ! |
| All times are GMT +3. الوقت الآن حسب توقيت السعودية: 09:13 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه