|
إستفسار بخصوص التصنيف لقسم علم إجتماع ")
السلام عليكم ورحمة الله وبركاته .. :g2:
مبروك للخريجين والخريجات والله يوفقنا ويااكم :34:❤ حبيت استفسر عن التصنيفات لقسم علم اجتماع ؟ اذا ابي أكون بمسمى اخصائي اجتماعي ! سمعت ان فيه دوره اخذها ومدتها 3 شهور بأي مستشفى أبي .. وغير كذا كيف أسجل و اقدر ادخلها بسهوله ولا فيه شروط وهل فيه إنجليزي المخنز ولالا :verycute: ااااي وبعد اذا أخذت التصنيف اقدر أستفيد منه باي مجال ؟ ولا لازم بمستشفى ! تجاهلو اذا فيه طلاسم داخله من تلفون :biggrin: والله يجزاكم خير :icon19: اللهم صَلِّ وسلم على نبينا محمد ، |
رد: إستفسار بخصوص التصنيف لقسم علم إجتماع ")
وعليكم السلام ورحمة الله وبركاته هلا بك سدومه ..راح انقل لك تجربة خواتي لأنهم يشتغلون بالمجال الصحي بالأول تاخذين دورة cpr الانعاش القلبي الرئوي من أي مستشفى ومدتها تقريبا ساعة وبعد مايعطونك شهادة الدورة تاخذينها + الوثائق المطلوبة شهادة التخرج وبطاقة الهوية مع الصور وتروحين لهيئة التخصصات الصحية بمنطقتكم تقدمين لهم اوراقك ثم يحدوون لك المستشفى اللي راح تتدربين فيه مدة التدريب بالنسبة لعلم الاجتماع اللي سمعته ان المده 3 اشهر ويوجد رسوم 3000 الاف مادري عن صحة هالكلام بعد التدريب فيه مقابلة شخصية + اختبار <<مادري ينطبق هالكلام ع تخصصنا اولا :( لأني للحين ماقدمت ع التصنيف بالنسبة للوظائف اللي اعرفه ان التصنيف مطلوب للعمل بالمجال الصحي كـ أخصائية اجتماعية غيرها للاسف ماعندي علم اطلعي ع هالموضوع وإن شاء الله يفيدك http://www.ckfu.org/vb/t611424.html موفقه :icon1::icon1: _ |
رد: إستفسار بخصوص التصنيف لقسم علم إجتماع ")
ي مرحبا فيك عطر الحياه .. ولاهنتي ي عيني :icon19:
طيب سمعت اني آقدر اخذ الدوره قبل الوثيقه ؟؟ يعني مو شرط بوثيقتي اتدرب ومادري هل هذا صحيح ولالا ويعني بس مجالي بيكون بالمجال الطبي ؟ ماستفيد منها بشيء ثاني ودوام التدريب صباحي او مسائي وكم ساعه :/ ووش تنصحوني اقدم ولالا محتاره للآن آخاف ماستفيد منها :( |
رد: إستفسار بخصوص التصنيف لقسم علم إجتماع ")
ان شاء الله يفيدونك الاعضاء
موضوع مهم . |
رد: إستفسار بخصوص التصنيف لقسم علم إجتماع ")
يوجد اخصائيين اجتماعيين بوزارة الشؤون الاجتماعيه بس ما يحتاجون التصنيف بالوقت الحالي لانهم علي السلم العام ولم يتم تحويلهم للكادر الصحي لان ما يطلب التصنيف الا للي يعمل بالكادر الصحي ووزارة الشؤون الاجتماعيه كما سمعت انها في صدد تحويل الاخصائيين من السلم العام الي الكادر الصحي وبهذا راح يطلب منهم التصنيف
|
رد: إستفسار بخصوص التصنيف لقسم علم إجتماع ")
هلا سدوم
كلام عطـــــر 100% وهذا الي صار معي ابالنسبة لي لتدريب من شهر انتظر موعد لاكتمال عدد المتدربات :(269): كلمة اخصائي لا تكون الا في الكادر الصحي والدوام صباحي ويكون بالاتفاق مع الاخصائية الي تدرب بعدد الايام في الاسبوع ممكن الاسبوع كامل او تحدد لك ايام معينه طبعا هذا كله لازم بشهادة التخرج وبالنسبة لنصحيتي : اقولك توكلي ع الله وباذن الله ماراح تندمي في بعض العوائل ترفض هذا الشي بحكم انه في المستشفى !!! اذا عادي عنك اول ما تستلمي تو كلي ع الله وقدمي ع التدريب لانه مو طول السنه الهيئة تقبل متدربين يعنى كان قبل شهرين ماضي موقف وراجعوه من شهر |
رد: إستفسار بخصوص التصنيف لقسم علم إجتماع ")
سنديان حبيبتي بس لو تكرمتي
اخذتي شهادة السي بي ار ولا بس رحتي بالوثيقة وانتي بأي منطقه لاني سمعت حسب المنطقه اللي انتي فيها بعضهم مايطلبون دورة الانعاش |
رد: إستفسار بخصوص التصنيف لقسم علم إجتماع ")
اقتباس:
لكن أثناء التدريب ممنوع بإذن الله أخذها بعد التدريب |
رد: إستفسار بخصوص التصنيف لقسم علم إجتماع ")
طيب سنديان ليش ماتاخذين الدوره قبل دام الوثيقه ماراح تصدر الا بعد شهرين يمدي ناخذ شهادة الدوره وبعدين التدريب
|
رد: إستفسار بخصوص التصنيف لقسم علم إجتماع ")
اقتباس:
المشكلة في التحديد للبدء ف التدريب هو السبب يعنى مو تروحي ع طول تبدئي لازم عدد محدد من المتدربين ولازم المستشفى يقبل يعنى جلست أسبوع كامل عشان الأوراق من موقع آلى الاخر وكذا ومكتب النساء يقولو ابدئي وقسم الرجال يقولو لا لازم قبول المستشفى والتنسيق معهم طبعا ف النهائية قسم الرجال كان الصح عشان كذا قالو عادي خليها أخر يوم بعد التدريب ما يأثر ابدا |
| All times are GMT +3. الوقت الآن حسب توقيت السعودية: 08:16 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه