ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   مركز شمال الرياض-2بنات من جدهم !!! (https://vb.ckfu.org/showthread.php?t=683932)

ghada fahad 2015- 5- 18 02:13 AM
مركز شمال الرياض-2بنات من جدهم !!!
 
السلام عليكم ،،بصراحة ما ادري وين احط الموضوع بس قلبي بينفقع من الي صاير
مركز المصيف الي اجباري الجامعة اختارته لنا مدرسة اهليه لاولاد ابتدائي اصلا مدري كيف صارت اهليه لو حكومية سكروها مقرفه لدرجة مو طبيعيه والي قهرني اكثر الكراسي صغيرة مرره حقة اطفال والله طول الاختبار ظهري ينكسر احس كاننا مجانين منظرنا يضحك بنات كبار جالسين على كراسي اطفال ؟؟وين ؟؟

والي يغبن اكثر مكيف يصب مويه بشكل تقولون فاتحين شاور بالفصل بصراحة انا مرره منقهرة من سوء المكان لا نظافة ولا ريحه شي مرعب كانها سجن :(177):
:017:

تركي العياش 2015- 5- 18 02:22 AM
رد: مركز شمال الرياض-2بنات من جدهم !!!
 
الله يكون بعونكم

خاطبي الجامعه

س,الشهري . 2015- 5- 18 02:41 PM
رد: مركز شمال الرياض-2بنات من جدهم !!!
 
راح تفتح معك أيقونه بعد الأختبارات عن مدى رضاك عن المركز وطلعي إللي ب قلبك :3:.

SOZA 2015- 5- 18 06:57 PM
رد: مركز شمال الرياض-2بنات من جدهم !!!
 
المدارس الاهليه فخامة وسبيلت وعلوم طيبه

Shade 2015- 5- 18 08:06 PM
رد: مركز شمال الرياض-2بنات من جدهم !!!
 
حنا مثل وضعك
ودايم اقيم المدرسة بشكل سيئ تماما
المصيبه جنبها مدرسه فخمه وجديدة ونظيفه ماخذوها !
ياخذون لنا هالكحيانه

~ شمآلي ~ 2015- 5- 19 01:16 AM
رد: مركز شمال الرياض-2بنات من جدهم !!!
 
وعليكم السلام ..

ادخلي على أيقونة "تقيم مركز الاختبار"

تحصلينها فاتحه الحين .. واكتبي كل العيوب وطلعي اللي بقلبك ..
وان شاءالله يتعدل الوضع

بالتوفيق

تاج راسي امي 2015- 5- 19 12:59 PM
رد: مركز شمال الرياض-2بنات من جدهم !!!
 
ليش من حقها تطلب مكان تختبر فيه زي الناس

يعني قاعه مكيفه عشان تركز

هذا اختبار يحدد مستقبلها بعد الله و الجامعه حطت ايقوانه بالخدمات لهذي المشكله يعني معترفه الجامعه انها من حقوقها

اي دلع لمن تطلع من قاعتك و انت مكتوم و حر و بيغمى عليك

و لا تطلع بالام بجسمك

-PEARL- 2015- 5- 19 02:24 PM
رد: مركز شمال الرياض-2بنات من جدهم !!!
 
هآنت يا أختي خلصنا اختبارات :biggrin:
المره الجايه غيري المركز :tongue:

نهروان العبدالله 2015- 5- 19 02:24 PM
رد: مركز شمال الرياض-2بنات من جدهم !!!
 
عزيزتي صاحبه الموضوع عندك ايقونه بالخدمات الطلابيه تقييم مركز الاختبار او تواصلي مع الفريدان ولك اللي يسر خاطرك :g2:

عازف الكلمه 2015- 5- 20 03:16 AM
رد: مركز شمال الرياض-2بنات من جدهم !!!
 
اقتباس:
المشاركة الأصلية كتبت بواسطة ghada fahad (المشاركة 12419880)
السلام عليكم ،،بصراحة ما ادري وين احط الموضوع بس قلبي بينفقع من الي صاير
مركز المصيف الي اجباري الجامعة اختارته لنا مدرسة اهليه لاولاد ابتدائي اصلا مدري كيف صارت اهليه لو حكومية سكروها مقرفه لدرجة مو طبيعيه والي قهرني اكثر الكراسي صغيرة مرره حقة اطفال والله طول الاختبار ظهري ينكسر احس كاننا مجانين منظرنا يضحك بنات كبار جالسين على كراسي اطفال ؟؟وين ؟؟

والي يغبن اكثر مكيف يصب مويه بشكل تقولون فاتحين شاور بالفصل بصراحة انا مرره منقهرة من سوء المكان لا نظافة ولا ريحه شي مرعب كانها سجن :(177):
:017:
احنا كنا في مدرسه اهليه جداً راقيه نظافه واضاءة وتكييف عال العال

العام في المستوى الاول بدلوه بمدرسه متهالكه مدري يبونا نبنيها لهم والا بيختبرونا فيها المهم اعترضنا وتكلنا مع مدير المركز والمراقبين
وراسلنا الفريدان
احنا ندفع فلوس ما جينا ببلاش تحطونا في اماكن كانها زرايب حيوانات رجعونا للمركز الاول
وفعلا المستوى اللي بعده رجعونا للاول واستمرينا فيه
لازم تتكلومن وتعترضون
احرقوا المنشن حق الدكتور الفريدان واكتبو في الايقونه حقت التقييم وراسلوا الجامعه
معكم العطله كلها احرقوهم بالرسايل

ندفع فلوس واخرتها اماكن قذره
بعدين وين الوزاره عن هالزريبه الي حاطين فيها اطفال ابرياء حسبي الله عليهم ونعم الوكيل

ليتك صورتيها ونهشتقها لعلها توصل للمسئولين وتوصل لوسائل الاعلام خلهم يأدبونهم


All times are GMT +3. الوقت الآن حسب توقيت السعودية: 03:34 AM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه