|
مذاكرة الاحصاء / والاختبار بكره
السلام عليكم ورحمة الله وبركاته
أخواني صارلي من العصـر ابي اذاكر المادة هذي مو قادر اذاكرها والاختبار قرب باقي اقل من 20 ساعه المشكله فيه ملخص طويل جداً وللأسف حنا عندنا دوام ومتزوجين ومايمدي علينا نذاكر اشياء طويله حيل أول مره من دخلت الجامعه تمر علي ماده ما احصل لها ملخص مبسط أو ملخص عباره عن اسئلة شامله مع الشرح مو معقوله محد عنده طريقه ، يعني الماده مو جديده وفيه دفعات كثيره قبلنا أختبروها يعني معقوله كل الدفعات الي قبل مثل دفعتنا هذي !!! بصراحـه فيه ناس هنا بالموقع معنا مساعديننا كثير الله يجزاهم خير ، حتى استاذ الماده ( د.ملفي ) اتصلت على جواله مغلق وارسلت له بالواتس وللاسف مايرد . ساعدوننا الله يجزاكم خير مو معقوله مافي ملخص كويس او ملخص عباره عن اسئلة شامله للمنهج حتى الاسئلة الي عباره عن 50 سؤال محد قدر ينزلها بملف مع الشرح !! الحقـو علينا ياجماعه |
رد: مذاكرة الاحصاء / والاختبار بكره
وعليكم السلام ورحمة الله وبركاته
تعوّذ من الشيطان وإن شاء الله ربك يبي ييسرها فيه كويز فيه تقريباً 20 سؤال حاول أنك تراجعه وتحفظ بعض الأمور وكذلك تعال هنا فيه بعض الشباب شارحين بعض الإسئله http://www.ckfu.org/vb/showthread.php?t=683484 الله يوفقك إن شاء الله وتعدي الماده .. |
رد: مذاكرة الاحصاء / والاختبار بكره
الاسئلة متكرره و لا معطين فرصة احد يشرح لهم كل الاسئلة ياليت احد يجمعها بملف واحد<
|
رد: مذاكرة الاحصاء / والاختبار بكره
أبو ثنى
أخوي ماعليك أمر السؤال الأول الي طريقة جوابه يقولون shift 1 5 3 ويطلع الناتج ؟؟ وشلون ضغطت شفت بعدها واحد وبعدها خمس وبعدها ثلاثه مايطلع شي وشلون طلع محتاجين شرح للاسئله الله يرحم شيبانكم |
رد: مذاكرة الاحصاء / والاختبار بكره
اقتباس:
وعليكم السلام اول شي كيف الاداره الماليه. دايم تسوي زحمه اخر الوقت الله يصلحك :71: بعدين هذا الرابط منتاز ادخل عليه وبتنخل نص القضيه. اما نصيحتي امسك اسئلة الاختبارات اللي نزلها الدكتور. وافتح ملخص الدفعه الماسيه. ودور على السؤال في الملخص بتلقاه وبتعرف الطريقه. بس لازم تكرر العمليات عشان ترسخ http://youtu.be/glUHUZwx8bQ |
رد: مذاكرة الاحصاء / والاختبار بكره
هلا أخت منيـره ياهـلا مليون والله
وينك ياشيخـه اليوم كتبت لك وقعدت امدحك واشكرك والله أقسم بالله يـ أختي ان بالاداره الماليه الفضل لله ثم أنتي ، والله العظيم أني طلعت من الأختبار وركبت السياره وجلست أدعي لك والله أني دعيت لك بظهر الغيب وانا بالسياره أن الله يوفقك وين ماتروحين والله يسهل عليك كل امورك ياشيخـه كانت الماده مقفله بمخي لين جيتي أنتي وفتحتيني على شي ماني فاهمه وسهلت الماده علي المهم بأذن الله الاداره الماليه a بفضل الله ثم بفضلك بس أختي الحقي علينـا والله اني بلشـان بعدين وش اسوي يـ أختي متزوج جديد ودوام ومانلحق الا ع اخر الوقت ، افزعي لنا يالذيبـه |
رد: مذاكرة الاحصاء / والاختبار بكره
اقتباس:
الله يجزاك خير على كل دعوه ولك با المثل. شوف الرابط وطبق معاه بيساعدك كثير واي شي ثاني اطرحه. وبنساعد بعض ان شاء الله |
رد: مذاكرة الاحصاء / والاختبار بكره
أنا مابي اذاكر شي ابي اذاكر الـ 50 سؤال الي نزلهم استاذ الماده والجزء النظري
لكن السؤال الأول الي بـ 50 سؤال معطيني جدول ويبي معامل الارتباط الخطي لبيرسون وشلون اطلعه أنا الحاسبه الي معي casio fx-991ES |
رد: مذاكرة الاحصاء / والاختبار بكره
اقتباس:
طيب قلت لك شوف الرابط فيه الطريقه وفيه طرق الاسئله الثانيه بعد |
رد: مذاكرة الاحصاء / والاختبار بكره
حبايبي شوفو هالرابط .. انا ذاكرت منه ثلاث اسئلة مرهـ سهل علي المذاكرة ـ الله يجزاه خير ـ صدقوني ركزو فيها راح تحلون 15 سؤال بالراحة .. ركزو زين والله سهله .. وطبقوها كم مرهـ وراح تجي سهله شفتكم تايهين .. وانا كنت تايه مثلكم بس عطيت نفسي شوية تركيز وبديت أخذ من هنا ومن هنا وجمعت لي معلومات حلوهـ لا أنسى الجميع هنا صراحه يفيدونا بأشياء تفيدنا .. وحبيت افيدكم بالشي هذا وحملوهـ وأمشو حبة حبة بالأله الحاسبة .. http://www.ckfu.org/vb/showthread.php?t=683293 دمتم .. |
| All times are GMT +3. الوقت الآن حسب توقيت السعودية: 11:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه