مشكلتي في مركز الاختبار *للفائدة*
 

السلام عليكم ,,

دفعتي الجميله , اتمنى لكم التوفيق فيما تبقّى من الاختبارات وفالكم الـ a+
حصلت لي مشكله أمس في اختبار تاريخ الخليج العربي الحديث , في مركز حي الدوحه في الظهران .

دخلت الاختبار وبعد تعبئة البيانات فتحت ورقة الاسئلة وجاتني حالة إحباط الاسئلة غريبه علي فتوقعت ان الدكتور جايب من بين السطور خصوصا انها متشابهة نوعاً ما مع اسئلتنا .

بعد دقايق من الإحباط وخلاص فقدت الأمل وعرفت ان الرسوب في المقرر قرّب . وقعدت افكر ان اخمن واسلم الورقه وخلاص اسلم أمري لله .

عدت عشر دقايق وانا افكر , وبعد مابصمت على الورقة اكتشفت ان الماده ( تاريخ اليونان والرومان ) ! لتخصص تاريخ .
ولما ناديت المراقبة تقول لي زين انك ركزتي قبل تحلين !! > طيب أنتي وش دورك عزيزتي انك ماركزتي وانتي توزعين النماذج ؟ مع العلم ان القاعه كلها كانت تختبر تاريخ الخليج العربي !
ف تخيلو لو ربي عمى على قلبي وحليت اي كلام وسلمت ؟ وقتها من المسؤول ؟

لذلك انتبهو قبل تبدون في الماده ركزو بأسمها لان اختكم بغت تاكلها امس ووربي سلّم .

وشكراً :(96):

رد: مشكلتي في مركز الاختبار *للفائدة*
 

ههههههههههههههههههه من جد موقف صعب بالبدايه ..

الكويس انك ما ضاع اللي ذاكرتيه من الاحباط ,

رد: مشكلتي في مركز الاختبار *للفائدة*
 

الحمدلله ربّي سلم . :sm1: منكم لله يامركز الظهران