ملتقى طلاب وطالبات جامعة الملك فيصل,جامعة الدمام - استفسار عام مركز شمال الرياض 2 بنات !! مركز والا حوش ماشية !! للأسف

- إدارة أعمال 8 (https://vb.ckfu.org/forumdisplay.php?f=419)

- - [ استفسار ] مركز شمال الرياض 2 بنات !! مركز والا حوش ماشية !! للأسف (https://vb.ckfu.org/showthread.php?t=679859)

مركز شمال الرياض 2 بنات !! مركز والا حوش ماشية !! للأسف

السلام عليكم
كتبت للدكتور الفريان بالتويتر وارسلت بموقع الجامعه عن انطباعي عن الاختبار لاني مالقيت ايقونة الملاحظات عن مركز الاختبار

ماادري وش اقول

انا كنت كل ترم امتحن بمركز المصيف مدرسة حكومية كانت جيدة ومريحة
الترم هذا تغير المركز مع اني ماغيرت اي بيانات لي هي نفسها
تم وضعي بشمال الرياض 2 بمدارس المنار الاهليه !!

اليوم اول امتحان عندي
دخلتها بالضبط كني داخله حوش غنم حرفيا !!!!
الساحة ضيقة والمكان مظلم اضاءته سيئه جدا وعدد الطالبات يفوق حجم المكان

طلعت لقاعة الامتحان هنا الكارثه
الكراسي والطاولات صف ابتدائي او تمهيدي
ولكم تتخيلون كيف جلسنا
الطاولات قصيرة تضرب ركبنا
ولما توزعت الاوراق
متنا من الم رقابنا واكتافنا من الانحناء
غير الكرسي الصغير المزعج
كنت ابي الوقت يمر ابي اطلع تعبت

بالاضافه ان التكييف ماادري هو يشتغل والا يمزح معن
ا ( طبعا كان فيه مراوح بالسقف تسولف مع المكيف:Cry111: )

تبون زود ؟؟
تخيلوا فوق هالوضع
المراقبه عديمة لكل انواع الذوق والادب
والله ماعمري تهاوشت مع احد
اليوم بغيت اتلاقط معها
الطاولة صغيرة ماتساع لورقة الاسئلة وورقة الحل
كل شوي تجيني تقولي دخلي الورقة بوسط الطاولة !

اقولها فوق الظيم ظلايم !!!:017:

قامت طلبت انتقل لطاولة ثانيه

عاد ماراح اضيق صدركم

الطاولة اللي رحت لها اقصر من اللي قبلها :Cry111:

ااخ بس

لازم لازم يشوفون لنا حل والله ماادري كيف بروح لهالمركز مرة ثانيه
والله عيب