|
استفسار بخصوص مراكز الاختبار
السلام عليكم ورحمة الله وبركاته ابغى استفسر عن سبب الغاء مركز الحزم في مدينة الرياض وتحويلنا الى حي المنصورةفي بادئ الامر لما عرفت ان المدرسة اهلية قلت يمكن يبون يدلعوننا ويرفوهننا لكن لما وصلت لمركز الاختبار وشفت الزحام عند المدرسة وحاشرين الناس مع بعض وتسببنا بأذية اهل الحي حيث ان عدد الطلاب فوق الطاقة الاستيعابية لمواقف المدرسة بشكل كبير ويسر الله باني اخترعت موقف في الشارع ومشت الامور . الشي الثاني لما دخلت المدرسة جلست ربع ساعة ادور اسمي و في الاخير ماحصلته قالوا اجل تحصل اسمك في المدرسة الثانية وبالفعل حصلت اسمي ودخلت القاعة وكانت الصدمة حاطينا في حوش وتكييف سيئ وطاولات اسوء من السيئ طبعا مايبي لها كلام صاحب المدرسة حرامي الدخل السنوي بالملايين وطاولات وكراسي مهترئة امحق مدرسة اهلية وامحق دلع . السؤال فيكم احد يدري وش السالفة انا ما ابي احط في ذمتي شي من ناحية الجامعة لكن المنطق يقول هذي صفقة على حسابنا حنا يا الضعوف :017: |
رد: استفسار بخصوص مراكز الاختبار
انا عكسك
المدرسه افضل مما كنت فيه و حاطين امن خارج المدرسه بعدد كبير يرتب المواقف و يمنع الوقوف بنجب بيوت اهل الحي وواضعين مسارات لدخول و الخروج من بداية محيط المدرسه الى اخرها |
رد: استفسار بخصوص مراكز الاختبار
اقتباس:
انا كنت في مركز الحزم سابقاً قريب من البيت وشغل مرتب صالة مغلقة تكييف مركزي طاولات وكراسي ممتازة الان الله المستعان لازم اطلع للاختبار قبل ساعة على الاقل بعد ماكنت ما اطلع من البيت الا قبل خمس دقايق |
رد: استفسار بخصوص مراكز الاختبار
انا اتكلم عن شرق الرياض حي الروابي
انا بالمستوى السابع وجميع اختباراتي بالمستويات السابقة جميعها حكومية ومهيئة للاختبارات ولاستقطاب اعداد كبيره من الطلاب والواقف ووسع الممرات والخدمة جديده كلن الان حدث ولا حرج زحمه في الدرج 15 دقيقة في الدرج حتى وصلت اللجنة ولا توجد مواقف ما اعرف عن سبب تركهم للمدارس الحكومية الله يعجل بتخرجنا الجامعة التعليم عن بعد من مسكها الفريدان وحنا ما شفنا خير تخبط في تخبط |
رد: استفسار بخصوص مراكز الاختبار
اقتباس:
|
رد: استفسار بخصوص مراكز الاختبار
اسئل الله رب العالمين التوفيق و النجاح و الفوز للجميع في الدرين
|
رد: استفسار بخصوص مراكز الاختبار
اقتباس:
|
| All times are GMT +3. الوقت الآن حسب توقيت السعودية: 06:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه