|
فزعتكم ياأخوان
السلام عليكم ورحمه الله وبركاته
وأسعد الله صباحكم بكل خير أخواني وأخواتي صار عندي ضرف طارئ وفاه احد الأقارب ومسافر الآن وماأقدر اختبر وش المطلوب وكيف العمل انا دخلت على ايقونه تأجيل الترم بس اعتقد مااعاد اقدر أأجل . الله يجزاكم بالخير. |
رد: فزعتكم ياأخوان
عظم الله اجركم واحسن الله عزائكم وعساها اخر الاحزان
ماتقدر تاجل حاليا .. ايقونة التغيب بعذر تفتح بعد الاختبارات تقدر ترفق عذر غيابك .. وان شاء الله غيري يفيدك اكثر بالتوفيق |
رد: فزعتكم ياأخوان
الاختبار الي تغيب عنه تجيب فيه عذر لا تاجل اختبر وخلص من المواد الي تقدر عليها افضل
|
رد: فزعتكم ياأخوان
بعد نهاية الاختبارات ارفق شهادة الوفاة و اكتب التغيب بسبب حالة وفاة
وان شاء الله الجامعة يتفهمون موضوعك و يعيدون لك المادة في الفصل التالي بدون رسوم |
رد: فزعتكم ياأخوان
اولا عظم الله اجركم وصبر الله قلوبكم ورحم الله ميتكم وسكنه فسيييح جنات النعيم
ثانيا لووو تقدرر تضغط على نفسك وتحضر يكون افضل كثيررررررررر خصوصا انك بااخر ترم الله يوفقك ثالثا لو مرره مررره مررره تبي تسحب تذكر ان لازم تكون الوفاه من الاقارب اللي بالدرجه الاولى عشان يقبلوه كعذر الله يوووفقنااا ويووفقكم ويرحنا قلوبنااا جميعاااا |
رد: فزعتكم ياأخوان
الله يكتب اجركم ويجزاكم بالخير الوفاه لاخو زوجتي
نهائيا ماقدر اختبر بحكم السفر .. |
رد: فزعتكم ياأخوان
احسن الله عزاكم وعظم الله اجركم بعد الامتحانات تفتح ايقونة تقديم الاعذار
قدم عذرك وباذن الله ينقبل |
رد: فزعتكم ياأخوان
انا اشوف انك تختبر بمركز بالمدينة اللي مسافرلها يكون افضل
الاختبار فترة ثانية ان شاااء الله تلاقي فرصة تختبر اليوم اتصل بالشعيبي وبلغه انك تختبر بمركز ثاني وجرب وعظم الله اجركم |
رد: فزعتكم ياأخوان
عظم الله اجرك واحسن الله عزاكم وغفر لميتكم ولجميع موتى المسلمين
اولا اختبر بمركز المدينه اللي انت رايح لها لاتاجل الترم واذا اخذك الوقت هات عذر من المستشفى وارفقه بايقونة الاعذار بعد الاختبارات وكمل باقي المواد وطبعا اعمل اللي يناسبك اكثر |
رد: فزعتكم ياأخوان
عظم الله اجرك واحسن الله عزاك والله يرحم ميتكم واموات المسلمين
اول شي اذا ماتبي تختبر تجيب عذر وترفقه بعد نهاية الاختبارات وصارت معي المشكله وفاه وقبلو عذري واعادو لي الاختبارات بدون رسوم او انك اذا تقدر تدخل الاختبار بنفس منطقتك الي انت فيها الان واشوف انه صعبه لان صعب تذاكر |
| All times are GMT +3. الوقت الآن حسب توقيت السعودية: 04:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه