ابي مشكورتكم في اختبار الاداره العامه
 

صباح الخير

فيني ضيقه ما يعلم فيها غير ربي
انا صراحه بطيئة في المذاكرة والله لو أقولكم وين وصلت لتجلدوني
ما نمت الا ساعه و أحس اني مانمت متوتره مره
ندمت اني أخذت هذي الماده ماده لتعقيد لا اكثر زيادة كلام على الفاضي
المصيبه اني حتى ما انتصفت الماده هذا وانا اذاكر من امس الصباح
الترم اللي راح ما حضرت اختبار بحوث الاعمال ومعدلي تأثر
و صراحه ودي ما احضر الاختبار هذا

ابي مشورتكم .

رد: ابي مشكورتكم في اختبار الاداره العامه
 

صباح النور

انتي معك 30 درجة للمشاركات والواجبات وتبقى 30 درجة يعني 22 سؤال .... ما اتوقع انها صعبه باذن الله فتفائلي بالخير .. واطمنك فيه كثير من المواضيع سبق درسناها واصعب من هالدكتور في الادارة كانت مع الدوغان وتعتبر معلومات مكرره ... توكلي على الله وصلي الفجر ونامي كويس وان شاء الله بنعديها جميعا ... الله يوفق الجميع (والنصر مهزوم باذن الله ) :d

رد: ابي مشكورتكم في اختبار الاداره العامه
 

صبآح الورد ..
وأنا رأيىء من رايه توكلي على الله ونامي وقومي بعد 5 ساعات وكملي مذاكره وربي بييسر إن شاءالله ..
تفائلي وأنا متفائله خير بهالماده ..
ولمعلوماتك توني ماخلصت أذاكر من ملازم المنادي الله يجزاه خير مرا شي يفتح النفس :004:

وفالنا التوفيق بإذن الله :106:

رد: ابي مشكورتكم في اختبار الاداره العامه
 

الله يفرج عنك الضيق ويسعدك اولاً

ثانياً كيف تذاكري قبل الاختبار بيوم وتحكمي على الماده بانها معقده ( سبحان الله )
الماده جداً ممتازه ومفيده وممتعه للي يفهمها ،

كيف ما تحضري الاختبار !؟ يعني تقدري تجيبي عذر !؟

عموماً حاولي تفهمي الماده في وقت ولو بسيط

الله يوفقك والجميع يارب


(( لكل مجتهدٍ نصيب))

رد: ابي مشكورتكم في اختبار الاداره العامه
 

قلبي مو مرتاح اني احضر و قلبي يوجعني على معدلي إذا ما حضرت أنا والله بين نارين انا حتى ما خلصت المحاضره 4
فوق هذا كله عندي الاثنين والثلاثاء اختبار

ومشكور اخوي و إن شاء الله النصر يفوز:41jg:

رد: ابي مشكورتكم في اختبار الاداره العامه
 

تنبيه!!

(( لو تحذفين شعار النصر تظبط امورك بإذن الله ))

رد: ابي مشكورتكم في اختبار الاداره العامه
 

اما خمس ساعات تبين تجلطيني انتي :verycute: والله مدري وش اقول الماده غثيثة بالنسبه لي

رد: ابي مشكورتكم في اختبار الاداره العامه
 

المشكلة اني فاتحته قبل بس مو مذاكره من قلب ، حسيت انها تضيّع شوي
الوقت بالنسبه لي سريع مرررره ، انا ابي اعرف اي متعه في الماده ، الماده فيها حشو والله ما تذكرني الا بنظم المعلومات
بعدين انا ما اقدر افهم الماده في وقت بسيط
امين

رد: ابي مشكورتكم في اختبار الاداره العامه
 

خل النصر على جنب هذا همه اكبر من الاختبار عندي ، الله يوفقه يارب ، اترك النصر عنك لا يقفلون الموضوع

رد: ابي مشكورتكم في اختبار الاداره العامه
 

طيب وش رايكم في ملخص نايف ، يفك زنقه ، انا ياخوفي انصدم بالأسئلة اذا رحت للإختبار
بحوث الاعمال ما قررت اني ما اروح للإختبار الا قبل الاختبار بكم ساعه وصار الإختبار صعب ��
انا ندمت ندمت ندمت اني أخذت ست مواد انا إنسانه ما أحب الضغط وضغطت على نفسي
بس وش اقول غير قدّر الله وما شاء فعل