|
تبي تنجح حياك
السلام عليكم ورحمة الله وبركاته
اتمنى ان يكون الجميع بخير وسلامه وان شاء الله تكون النفسيه عال العال مع المذاكره عندي ملاحظه ومن باب الامانه حبيت اوصيكم عليها للمصلحه العامه ,, ارجو من الجميع اثناء عملية الانطباع لايذكر ولا يحدد نوعية الاسئله هل هي مكرره والعكس يعني بالعربي لايقول ماشاء الله نسخه او يقول ماشاء الله فتي كبي او يقول شالها من الفصل اللي فات وحطها زي ماهي لانه هذا الكلام ماهو صحيح وكذلك مبالغ فيه اخي الطالب / اختي الطالبه الله لايهينكم اذا دخلتو الانطباع اكتبو الاختبار حلو الاختبار وسط الاختبار سيئ الاختبار صعب الاختبار نص ونص الاختبار سهل وبكل امانه وقسما بالله توي مسكر من مكالمه مع دكتور قال لي انتو ينطبق عليكم المثل اللي يقول ((انتو مثل اللي يدور على خناقه )) اتمنى تاخذون كلامي بسعة صدر للمصلحه العامه ,, اتمنى التوفيق للجميع اخوكم / ابو ضيدان |
رد: تبي تنجح حياك
الله يوفقك والجميع
|
رد: تبي تنجح حياك
وعليكم السلام ورحمة الله
:icon120: كلامك مضبوط ابو ضيدان مافي شئ أسمه نسخ لصق من اسئلة العام هي الاسئلة على المنهج حتى لو تكررت أجل من فين يطلعها بالله .. ؟!! يسلموو واضم صوتي لك أبتسموا وقولوا اللهم لك الحمد وبسسس :oao: |
رد: تبي تنجح حياك
والله انك صااادق
انقهررر مررره اذا قريت هالكلام يفتحون عيونهم علينا والدليل ان الاختبارات كل مالها وتصعب علينا بسبب هالي يكتبونه والادهى والامر الي يفتح موضوع كبر جبهته وكاتب العنون الدكتور يكرر الاسئله مانقول الا الله يعدي هالترمين على خير ونخلص قبل يطلعون باشياء مانتوقعها شكرا ابوضيدان وياليت الكل يقرا هالموضوع |
رد: تبي تنجح حياك
والله انك صادق الله يسهل علينا كل امر وأنا بعد أقول نفس الكلام
|
رد: تبي تنجح حياك
كلام في الصميم
والكل مايدري يمكن بعض الدكاتره يدخلون المنتدي ويقرون الردود والمواضيع |
رد: تبي تنجح حياك
كلام من ذهب أخي وصديقي بو ضيدان
فعلاً من المفترض أن يكون كلامنا أكاديمي بحت يعني نتاقش عن الأسئلة من ناحية سهولتها وصعوبتها ولا لنا علاقة بتكرارها فإن تكررت فهذا هو المنهج ولم يتغير وأحياناً تكون الأسئلة المهمة متكررة لأنها عصب المادة وأساسه فمن يقرأ بعض الردود بالنسخ واللصق كمن يتهم الدكتور بتسريب الأسئلة وعدم الاهتمام بالمادة مواضيع الملتقى يتم قراءتها من قبل مسؤولي الجامعة كذلك مسؤولي التعليم العالي سابقاً وهذا يضر بسمعة الجامعة وسمعة شهاداتنا ويعتقدون أننا نأخذ الشهادة بسهولة والصحيح عكس ذلك نعاني كثيراً من تحميل المحاضرات وكتابة المناقشات وحل الواجبات وحضور المحاضرات المباشرة كذلك التقارير الميدانية ومشروع التخرج الدسم كلها لا تجدها في الجامعات ( الانتساب ) لذلك أضم صوتي لصوت بو ضيدان ( الاختبار في متناول الجميع أو الاختبار صعب أو متوسط ) هكذا هو الانطباع عن الاختبارات واسأل الله أن يوفقنا جميعاً |
رد: تبي تنجح حياك
حن مراقبين من كل مكان ليه فيه شي اسمه حريه الراي
|
رد: تبي تنجح حياك
بو ضيدان كلامك100% والحق احنا نذاكر المنهج كامل ولكل مجتهد نصيب والمجنهد وغيره كل واحد مابياخذ الا اللي ربي كتبه لهالفيصل كلامك100% حواء المدينة كلامك100% والحمد لله ع كل حال .......................... |
رد: تبي تنجح حياك
موضوووع فالصميم واراءكم رائعه. هذا الحاصل للاسف من دخلنا هالجامعه والطلبه ماعندهم سالفه غير يكرر ويكرر وهذا فعلا يأثر على سمعة الجامعة وسمعة شهادتنا بالاخص مضى الكثيير ومابقى الا القليل والحمدلله. نسأل الله ان يوفقنا ونتخرج على خير جميعاً |
| All times are GMT +3. الوقت الآن حسب توقيت السعودية: 11:15 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه