|
الى متى ؟؟؟؟؟؟؟؟
السلام عليكم ورحمة الله وبركاته اخواني اخواتي الى متى بالله راح يكون وضعنا كذا الى متى وفيه ناس اعتماديين ومع احترامي لهم مايدخلون القسم الا في هذه الاوقات قبل الاختبارات ويجي الواحد بس يكتب استفسار عن شي قدامه بالله شوفو مع احترامي لكاتب الموضوع الصورة التاليه استفسار والاجابة امامه في المثبته ؟؟؟؟ يعني بيروح وقتنا كله على تقفيل المواضيع الي فيها استفسارات ؟؟؟؟ وياليت الاخوان والاخوات مايردون على اي استفسار غير الي في الموضع المثبت ضع سؤالك وهنا الرابط للي ما يعرف والي زيارته للمنتدى قليله تفضل هنا وحط بدل السؤال 100 ياخوان اذا انتم ماعندكم وقت ترانا مثلكم لكن نبي نساعد بعض ونكون يد وحده ولا المفروض كل شخص يعتمد على نفسة .. واعذروني على كلامي لاني والله كل ماجيت ابي انظم القسم واضع المواضيع المهمه الا ويجي اشخاص يكتبون مواضيع جديده كلها استفسارات الوقت راح ولا بقي الا 8 ايام على الاختبارات فارجوكم ساعدونا على شان نقدر نقدم لكم المفيد والفائده للجميع ماهي لشخص واحد فقط |
رد: الى متى ؟؟؟؟؟؟؟؟
جزاك الله خير
وان شاءالله يارب الكل يسمع كلامك ويمشي عليه ويدور قبل يكتب الموضوع والله يعطيكم العافيه على الجهود بالتوفيق |
رد: الى متى ؟؟؟؟؟؟؟؟
معليش طول بالك يالجارح
ماادري ليه هذا الترم بالذات طلعوا ناس واجد مايعرفون شي من انظمه الجامعه وهم اصلا مستوى سادس يسالون كثير كانهم ماعمرهم درسوا ولا ذاكروا الله يكون بالعون |
رد: الى متى ؟؟؟؟؟؟؟؟
الله يــجــزاكـ خــيــر يالجــارح
الصــراحه كل شيء واضح بس عليه انه يدور وبيلقى الاجابة الله يعطيكـ العافية |
رد: الى متى ؟؟؟؟؟؟؟؟
اقتباس:
فيه ناس نظامها غير يعني مو غبي يستغبي :smile: وهنا المشكله ع كل حال ولله ملينا نتكلم ولا فيه احد يسمع او يعي وكانك تتعامل مع طلاب ابتدائي :(177): |
رد: الى متى ؟؟؟؟؟؟؟؟
كان الله في عونك وزادك الله صبراًوطول البال
والله المستعان،، |
رد: الى متى ؟؟؟؟؟؟؟؟
الله يكون بعونك وكلامك بمحلة جد الوضع زاد عن حدة حتي الكويزات يسالون وينها وسبحان الله ماكلف نفسة صاحب الموضوع فتح كويزات القسم اتكال بمعني الكلمة وهي قدام عينة كان الله بالعون .
|
رد: الى متى ؟؟؟؟؟؟؟؟
الله يصبرك .....عليهم
|
رد: الى متى ؟؟؟؟؟؟؟؟
طول بالك
هانت مابقى الا القليل بس عند استفسار حل الوجبات وين القاها مثبته هههه امزح معك الله يعطيك العافيه وجعلها في موازين حسناتك انت وعموم الزملاء الف شكر لكم �� |
رد: الى متى ؟؟؟؟؟؟؟؟
موقع مستونا تشوه من كثر الاقفال وانعدمت المواضيع المهمة بسبت المواضيع اللي تفتح بدون هدف
((( لو فيه طريقه اول مايفتح موقع مستونا يكون فيه طريقه رساله تذكيريه لهم يكون احسن )) لان واضح ان اللي يجي يسئل مايجي الا في اخر الترم والله يعينك ياخوي الجارح على ترتيب القسم مالك الصبر لان الايام هاذي والجايه بيجيك سيل من الزملاء صعب يتعدل الوضع بالتوفيق للجميع . |
| All times are GMT +3. الوقت الآن حسب توقيت السعودية: 07:21 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه