ملتقى طلاب وطالبات جامعة الملك فيصل,جامعة الدمام - شعر عسى لايمي في الزين يبطي طريح فراش /..

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : عسى لايمي في الزين يبطي طريح فراش /.. (https://vb.ckfu.org/showthread.php?t=671071)

عسى لايمي في الزين يبطي طريح فراش /..

,

https://www.youtube.com/watch?v=hzIxet1uahk

يلمومني في الزين يا محمد ابن شروح،

عسى لايمي في الزين يبطي طريح فراش ،

هبيلاً يحسب أن الهوى تسليه ومزوح ،

وهو مادرى ان وقعة مثل رمية الرشاش،

تسير القدم من حيث ما هي تسير الروح ,

ويظهر على وجه الشقي ما يكن الجـآش

وانا من عرفت الليل ماهدى قبل ما أروح

وان من طوارى الحب ليا غرفة الانعاش

ولو الثمن شيك على الراجحي مفتوح

دفعته وانا ماهمني دين ولا كاش

لاكن الثمن في ذمتي تضحية وجروح

وقلباً بكل شعورة الصادقة جياش

ولا ودي اسافر وانا ما معي مصلوح

ولا ودي اقعد واتحسف على المطراش

اخاف اتوهق واللقى ماهو بمسموح

واخاف التقي به وابلش بخدش ولا لاش

مدام البحر له شاطي وللجبال سفوح

لزوم اتودع فالمساري وفالمغباش

يهون اني اسري الليل الاسود بليا وضوح

ولا اسري الليالي المنوره والنهايه ماش

كثير العرب راحت حياته ورا المملوح

ولاحصل الا راس ظبي مافيه عراش

دروب الهوى تبغى لها واحد طحطوح

يموت بشرف ويعيش مبسوط كانه عاش

وهذا اللي ابغاه يحصل يابعيد الشوح

واذا ماحصل لابو المحبه لا بو قطاش

علي اني ابني له بجو الفؤاد صروح

واحنه على ماقيل من شوكة المنقاش

عليه انه يخلي زهور الربيع تفوح

ويسقي عروق بين عوج الضلوع عطاش

على شان لامن قام بارق سماه يلوح

اقول اسعد الله انه يجي من مطره رشاش