ملتقى طلاب وطالبات جامعة الملك فيصل,جامعة الدمام - محتوى مقرر تكفون أبي فزعتكم يأعضاء وإداريين ضاقت بي السبل

بسم الله الرحمن الرحيم

السلام عليكم ورحمة الله وبركاته

:sm12: تكفى ترى تكفى تهز الرجاجيل .. ولولا ظروف الوقت ماقلت تكفى :sm12:

أرجوكم تساعدوني ياإخوان أبي أساعد أخوي وعجزت بكل ماتحمله الكلمه من معنى للعجز .. هو طالب مستوى أول إدارة إعمال ومسجون عند المباحث لايقدر يشوف محاضرات ولايسمعها ولايدخل حسابه علشان يعرف اسم الدكتور او الملخص او المحتوى ولا أنا أقدر أخذ حسابه ولانقدر حتى نعرف رقمه الجامعي مسدوده من كل الجهات ولا ماكان جيتكم ونخيتكم واتعبتكم معي الله يكفيكم شر ماأبتلينا به

ماشرحتلكم هالوضع الا علشان تكونون بالصوره وتعرفون وضع الطالب اللي بتساعدونه وماترسلون لي رابط فيديو او رابط شرح لانه ماراح يستفيد منه ولاراح نقدر نوصلها له وعلشان اللي منكم مر عليه ملف وورد او بي دي اف فيه معلومات مفيده او اسئله مفيده او ملخص فيه الشرح الوافي الكامل بحيث انه مايحتاج للطالب اللي يقراه يرجع للمحاضرات قدر الامكان واذا فيه كتاب مخصص للماده ومتوفر عندكم أكون لكم ممنون وعسى الله يفرج عنكم كربات الدنيا والاخره

كل اللي اعرفه ومتأكد منه أسماء المواد الخمسه اللي راح يختبرونه فيها وهي
مبادئ القانون
مبادئ الإدارة
مبادئ الإقتصاد الجزئي
مبادئ الرياضيات 1
مبادئ المحاسبة 1

"من سره أن ينجيه الله من كرب يوم القيامة فلينفس عن معسرٍ أو يضع عنه" أخرجه مسلم