|
كيف أحصل على لقب أخصائية تربية خاصه
السلام عليكم ورحمة الله
على حسب علمي ان تخصصات علم الاجتماع وعلم النفس يتاح لهم التوظيف بلقب أخصائي ويتبعون وزارة الصحه أنا تخرجت اعاقه سمعيه هل لدي فرصه ان أكون أخصائية؟ لقيت سؤال عن نفس الموضوع http://www.ckfu.org/vb/t488152.html أرجو ألمساعده ولكم جزيل الشكر |
رد: كيف أحصل على لقب أخصائية تربية خاصه
ان شاء الله يجاوبونك الاخوان
|
رد: كيف أحصل على لقب أخصائية تربية خاصه
السلام عليكم ..
اولا مبروك التخرج اختي .. ثانيا اذا كنتم مثلنا (علم الاجتماع) واكيد انكم مثلنا .. عن طريق الهيئة السعوديه للتخصصات الصحيه .. باشرح اك وش صار معي .. اول ماجيتهم قالو لي الشروط 1- الشهاده الجامعيه والسجل الاكاديمي صور والاصل للمطابقه 2-دورة cbr ( الانعاش القلبي او الرئوي)مسماها العلمي bls مع البطاقه حقتها والدوره كلها 4 ساعات بـ350 او 400 3-اثباتك الجواز او الهويه 4-تعبئة نموذج طلب تصنيف المهم يعطونك ورقه موقعه منهم ويقولون لك روحي تدربي في اي مستشفى حكومي .. المهم رحت لجميع مستشفيات الرياض ولا قبلوني .. واللي قبلني يقول يجيك اتصال واللي يقول بعد الصيف وناس تقول بفلوس.. المهم اني قفلت معي .. ورجعت للهيئة امس في مقرهم في السفارات .. وقابلت واحد اسمع سامي سكرتير المدير .. قلت له يارجل انا كل يوم في مستشفى وكاني اتسول وش السالفه .. قال وش المشكله فلتله ياخي ماحد قبلني قال هذا تدريب تطوعي هم صادقين ..!!!!نعم صادقين .. طيب على اي اساس انتم مرسلينا نظام انتشرو.. قال ياحبيبي رح لمركز التدريب والابتعاث في الوزاره.. قلت كان اختصرتوا الطريق وعلمتونا .. وباروح انشالله واعلمك بكل جديد .. فالك التصنيف والوظيفه انشالله . |
رد: كيف أحصل على لقب أخصائية تربية خاصه
أشكرك جزييييل الشكر على تفاعلك معي وبصراحة رفعت لي معنوياتي وحسيت فيه أمل
انتظر التطورات معك واسأل الله انه بسهلها عليك وتبشرنا لقبولك وتوظيفك |
رد: كيف أحصل على لقب أخصائية تربية خاصه
اقتباس:
الله يعطيك الف عافيه يعني انت اخذت الدوره انا سمعت انها بـ 3 الاف ريال لمده شهر مادري هل هي نفس اللي تقصد او غيرها ولله * ياليت ولا عليك امر تبلغنا وش يصير معك مع الابتعاث الله يسهل امرك مشكور |
رد: كيف أحصل على لقب أخصائية تربية خاصه
اقتباس:
انا اخذت الدوره في معهد بـ375 ريال لمدة 4 ساعات وطلعت الشهادة بعد ثلاثة ايام مع البطاقه اللي فيها الكود وهي اهم من الشهادة .. ولكن يمكن انك تقصد وحده من الثنتين .. اولاً: يمكن تقصد رسوم التصنيف اللي عند الهيئه السعوديه للتخصصات الصحيه وهي 1450 لمدة ثلاث سنوات او 1750 لمدة خمس سنوات يسمونها بطاقة تصيف ( بعد ماتختبر وتنجح تطلعها).. ثانياً : يمكن قصدك ان هناك بعض المستشفيات تاخذ منك مبلغ فترة التدريب(مثل /مستشفى الملك سلمان) عن كل شهر 1000 ريال يصير المجموع 3000 لان الفتره المحدده من الهيئة لتخصصنا هو 3 اشهر).. ولا انسى .. انهم قالو لو لي لو ماقبلك المستشفيات الحكوميه تقدر تروح تطبق في اي "مستشفى" خاص ولكن بشرط( ان يكون الشخص اللذي يدربك حاصل على شهادة تصنيف اخصائي او(اكلينيكي). وانشالله ياجماعة التطورات يوم الاحد ابلغكم عنها اول باول .. الله يسعدكم :106: |
رد: كيف أحصل على لقب أخصائية تربية خاصه
اقتباس:
|
رد: كيف أحصل على لقب أخصائية تربية خاصه
بيض الله وجهك
هذا اللي كنت اقصده رقم ثنين ثانياً : يمكن قصدك ان هناك بعض المستشفيات تاخذ منك مبلغ فترة التدريب(مثل /مستشفى الملك سلمان) عن كل شهر 1000 ريال يصير المجموع 3000 لان الفتره المحدده من الهيئة لتخصصنا هو 3 اشهر).. الف شكر |
رد: كيف أحصل على لقب أخصائية تربية خاصه
اقتباس:
راجعي الهيئة ممكن يكون لها تصنيف على أخصائية سمعية |
رد: كيف أحصل على لقب أخصائية تربية خاصه
هل غير السعوديين عن بعد الفتيات ايضا يذهبون لنفس الجهة هذي ( الهيئة السعوديه للتخصصات الصحيه )
هل نطلب التدريب ايضا بمستشفيات حكوميه ؟؟ والى من نذهب مدير مستشفى !!والا أي دكتور نفسي والا ايش ؟ اذا ماسويت الخطوات السابقه لما اتخرج اربع سنوات ايش يكون وضعي وشعادتي !! ينفع اتوظف فيها بدون تلك الخطوات وايش المجالات الممكنه ؟ وارجوا اخبارنا باستمرار ماذا يحصل معك حتى تستلم ماتريده .. ويكون هالموضوع اجابه لكل من يمر بنفس المشكله ..يعني وقف هههههه |
| All times are GMT +3. الوقت الآن حسب توقيت السعودية: 09:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه