ملتقى طلاب وطالبات جامعة الملك فيصل,جامعة الدمام

وين تبدا هاالمدينه .. كل يوم ..

من رصيفٍ عاريٍٍ تحت النجوم ..

من عناوين الجريده ..

في المواني .. وحمرة عيون المسافر ..

ضحكة الصبح الجديده ..

أخر أوراق التذاكر ..

أو بعد حبر الختوم ..

وين تبدا هاالمدينه .. كل يوم ..

ودي أعرف هاالعواصم ..

وأبي أبدأ من يديها ..

ودي أنزع من أصابعها الخواتم ..

قبل لا أسلم عليها ..

ودي تجمعني بها لحظه حميمه ..

وين تجلس هاالمدينه ..

في العماير .. في الدواير ..

في الدكاكين القديمه ..

أو تحت أهدابك إنتي ..

أو تحت أهدابك إنتي ..

في صدري إحساسٍٍ شهي ..

لو يدوم ..

وأبي أعرف وين تبدا هاالعيون .. وتنتهي ..

كل يوم ..؟

مدري وش سر العواصم .. والمداين .. والعيون ..

ومدري وش سر الجنون ..

إني أعرف ..

إنتظرتك في محطات القدوم ..

وفي مواعيد السفر ..

صك شباك التذاكر ..

وإنمحى حبر الختوم ..

وما عرفتك ...

:icon19::icon19::icon19:

بدر بن عبد المحسن