متوهق مع مشروع التخرج > :(
 

السلام عليكم :(

زملائي انا امس رفعت الموضوع للدكتور وادري وميه بالميه انه بيرجعه

ونا ولله رجال بسافر بكرا أسبوعين برا السعوديه ومافيه امل افتح النت مو بس الاب توب

لو بجلس بالسعوديه . كان شفتوني كل يوم بتناشب مع الدكتور ارسله موضوع ويرجعه

الين يوافق لو اجلس أسبوع كامل

المهم من يألف لي موضوع وشرح مبسط عن الموضوع والتلز للموضوع واكون له شاكر

الخاص حقي مفتوح :(

رد: متوهق مع مشروع التخرج > :(
 

اذا التلرز لحاله كتبت له نص سطر مكتوب فيه / بسوي مقابلات مع ناس يملكون شهادات عليا ههههههههههههه


هذا الحاله يكفي يخلي الدكتور يفصلني فصل من الجامعه مو بس يرفض المشروع !!

ولا تنصحوني اجل الماده واحذفها اذا يمديني ..

دام ماعندي شي ومستعد اجل عشرين سنه بالجامعه ماعندي مشكله موظف مو محتاج الشهاده حاليا ابد

رد: متوهق مع مشروع التخرج > :(
 

ولله ثم ولله اذا ما رد علي الدكتور علي بقبول الموضوع لغير انسحب من المقرر :(

واذا ما رد خير شر بدون لا رفض ولا قبول برضو لغير انسحب من المقرر :(

انا عايش لجل اعبد ربي مو لجل احمل نفسي اهموم على شي مايستاهل

اخذه بالصيف واريح راسي ولله الحمد امي صحتها زينه وابوي صحته زينه وانا صحتي زينه وش عاد ابي احمل نفسي اهموم

المهم بكرا مسافر ماليزيا استانس وافلها على حساب الملك سلمان الله يحفظه

وعلمو دكتوركم يرسل لي الرد ولا بسحب عليه ترا وعلى جامعته

رد: متوهق مع مشروع التخرج > :(
 

سؤالي متى تسكر ايقونه الانسحاب من المقرر لايكون بكرا :(

ترا حظي اقشر بعض الأحيان هههههههههههههههههه

رد: متوهق مع مشروع التخرج > :(
 

انا وحده موضيعين وانرفضت والثالث استنى الرد

واذا رفضته باجله بالصيفي

رد: متوهق مع مشروع التخرج > :(
 

بالتوفيق ان شاءلله تقبله فاطمه الزهراء

مع اني مستغرب عندها فوق ثلاث ميه طالبه ويمكن اكثر كيف يمديها تقرا وتركز على كل موضوع !!

لكن بالتوفيق وبأذن الله تقبله

رد: متوهق مع مشروع التخرج > :(
 

فلها وربك يحلها

روح شوف ايقونة التأجيل في الخدمات الطلابية

وسلملي على لنكاوي

رد: متوهق مع مشروع التخرج > :(
 

عندك حلين لاثالث لهما
يا أنك تشوف لك احد يتكفل ببحثك ويخلص امورك
او انك تأجل هالماده الغثيثه لان يبيلها تفرغ وطولت بال :(

رد: متوهق مع مشروع التخرج > :(
 

يا كثر هياطك يا أخوي

رد: متوهق مع مشروع التخرج > :(
 

مرحبا اخوي علوش مدام عندك سفره اسمع شوري واجل الماده للترم الجاي وتكون مستعد له لان هنا كل واحد مشغول في نفسه ... واهم شي لاتنسى تروح الكاميرون وترجع بالسلامه