|
الوكالة الشرعية
السلام عليكم ورحمة الله وبركاته
كيف طريقة الوكالة الشرعية ممكن شرح مفصل لطريقة الحصول على الوكالة وهل لازم وضروري انه الوكيل يكون موجود عند توكيله؟ قصدي هو في مدينة وانا في مدينةو ولا عادي يصلح اوكله وهو بعيد؟ وايش المطلوب من الوكيل انه يجيب معاه ويسوى اذا وصل لمقر الجامعة الاستلام الوثيقة؟ لانه لاسباب شحصية لا استطيع السفر لاستلام الوثيقة. وهل اذا كان الوكيل الذي قمت بتوكيله كان من اخوتي او اخواتي يعني من اقرب الاقرباء هل يحتاجون وكالة شرعية؟ جزاكم الله ساعدوني:119: |
رد: الوكالة الشرعية
وعليكم السلام ورحمة الله وبركاته ��
تروحي مكتب لعمل وكاله بدون حضور الموكل انا سبق سويتها عشان استقدام عاملة زوجي وكل لولد خالي رغم انه ما يقرب له وقبلوها بسالك لك ايش المطلوب وايش اسم المكان الي سوينا فيه بس انتي في اي مدينة ؟ |
رد: الوكالة الشرعية
تروحي كتابة عدل
اذا معاك الهوية الوطنية يعني بطاقة شخصية تحضرين وتعملي الوكاله باسم الشخص اللي بتوكليه وتجيبي معاك رقم هويته وتاريخها علشان تتسجل في الوكاله اما في حالة ما معاك بطاقة هويه تحضري معاك شخصين يعرفونك عند كاتب العدل ويسوي لك الوكاله وتحضري معاك كرت العائله |
رد: الوكالة الشرعية
^
بالضبط نفس الكلام الي جيت اكتبه بعد ما سالت لك زوجي مبرووووووووووك التخرج وربي يوفقك |
رد: الوكالة الشرعية
بس انتبهي حددي مدتها وايش المطلوب من الموكل لاتخليها بتاريخ طويل شهر يكفي وعملت من اجل كذا نصيحه عشان لاتستخدم في امور اخرى
|
رد: الوكالة الشرعية
الوكاله الشرعيه تروحين للمحكمه ومعاك زوجك او ولد ك او اخوي وتوكلين اي شخص يستلم عنك الوثيقه ..ولازم اسم الوكيل كامل والسجل المدني ...طبعا وكاله الجامعه ....الجهات التعليميه...
واي واحد خارج المنطقه الشرقيه ...بامكانه يسوي لي وكاله واستلم الوثيقه عنه....لتواصل ....بحث في قوقل ...استخراج الوثيقه من جامعه الملك فيصل ... وبالله التوفيق |
رد: الوكالة الشرعية
تدخلين على موقع وزارة العدل بتحصلين ايقونة تسجيل الوكالة افتحيها تجيك خيارات منها وكالة جديدة , ادخلي بياناتك وبيانات الوكيل .. إلخ وبعدين يطلع لك فراغ اكتبي فيه الصيغة التالية ( وللوكيل حق مراجعة جامعة الملك فيصل واستلام وثيقة التخرج واخلاء الطرف وانهاء كافة الاجراءات المتعلقة بذلك والتوقيع عني فيما يلزم , وكالة خاصة فيما ذكر , وعلى هذا جرى التصديق والتوقيع ) ..
بعد ماتخلصين يطلع لك رقم , تروحين بالرقم الى اقرب محكمة او كتابة عدل في مدينتك وتعطينهم الرقم واثباتك وتدخلين على القاضي او كاتب العدل يتأكد من هويتك ويسلمونك الوكالة . حتاج حضور معرف بك ( والدك او اخوك او زوجك .. ) وما يحتاج يكون الوكيل اللي بتوكلينه موجود , مايحتاج مرة , ولا يحتاج شهود ,, |
رد: الوكالة الشرعية
اقتباس:
بعدين الوكاله خاصه ماهي عامه محدده ....الجهات التعليميه....:017: |
رد: الوكالة الشرعية
اتوقع ان هالترم تغير الوضع واذا الي بيروح هو ولي امرك ماتحتاجين وكالة اذا اخوك او اختك لازم وكاله وانصحك تخلين استلامك للوثيقه من جهة الرجال لاتمرين علي العنصر النسائي ابدا��
|
| All times are GMT +3. الوقت الآن حسب توقيت السعودية: 03:01 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه