|
استفسارات عن مدرسين وتغيير الجدول
السلام عليكم ورحمة الله وبركاته
انا طلع جدولي امس بتخصص بوليمر وطبعاً هذا السمستر الاول لي بالتخصص واغلب المدرسين مااعرفهم وحاب استفسر عن كم مدرس واتمنى افادتكم g.s.razmak حق الكالكولس عملي ونظري فيه واحد مدحه لي عن شخص يعرفه اتمنى من اللي يعرفونه يفيدوني syed ghani جنرال كيمستري عملي مااعرف عنه اي شيء khysar pasha جنرال كيمستري نظري فيه واحد قال ابعد عنه وبنفس الوقت قريت عنه هنا بالمنتدى انه كويس ! كل اللي ابيه خبرتكم عن هالمدرسين وانا للاسف حاولت اغير بالجدول وماقدرت كل الشعب فل ! وودي استفسر اقدر اروح للادارة يوم الاحد واغير بالجدول ولاخلاص راحت علي؟! |
رد: استفسارات عن مدرسين وتغيير الجدول
وعليكم السلام
بالنسبه الى g.s.razmak هو مش ذاك السيئ ولا ذاك الممتاز اذا كان يمديك تغير الى مدرس ثاني يكون افضل لانه في مدرسين كثير ممتازين ولا تنسى ان الماده عليها 4 كرديت. syed ghani ماعندي اي معلومه عنه khysar pasha اغلب الشباب يمدحونه بالنسبه للتغير الشعب ماعندي علم بس تقدر تروح للادفيزر ان شاء الله يقدر يساعدك |
رد: استفسارات عن مدرسين وتغيير الجدول
وعليكم السلام ورحمة الله وبركاته
على حسب علمي ما تقدر تغير شيء بجدولك في اول سمستر تخصص .. لكن ممكن تغير النظام .. عموما تغير الجدول عن طريق إدارة القسم حقك .. وما يعدول الجدول الا في حالات إضافة او حذف مواد .. خصوصا اللي ما تقدر تضيفها .. مثلا بتضيف مادة وفي تعارض وما تقدر تغير السكشن حقك راح يعدلونها لك .. لكن بما انك في اول سمستر فالمواد الموجودة عندك هي المقرر لك دراستها حسب الخطة الدراسية .. لو بتضيف او تحذف مادة مستقبلا تروح للأدفايزر حقك ويعطيك ورقة ويعبيها وتروح للمسؤول عن الجداول في القسم حقك ويضبط الجدول .. على فكرة .. راح تكره اليوم اللي تبي فيه تعدل جدولك سواء تضيف او تحذف مادة (بسبة زحمة الطلاب وساعات الإنتظار الطويلة حاول تكون موجود وقت ما يعدلون جدولك حتى لا يعفسون جدولك عليك) . .. او حتى تحاول تنقل من عند مدرس .. لو تقول لهم المدرس فاشل وهم يعرفون انه فاشل وما عنده سالفة ما راح يغيرونه لك يقولون خلاص هذا جدولك .. وكان الله بعوننا .. وخل في بالك ان المدرسين ممكن يتغيرون في اول اسبوعين من الدراسة .. صارت معي كثير .. كنت عند اخس مدرس كيمياء وفجاة جانا تيجاني ^^ .. ومرة كنت عن الزهراني بروسس اكوبمنت احسن مدرس عملي ... وفجأة صار ازاد :( . انت وحظك !! .. المدرسين ما اعرف إلا قيصر باشا درسني عملي .. يعرف يشرح وراح تفهم عليه لو كنت مركز !! متشدد في النظام لدرجة انا خلصنا التجربة بدري بساعة .. ما طلعنا الا قبل الوقت ب 10 دقايق .. لكن اسلوبه حلو ومحترم .. وانصحك تدخل على المدرسين وانت ما عندك ولا فكرة سلبية عنهم وجربهم بنفسك بالنسبة للنظري ما عندي خلفية عنه لكن اتوقع يكون ممتاز .. خل في بالك انه اول سمستر تخصص لك يعني الان بتبدأ تشوف الفرق بين المدرسين بحكم عدد المدرسين اللي راح يدرسونك وتقدر تصنفهم من ناحية الممتاز في الشرح او السيء او الممتاز في الدرجات وسيء في الشرح وهكذا .. انتبه !! هذا اول سمستر لك اهم سمستر في مشوار الدراسة .. جيب معدل عالي قد ما تقدر والا بتندم بعدين .. حاول ما تنزل عن 3.5 او اكثر .. الحين وقت الجد .. الحين وقت تحديد مصيرك.. اتعب الحين وراح ترتاح بباقي السمسترات .. بالتوفيق .. |
رد: استفسارات عن مدرسين وتغيير الجدول
ibr9him
يعطيك العافية اخوي ابراهيم وشكلي بدرس عند غسان حق الكالكولس لان كل الشعب فل والله يكتب اللي فيه الخير والله يوفقنا وياك silver NEO يعطيك العافية اخوي سيلفر وكلامك صحيح والله هالترم مصيري والله يوفقنا ويااك يارب |
رد: استفسارات عن مدرسين وتغيير الجدول
اتمنى اي احد يعرف شيء عن g.s.razmak او syed ghani يفيدني وشكلي بتوكل على الله واخلي الجدول نفس ماهو لان ترتيبه كوقت معجبني الى حد ما والمدرسين الى الان ماسمعت عنهم كلام سيء واشوف اني احكم عليهم بنفسي افضل والله يكتب اللي فيه الخير لي ولكم يارب
|
رد: استفسارات عن مدرسين وتغيير الجدول
اقتباس:
غسان رازماك مدرس اردني من اقدم المدرسين ، له 26 سنه في الكليه .. كان يدرس بعض الشباب الجبرا ايام السنه التحضيريه ، أغلبهم يقولون لا بأس فيه جيد جدا .. يعني مو زين ولا شين بس اذا تقدر تغير عند أحمد خان ، راو ،صالح الحميدي ، قمر يكون أفضل .. .. سيد غني ما اعرفه بصراحه .. وقيصر باشا أذكر انه جا وانا في اخر سمستر بالكليه ، لذلك ما ااعرف عنه شي لكن اذا قدرت تاخذ النظري عند محمد شريف العراقي أو تيجاني النيجيري يكون أحسن أما العملي حاول تاخذه مع عبدالرشيد السيرلانكي المطوع أو جلال السعودي بالتوفيق ، ولا تنسى أخوك من صالح الدعاء |
| All times are GMT +3. الوقت الآن حسب توقيت السعودية: 02:53 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه