|
أرجو المساعدة
سلام عليكم انا طالب في كلية الجبيل الصناعيه تخصص تقنيه الهندسه الكيمائية ثاني سمستر في تخصص وبنزل المواد ذي في السمستر الجاي وبغيت اسائلكم عن افضل مدرسين يدرسون المواد وشكرا Industrial Safety and environment English 4 organic chemistry 1 instrumentation and process control fundamentals of physics computer application organizational Behavior and ethics |
رد: أرجو المساعدة
فينكم ياأهل الكمياء ؟؟؟ ياأخوان رجاء المساعده 19 مشاهده بدون ولا رد |
رد: أرجو المساعدة
انا اخذت انقلش ٤ عند Jean وطلعت من عنده B+ وانا صراحة ما كنت مهتم يعني كان يمديني اخذ A وبالنسبة البهيفيور اخذته عند موفيد السماعيل في الصيفي وطلعت من عنده B+ |
رد: أرجو المساعدة
اقتباس:
انقلش 4: فيه اكثر من مدرس ممتاز ، عندك بالترتيب جين و ستيفن و مارتن هارلي و توبي .. خذها عند واحد منهم ... انا اخذتها عند جين وطلعت +a ، بصراحه مدرس بطل حاول تنزلها عنده اورقانيك : فيه نظري وعملي. النظري كان يدرسنا 2 مدرسين وهم العارف رتيمي وامير حسين ، كلهم ابطال وممتازين بالشرح ، انا اخذتها عند رتيمي ... العملي تقريبا كلهم ممتازين ما عدا محمد موسى .. عندك احمد ابو جوده وعبدالله سريف وعيد الهزاع وحسين العواد ، بس لو تحصل ابو جوده يكون افضل. انسترومنتيشن : من اسوأ المواد اللي مرت علي والسبب مدرس الماده اللي هو ياسر هريدي المصري .. طبعا فيه نظري وعملي. النظري: ما كان يدرسها الا هريدي .. اسالته جدا صعبه وشرحه ممل والاختبار يكون عن طريق عروض البوربوينت اللي يقدمها (تقريبا فوق 300 سلايد !!!!) .. حاول تاخذ النظري عند اي واحد غير هريدي اذا فيه .... العملي: عندك محمد الزهراني وامجد نافيد .. كلهم ابطال خذها عند اي واحد منهم فيزيكس : فيها نظري وعملي... النظري بالترتيب: خالد شبارو ، خالد الاسدي ، حازم قاسم ، شفيق انور ....... العملي بالترتيب: خالد الاسدي ، جاسم العلوي ، خالد شبارو ، خان ، مولودي. كمبيوتر ابلكيشن : ماده سهله جدا ماتفرق مع اي مدرس ، اختر الوقت المناسب .. اما افضل المدرسين هم سليمان بدوي و نصار المحيسن و توبارك البريطاني بيهيفير : ماده حفظ في حفظ .. حاول تاخذها عند سعيد الشهراني اذا موجود لانه درسني وطلعت من عنده بـ a وكان مسهل الماده مقارنه بباقي المدرسين ... عندك برضو عايض الشهراني كويس ، اهم شي لا تاخذها عند الشميلان. باين من المواد ان تخصصك مثل تخصصي كيميكال ... اي سؤال انا حاضر ، وراحا احاول افيدك باللي عندي لا تنساني من صالح الدعاء وانا اخوك |
رد: أرجو المساعدة
اقتباس:
الله يوفقك ويسعدك ياااارب يعطيــــك العافيه ماتدري قدر اش افاتني صراحه بالنسبه للفيزكس ماأرايك مدرس ازاد للنظري هل افضل من خالد شبارو او خالد شبارو أفضل وشكرا |
رد: أرجو المساعدة
اقتباس:
ازاد لا بأس فيه ما اشوف انه سيء ولا ممتاز .. طبعاً في النظري والعملي شبارو افضل بكثير من ازاد ويكون بعلمك ان شبارو اقدم مدرس فيزيكس موجود حاليا وكان هو الكورس دايركتر تبع مادة الفيزياء. |
رد: أرجو المساعدة
وعليكم السلام ورحمة الله وبركاته .. ما شاء الله ما قصروا معاك الأخوان جزاهم الله خير .. راح ازيد على كلام الشباب في مادة Organizational Behavior and Ethics الميدتيرم والفاينل كلها كمبيوتر .. تخلص اختبار وتطلع لك الدرجة .. والمشكلة مو كل الطلاب نفس الأسئلة .. الكمبيوتر يوزع الأسئلة عشوائي على كل طالب .. انا كنت اختبر على كمبيوتر رقم 4 وخويي على رقم 33 وأسألتي جات صعبة والعكس عند خويي جته سهلة ما شاء الله .. واللي يقهرك ان ولا سؤال يتشابه مع الأسئلة حقته !! فانتبه المادة حفظ للمفردات ومعانيها وفهم كامل .. والطريقة الأفضل للحفظ انك تفهمها صح لأن الأسئلة ما تجي مباشرة كلها .. مثلا يعطيك مثال عن موقف صار مع فلان وفلتان وفي الخيارات يطلب منك تحدد نوع الحالة أو الإنطباع اللي تشكل عند فلان بعد ما تحاور مع فلتان .. اتمنى وصلت الفكرة فلو كنت حافظ بدون فهم بتجيب العيد لأن الخيارات تلخبط .. ... الميدتيرم غدر فينا وما كنا عارفين أسلوب الأسئلة كيف .. عموما هذا موقع للكتاب فيه اختبارات على كل فصل ( شابتر ) نفس طريقة الأسئلة تقريبا .. اختر الشابتر وبعدها اختار كوز وابدا الاختبار .. طريقة جدا مفيدة وساعدتني كثير في الفاينل .. كنت اذاكر الشابتر وبعدها اتأكد من فهمي بالاختبار .. و جاني سؤال او اكثر منها في الفاينل !! هذا الرابط http://wps.prenhall.com/bp_robbins_o...-/t/index.html درسني احسن مدرس للمادة بصراحة .. اسمه : اسف ( ASIF BAIG ) شريح درجة ممتازة وتفهم غصب وطيب لأبعد الحدود لدرجة انه ما يعطي ليت لو جيت بعد بداية الكلاس ب 7 دقايق .. كوزاته اختيارات عشان يدربنا على الميدتيرم ويدف دف مو صاحي بالدرجات .. والحصة قصيرة معاه جدا واحيانا ناخذ بس نص ساعة ونطلع بريك ثلث ساعة واحيانا نطلع قبل الوقت بنص ساعة او أكثر !! طبعا لما نفهم الدرس ونخلص المطلوب .. مشكلة المادة ان الميدتيرم عليه 20 درجة والفاينال عليه 50 درجة !! الكوزات 4 كل واحد عليه 7.5 فشد حيلك فيها قد ما تقدر .. مشكلة هالنظام الجديد ان الأسئلة ما يتحكم فيها المدرسين + ألنتيجة نهائية والمدرس يجي بس يشوف كم درجتك ويسجلها جنب اسمك ولا يقدر يعدل شيء .. كان الله بعونك وعون من عنده هالمادة النشبة على فكرة .. مادة جدا مفيدة لك في حياتك الشخصية والعملية حاول تستفيد قد ما تقدر واو تراجع كل درس اخذتوه لمدة 10 دقايق صدقني امورك بالسليم .. موفق |
رد: أرجو المساعدة
^
سألت واحد من الشباب اللي ما زالو في الكليه وأفادني بأن نظام اختبارات البيهيفير والاسلاميك تغير وصار مثل ما ذكرت اخوي سيلفر . أنا لحقت عالنظام القديم وهو ان المدرس هو اللي يكتب الاختبار النصفي والنهائي .. بس الحين صار عن طريق الكمبيوتر وطبعا النظام الجديد افضل بكثير من السابق .. لأن النظام القديم كانت كل الاسئله تحريريه بحيث ان الصفحه فيها سؤال أو سؤالين بالكثير ، والسؤال يكون سطر واحد فقط وباقي الصفحه بيضاء وتعبي فيها الاجابه بالتفصيل. عالعموم الله يوفق الجميع ، |
| All times are GMT +3. الوقت الآن حسب توقيت السعودية: 11:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام