ابي تخصصات صحيه لها علاقه بإدارة الأعمال
 

السلام عليكم ...
اخواني وخواتي اخباركم اكيد الحين عندكم شد اعصاب وتنتظرو النتائج على احر من الجمر:33_asmilies-com:
ان شاء الله كلنا ناجحين مع اني اكتب لكم احاول اخلي الكل يتفائل بس انا نفسي خايفه من النقود مابي اشوفها ابي انجح وخلاص هههههه

عندي سؤال بخصوص التخصصات المناسبه لمجالنا إدارة اعمال
انا ندمانه انه مادخلت تخصص طبي والسبب الوظائف الحكوميه دائما للصحه بس احنا المساكين متى يجينا الدور من 10 سنين الى 20 سنه مالينا نصيب في الحكومه
وانا ابي اتوظف حكومه فاابي بعد مااتخرج بكلريوس ادارة اعمال ادور تخصص طبي مناسب لتخصصي
مثلا اداره صحيه او اي شي له مجال في التوظيف الحكومي اذا ممكن تعطوني تخصصات صحيه مناسبه اسردوها لي هنا رحم الله والديكم واذا ممكن تقولو لي وين تدرس هالتخصص هل في جامعات السعوديه او في الخارج مع ذكر اسم الولايه والجامعه اذا تعرفون

رد: ابي تخصصات صحيه لها علاقه بإدارة الأعمال
 

إدارة صحية ، إذا راح تكملين ماستر بالتخصص هذا راح يتم تعيينك على الاغلب في الصحة او في الوزارات الحكومية الموجود لديها أقسام صحية مثل الجامعات وغيرها ..


لكن لا مانع من الاستفسار أكثر، وعلى فكرة ايضا أبحثي عن التخصص هل له علاقة فقط بالرجال او للنساء فقط !

رد: ابي تخصصات صحيه لها علاقه بإدارة الأعمال
 

والله ماادري اذا هالتخصص للبنات او الرجال ع العموم الي عنده معلومات ياليت يفيدني
ابي تخصص مرغوب والتعيين فوري خخخ

رد: ابي تخصصات صحيه لها علاقه بإدارة الأعمال
 

اخذي ماستر ادارة صحي بس طبعا انتظام
لان الي خذا ادارة صحيه عن بعد رفضو يعطونهم شهادة الهيئة للتخصصات الصحيه << جامعة عبدالعزيز

رد: ابي تخصصات صحيه لها علاقه بإدارة الأعمال
 

مافي تخصص بنات وتخصص عيال

رد: ابي تخصصات صحيه لها علاقه بإدارة الأعمال
 

لااااا حرام ليش احنا لا
طيب شوفو لي تخصص ثاني صحي له علاقه باادارة الاعمال
وحتى عن بعد ماله وظايف خلاص يقفلو الكليه احسن من انه نتمرمط
احنا بنات مابنقدر نشتغل لعمر طويل في شركات خاصه
نبغى حكومه

رد: ابي تخصصات صحيه لها علاقه بإدارة الأعمال
 

الحين منو قالكم ان الحكومه بتوظفكم 10 سنين وبعدها بتتقاعدون!!
ماأشوف فيه فرق بين الحكومه والشركات الكبيره سابك ارامكو سكيكو و.. و.. .. ..

رد: ابي تخصصات صحيه لها علاقه بإدارة الأعمال
 

بالنسبة للدراسة داخل المملكة على حسب التخصصات والبرامج المعتمدة داخل الكليات

باستطاعتك الدخول الى مواقع الجامعات والنظر في البرامج المعتمدة

اما اذا كانت الدراسة خارج المملكة فأعانك وأعاننا الله

انا راسلت الملحقية في امريكا وتم تحويلي على وزارة التعليم العالي ومن ثم تم تحويلي الى ادارة البعثات

اخيراً تم تحويلي الى ادارة معادلة الشهادات

هذا التحويل كله لأَنِّي استفسرت عن التخصصات غير الممتدة من تخصصي

وافدتهم ان تخصصي ادارة اعمال وأريد التخصصات المسموحة لي دون الوقوع في خطأ الامتداد

قالوا يجب ان يكون تخصصك في الماستر ممتد لتخصصك في البكالوريوس او أخذ مواد تكميلية فبل الدخول للتخصص

طبعا الى الان لم اجد الإفادة الصحيحة ،، كل ادارة تفيد ما عندها وتحولني للأخرى

قريبا سأرد التخصصات المتفرعة من كلية ادارة الاعمال في الولايات المتحدة ، وهي ما استخرجتها من نظام الجامعات الموصى بها

مبدئيا منها ادارة الصحة ، ادارة المستشفيات ، ادارة السلامة المهنية ، ادارة الموارد البشرية ، ادارة التسويق ، ادارة الجودة ، ادارة العمليات ، الادارة الاستراتيجية ، ...... الخ

سأرد المتبقي في موضوع منفصل قريبا ان شاءالله ، ولكن بعد الحصول على المعلومة الصحيحة فيما يخص الاعتماد ، والامتداد

ملاحظة : جميع ما ذكر اقصد بها دراسة انتظام حيث ان الدراسة عن بعد غير معترف بها اذا حصلت عليها من الخارج اما الداخل الله اعلم

رد: ابي تخصصات صحيه لها علاقه بإدارة الأعمال
 

في تخصص ادارة مستشفيات في الجامعة الالكترونية بكالوريس
لكن مدري عندهم ماستر ولالا


ونصيحة اخت لك لاتخلين الوظيفه االحكومية اقصى طموحاتك
حاولي تبحثين على الوظيفة الي تطور منك
صحيح الحكومة امان

لكن الاهم التطور الوظيفي والاستقرار النفسي
انا موظفة في شركه والحمدلله مرتاحة ولا عمري راكضت ورى الحكومة
ويشهد الله اني توظفت بالدورات والشهادات عشان لاحد يجي يقول واسطة

وسلامتكم

رد: ابي تخصصات صحيه لها علاقه بإدارة الأعمال
 

مشكورين ع الردود ماقصرتو واستفدت منكم
انا طموحي حكومه لانه ابي استقرار وضمان وظيفي اكثر