|
طلب : مساعدة في جدول مواد السمستر الثاني
سلام
حابة اعرف كيف انظم جدولي من الحين عشان لاطلعت النتائج اسجل للسمستر الثاني بسهولة ابغى ترتبون لي مواد السمستر الثاني حسب صعوبتها من الاصعب للاسهل والايام المناسبة لها يعني اقترحوا علي جدولي وشكراً |
رد: طلب : مساعدة في جدول مواد السمستر الثاني
نقترح كل ماده ويومها ؟ انتي ملتزمه بجداول ينزلونها لك فيها الايام والمواد .. واذا بتغيرين تغييرك بيكون محدود بسبب انه لازم م يكون فيه تعارض بالوقت مع مواد اخرى
انتي سمستر ثاني عارفه انو مافي حريه مطلقه ب الجداول؟! يمكن اكون فهمتك غلط :) |
رد: طلب : مساعدة في جدول مواد السمستر الثاني
مافهمت عليك بس ممكن أساعدك أرتبهم لك حسب السهل بالنسبه لي لما درسته عاد يمكن تتغير الاساتذه لأن الماده تتحدد ع حسب الدكتور عقيده واخلاق سهله جدا وكنا نذاكر من ملزمه محاسبه 1 ماده حلوه ركزي عليها لأن هاذي أساس المحاسبه وحتى لو ماتخصصتي بتاخذين محاسبه 2 ومحاسبه تكاليف وهاذي معتمده عليها اذا فهمتيها بتصير سهله عليك واقتصاد جزئي نفس كلامي عن المحاسبه بس هو عندي أسهل ورياضيات ادارة دسمه شوي وحاولي قد ماتقدرين ماتدخلين عن أماني بابكر إلا إذا بس تبين درجة النجاح ومبادئ ادارة أعمال سهله وهي أساس ادارة الاعمال فيها حفظ بس سهله ومادة تسويق دسمه وحفظها كثير بس ممتعه... وبالتوفيق الله يسهل لك يارب
|
رد: طلب : مساعدة في جدول مواد السمستر الثاني
مشكورين
انا بالمستوى الاول , واستعد للتسجل للمستوى الثاني . ابغى اعرف يعني وش هي المواد بالظبط ؟ مدخل محاسبة مالية مبادئ الإقتصاد الجزئي العقيدة الاسلامية رياضيات للادارة مبادىء الادارة مبادئ التسويق صح كذا ؟ يعني وش المواد اللي تتطلب تركيز الرياضيات و المحاسبة ؟ اماني البابكر جربتها وماعاد بدخل عندها مرة ثانية لو ايش يصير , صح درجاتي كويسة بس كلها من التعب والكرف اللي ابذله والا ولاكلمة افهمها منها :( والجداول حقت الشعب وين الاقيها ؟؟؟؟ متى تنزل ؟ |
رد: طلب : مساعدة في جدول مواد السمستر الثاني
اقتباس:
مرحبا من زمان ماعلقت ولا دخلت اعلق على شي بس لفت نظري الموضوع وحبيت اشارك فيه وافيدك بما ان عندي خبره فيه اولا: الجداول تنزل جاهزه كل الي عليك تشوفين جدولك الجاهز هذا وتنزلينه على البيبول سوفت حقك وتاكديه بايام التاكيد الي يسمحون لك فيها ويحددونها مسبقا ثانيا : بالنسبه للمواد والصعبه فيها اول شي اقتصاد جزئي اذا درستيه عند الدكتور محمد عبدالمطلب دكتور جدا سيء وثاني شي المحاسبه 70% فيها صعب ودرستها عند دكتور جدا ممتاز اسمه ناسيه بس جنسيته ليبي جدا ماسس في المحاسبه ممتاز وثال شي بنسبة 55% صعبه الي هي الرياضيات وبعدها مبادئ الادارة وبعدها تسويق وعقيده اخر ثلاث اشيائ جدا سهله هذا كل الي عندي واتمنى اني افدتك ونصيحه جدا جدا مهمه دكتور المحاسبه الليبي يدرس ينات انصحك تروحي عنده اذا درستي عنده ما راح تتعبي في المحاسبه 2 بالسمستر الثالث .. والرياضيات فيه دكتور اسمه فراس حداد لبناني جدا ممتاز انصحك تدرسي عنده او رائد خصاونه وبالتوفيق :love080: |
رد: طلب : مساعدة في جدول مواد السمستر الثاني
اقتباس:
يعطيك العافية افدتني كثير انا كويسة فالرياضيات ف سهل ان شاء الله بس عارفة حالي اذا مادة جديدة علي وفيها حسابات وكذا م اعرف لها ولا تدخل مخي بسهولة زي بدايتي فالاحصاء :139: عشان كذا بختار جدولي حسب الاصعب , مو متعودة ع الدكاترة لان مافي وسيلة تواصل فعالة هههه بس سمعت انهم افضل بالشرح من الدكتورات ف ناوية ادخل ع اللي نصحتني فيهم :smile: يعني باختصار المواد اللي يبغى لها تركيز واستيعاب وفهم وو الخ .. المحاسبة و الاقتصاد الجزئي |
رد: طلب : مساعدة في جدول مواد السمستر الثاني
موضوع ممتاز
|
رد: طلب : مساعدة في جدول مواد السمستر الثاني
الله يسعدك جدولك بيجيك جاهز من الاداره بمنزل بالموقع وانتي تختارين الشعبه كامله والأساتذة بيجونك على البركة لأنو ما تعرفين من الي بيدرسك والشيء هذا قاهرني بذي الجامعه �� تدخلين وانتي ما تعرفين من الي بيدرسك وآخر شيء المواد على فكره كلها سهله اذا ذاكرتي اول بأول �� وبالتوفيق ان شاءالله
|
رد: طلب : مساعدة في جدول مواد السمستر الثاني
اقتباس:
طيب جداول الشعب وين ينزلونها بالموقع ؟ بسجلات الطلاب والا بالصفحة الرئيسية ؟ عجزت الاقيها |
| All times are GMT +3. الوقت الآن حسب توقيت السعودية: 08:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام